ລິ້ງ ສຳຫລັບເຂົ້າຫາ

ວັນອາທິດ, ໑໔ ກໍລະກົດ ໒໐໒໔

ຮູບພາບຂອງລະເບີດແຕກ ຢູ່ໃນຈີນ ເບິ່ງຄ້າຍ ຄືວ່າເປັນເຂດສົງຄາມ


ລົດຄັນໜຶ່ງທີ່ໄດ້ຮັບຄວາມເສຍຫາຍ ແມ່ນເຫັນຢູ່ ໃນບໍລິເວນ ລະເບີດແຕກຢ່າງຮ້າຍແຮງ ໃນເມືອງທ່າ Tianjin ເມື່ອວັນທີ 13 ສິງຫາ 2015.
ລົດຄັນໜຶ່ງທີ່ໄດ້ຮັບຄວາມເສຍຫາຍ ແມ່ນເຫັນຢູ່ ໃນບໍລິເວນ ລະເບີດແຕກຢ່າງຮ້າຍແຮງ ໃນເມືອງທ່າ Tianjin ເມື່ອວັນທີ 13 ສິງຫາ 2015.

ຢ່າງ​ໜ້ອຍ ​ໄດ້​ມີ 44 ຄົນ​ເສຍ​ຊີວິດ ​ແ​ລະ ຫຼາຍຮ້ອຍ​ຄົນ ​ໄດ້​ຮັບ
​ບາດ​ເຈັບ ​ໂດຍ​ການລະ​ເບີດ​ຢ່າງ​ແຮງຫຼາຍບັ້ນຕິດ​ຕໍ່​ກັນ ຢູ່​ທີ່ສາງ​
ເກັບ​ພວກວັດຖຸ​ອັນຕະລາຍ ​ໃນ​ເມືອງ​ທ່າ Tianjin ຢູ່​ທາງ​ພາກ​
ຕາ​ເວັນ​ອອກສຽງ​ເໜືອ​ຂອງ​ຈີນ ​ເມື່ອ​ຕອນ​ຄ່ຳ​ວັນ​ພຸດ​ວານ​ນີ້.

ຮູບພາບ​ ​ແລະ ວີ​ດີ​ໂອ​ຕ່າງ​ໆ ສະ​ແດງໃຫ້​ເຫັນ ຄວັນ​ໄຟ​ອັນ​
ໃຫຍ່ໂຕ ​ແລະ ກ້ອນ​ເມກຄ້າຍ​ຄື​ກັບດອກ​ເຫັດ ທີ່ເຮັດ​ໃຫ້​ຕຶກ​ສູງ
ຫຼາຍຊັ້ນ ​ໃກ້​ຄຽງ​ນັ້ນ​ເບິ່ງ​ຄືນ້ອຍ​ລົງ ​ແລະ ​ໄດ້​ສົ່ງ​ຄື້ນສັ່ນ​ສະ​ເທືອ​ນ
ຂະໜາດໃຫຍ່ ທີ່ໄດ້​ສັ່ນ​ຄອນ​ເຮືອນ​ຊານ​ຂອງ​ພົນລະ​ເມືອງ​ ຢູ່​ຫ່າງ
ໄກ​ຫຼາຍກິ​ໂລ​ແມັດ​ຈາກ​ຈຸດລະ​ເບີດ​ດັ່ງກ່າວ.

ພາບ​ຖ່າຍ​ຈາກ​ເທິງ​ນ່ານຟ້າ ທີ່​ໄດ້​ພິມລົງ ໃນ​ວັນ​ພະຫັດ​ມື້​ນີ້ ​ໂດຍ​ອົງການ​ຂ່າວ Xinhua
ຂອງ​ທາງ​ການ​ຈີນ ສະ​ແດງ​ໃຫ້​ເຫັນ ສູນ​ກາງຂອງຄວາມ​ຫາ​ຍະ​ນະ​ທີ່ຍັງ​ເຜົາ​ໄໝ້ຢູ່​ນັ້ນ ​ຢຽດ
​ຍາວ​ອອກ​ໄປ ຫຼາຍຄຸ້ມ ​ໂດຍ​ຫລົງ​ເຫຼືອ​ໄວ້​ແຕ່​ອາຄານ​ທີ່​ເຕັມ​ໄປ​ດ້ວຍ​ຊ່ອງ​ໂວ່ ​ແ​ລະ ຊາກຂອງພວກ​ລົດ ​ທີ່​ຖືກ​ເຜົາ​ໄໝ້.

ບັນດາ​ພະນັກງານ​ດັບ​ເພີງ ຫຼາຍຮ້ອຍ​ຄົນ ພວມ​ພະຍາຍາມ ທີ່​ຈະ​ຄວບ​ຄຸມ​ໄຟ​ໄວ້ ​ແຕ່​
ຄວາມ​ພະຍາຍາມ​ຂອງ​ພວກ​ເຂົາ​ເຈົ້າ ​ໄດ້​ປະສົບ​ກັບ​ຄວາມ​ສັບສົນ ​ໂດຍ “ສະພາບ​ການ
​ທີ່​ສະລັບສັບ​ຊ້ອນ”
ຢູ່​ສະຖານ​ທີ່​ເກີດ​ເຫດ ອີງ​ຕາມ​ອົງການ​ຂ່າວ​ຊິນ​ຫົວ. ລາຍ​ງານ​ຈາກ
ຫຼາຍ​ແຫ່ງ ​ແນະນຳ​ວ່າ ບັນດາ​ພະນັກງານ​ດັບ​ເພີງ ​ໄດ້ໂຈະຄວາມ​ພະຍາຍາມ​ຂອງ​ພວກ​
ເຂົາ​ເຈົ້າ​ໄວ້​ກ່ອນ ຈົນ​ກວ່າ ຈະ​ສາມາດ​ກຳນົດ​ໄດ້​ວ່າ ບໍ່​ມີ​ສານ​ເຄມີ​ທີ່​ເປັນ​ອັນຕະລາຍ ຢູ່​ໃນ
ບໍລິ​ເວນດັ່ງກ່າວ​.

ສື່​ມວນ​ຊົນ​ຂອງ​ທາງ​ການຈີນ ກ່າວ​ວ່າ ຢ່າງ​ໜ້ອຍ 32 ຄົນ ຍັງ​ຢູ່​ໃນ​ສະພາບອາການ​ສາຫັດ
ຫຼັງຈາກ​ລະ​ເບີດ​ແຕກ​ຂຶ້ນ ແລະ ຢ່າງ​ໜ້ອຍ 400 ຄົນ ​ໄດ້​ຮັບ​ບາດ​ເຈັບ.

ລະ​ເບີດ​ແຕກ​ຂຶ້ນຄັ້ງທຳ​ອິດ ແມ່ນຫຼັງຈາກ 11:30 ຕອນ​ຄ່ຳ​ໃນເວລາ ທ້ອງຖິ່ນ ​ແມ່ນ​ເທົ່າ​ກັບ ​3 ​ໂຕນ​ຂອງ​ລະ​ເບີດ TNT ອີ​ງຕາມ​ສູນ​ກາງ​ເຄືອ​ຂ່າຍ​ແຜ່ນດິນ​ໄຫວ​ຂອງ​ຈີນ. ສູນ​ກາງ​ນັ້ນ ກ່າວ​ວ່າ ລະ​ເບີດ​ຄັ້ງທີສອງ​ແຕກ​ຂຶ້ນ 30 ວິນາ​ທີ ລຸນຫຼັງ ​ແມ່ນເທົ່າ​ກັບ 21 ​ໂຕນ ຂອງລະ​ເບີດ TNT.

ລະ​ເບີດ​ທີ່​ແຕກ​ຂຶ້ນນັ້ນ ​ໄດ້​ຖະຫລົ່ມ​ປ່ອງ​ຢ້ຽມຫຼາຍໆ​ບານ ​ແລະ ສັ່ນ​ສະ​ເທືອ​ນບ້ານ​ເຮືອ​
ຂອງພົນລະ​ເມືອງ ທີ່​ຢູ່ຫ່າງໄກອອກ​ໄປຫຼາຍກິ​ໂລ​ແມັດ.

ທ່ານ Drew Chovanec ອາ​ຈານ​ສອນ​ພາສາ​ອັງກິດ​ຜູ້​ທີ່​ອາ​ໄສ​ຢູ່​ປະມານ​ຫ້າ​ກິ​ໂລ​ແມັດ​
ຈາກ​ຈຸດ​ລະ​ເບີດ ກ່າວ​ຕໍ່​ວີ​ໂອ​ເອ ວ່າ “ມີ​ລົມແຮງໜຶ່ງພັດ​ເຂົ້າມາ ທີ່​ບໍ່​ຄື​ກັບລົມ​ແຮງ​ຈາກ​
ທຳ​ມະ​ຊາດ ​ແລະ ຕໍ່​ມາ ​ແມ່ນ​ທະວີ​ຄວາມ​ແຮງ​ຕື່ມຂຶ້ນ​ແທ້ໆ​ ຕາມຫຼັງມາ ພ້ອມ​ດ້ວຍ​
ຄວາມ​ສັ່ນ​ສະ​ເທືອ​ນ. ພວກ​ເຮົາໄດ້ເຫັນກ້ອນ​ເມກ​ຂອງ​ຄວັນ ​ແລະ ​ແສງ​ທີ່​ກະຈ່າງ
ແຈ້ງ ຫຼັງຈາກ​ນັ້ນ.”

ບໍ່​ມີ​ຮ່ອງຮອຍໃດໆ​ເປັນ​ເຫດກໍ່​ໃຫ້​ເກີດ​ລະ​ເບີ​ດຄັ້ງ​ນີ້ ຊຶ່ງ​ສື່​ມວນ​ຊົນ​ທາງ​ການ​ກ່າວ​ວ່າ ​ເກີດ​
ຂຶ້ນຢູ່​ທີ່​ສາງ​ແຫ່ງ​ໜຶ່ງ ທີ່​ບໍລິສັດ Rui Hai International Logistics ​ເປັນ​ເຈົ້າຂອງ.
ບັນດາ​ເຈົ້າໜ້າ​ທີ່​ໃນ​ທ້ອງຖິ່ນ ກ່າວ​ວ່າ ຜູ້​ຈັດການ​ໃຫຍ່​ຂອງ​ບໍລິສັດ​ດັ່ງກ່າວ ​ແມ່ນ​ໄດ້​ຖືກ​
ຄວບ​ຄຸມ​ຕົວ​ໄວ້.

​ເມືອ​ງທ່າ Tianjin ຕັ້ງຢູ່​ທາງ​ພາກ​ຕາ​ເວັນ​ອອກສຽງ​ເໜືອ​ຂອງ​ຈີນ ຫ່າງຈາກ​ນະຄອນຫຼວງ ປັກ​ກິ່ງ ປະມານ 150 ກິ​ໂລ​ແມັດ ກ້ຳ​ຕາ​ເວັນ​ອອກສຽງ​ໃຕ້ ​ແລະ ​ເປັນ​ທີ່ຢູ່​ອາ​ໄສ​ຂອງ​ພົນລະ​ເມືອງ ຫຼາຍກວ່າ 7 ລ້ານ​ຄົນ. ​ແລະ​ເປັນ​ເມືອງ​ທີ່​ໃຫຍ່​ທີ່​ສຸດ​ອັນ​ດັບ​ສີ່​ຂອງ​ປະ​ເທດ.

China Explosion
please wait
Embed

No media source currently available

0:00 0:01:43 0:00

XS
SM
MD
LG