ລິ້ງ ສຳຫລັບເຂົ້າຫາ

ວັນເສົາ, ໑໓ ກໍລະກົດ ໒໐໒໔

ຄວາມພະຍາຍາມໃນການຢຸດຍິງ ຍັງຄົງສືບຕໍ່ດໍາເນີນຢູ່ ຫຼັງຈາກສົງຄາມ 9 ເດືອນ ລະຫວ່າງ ອິສຣາແອລ ແລະ ກຸ່ມຮາມາສ


ສະຖານະການສົງຄາມລະຫວ່າງ ອິສຣາແອລ ແລະ ກຸ່ມຮາມາສ ໃນແຫຼມກາຊາ.

ຂະນະ​ທີ່​ຄວາມ​ຂັດ​ແຍ້​ງກັນ​ລະຫວ່າງ ອິສຣາ​ແອ​ລ ແລະ ກຸ່ມຮາ​ມາສ ຢູ່​ເຂດ​ກາຊາ ກ້າວ​ເຂົ້າ​ສູ່​ເດືອນ​ທີ 9 ໃນ​ວັນ​ອາທິດແລ້ວ​ນີ້, ກຸ່ມ​ຫົວ​ຮຸນ​ແຮງ​ປາ​ແລັ​ສ​ໄຕ​ນ໌ກ່າວ​ວ່າ ຕົນ​ກຳລັງ​ລໍຖ້າ​ຄຳ​ຕອບ​ຂອງ​ອິສຣາ​ແອ​ລ ລຸນຫຼັງ​ໄດ້ຍົກ​ເລີກ​ຂໍ້​ຮຽກ​ຮ້ອງອັນ​ສຳຄັນ​ໃນ​ການ​ຕອບ​ສະໜອງ​ຕໍ່​ຂໍ້​ສະ​ເໜີ​ຢຸດ​ຍິງ​ທີ່​ສະໜັບສະໜູນ​ໂດຍ​ສະຫະລັດ. ອາຣາຊ ອາຣາບາສຊາດີ ນັກ​ຂ່າວ VOA ມີ​ລາຍ​ງານ​ກ່ຽວ​ກັບ​ເລື້ອງນີ້.

ຜູ້ຊາຍຄົນນຶ່ງຮ້ອງອອກມາເປັນພາສາອາຣັບວ່າ “ປົກປ້ອງປະຊາຊົນ, ປົກປ້ອງ ພວກເຮົາ.” ໃນ​ຂະ​ນະ​ທີ່ສົງຄາມ​ຂອງ ອິສຣາແອລ ແລະ ກຸ່ມຮາມາສ ​ດຳ​ເນີນ​ຕໍ່​ໄປຢູ່ໃນແຫຼມກາຊາ.

ການ​ອ້ອນວອນ​ຂອງລາວ​ສຳ​ລັບ​ການ​ຊ່ວຍ​ເຫຼືອ​ໄດ້​ມີ​ຂຶ້ນ​ໃນ​ຂະນະ​ທີ່​ເຈົ້າ​ໜ້າ​ທີ່​ໂຮງ​ໝໍ​ກ່າວ​ວ່າ ການ​ໂຈມ​ຕີ​ທາງ​ອາກາດ​ຂອງ​ອິສຣາ​ແອ​ລ​ ສົ່ງຜົນເຮັດໃຫ້ມີ ຜູ້ເສຍຊີວິດຢ່າງ​ໜ້ອຍ 6 ຄົນ, ​ໃນ​ນັ້ນ​ລວມທັງ​ເດັກນ້ອຍ 2 ຄົນ ​ແລະ​ແມ່ຍິງອີກ 2 ຄົນ.

ແຕ່​ປັດຈຸ​ບັນນີ້, ຄວາມ​ພະຍາຍາມ​ເພື່ອ​ຮັບປະກັນ​ການ​ຢຸດ​ຍິງນັ້ນ ​ຍັງຄົງສືບຕໍ່​ດຳ​ເນີນ​ໄປຢູ່. ກຸ່ມຮາມາສກ່າວ​ວ່າ ໃນເບື້ອງຕົ້ນ ຕົນ​ໄດ້​ໃຫ້ການ​ອະນຸມັດ​ກ່ຽວ ກັບ​ຂໍ້​ຕົກລົງ​ຢຸດ​ຍິງ​ທີ່​ໄດ້​ຮັບ​ການ​ສະໜັບສະໜູນ​ໂດຍ​ສະຫະລັດ​ ພ້ອມດ້ວຍ​ອິສຣາ​ແອ​ລ ທີ່ຢຸດເຊົາໃນເວລາສັ້ນໆສໍາລັບການ​ຮຽກຮ້ອງ​ຕ້ອງການ​ທີ່​ມີ​ມາ​ດົນ​ນານ​ຂອງ​ກຸ່ມຮາມາສ ​ກ່ຽວກັບ​ຄຳ​ໝັ້ນ​ສັນຍາ​ທັງ​ໝົດ​ໃນການສິ້ນສຸດສົງຄາມ ຂອງ​ອິສຣາ​ແອ​ລ.

ໂດຍຜ່ານຄວາມຂັດແຍ້ງມາເປັນເວລາ 9 ເດືອນລະຫວ່າງ ອິສຣາແອ ແລະ ກຸ່ມກໍ່ການຮ້າຍຮາມາສ ທີ່ໄດ້ຮັບການລະບຸໂດຍຝ່າຍຕາເວັນຕົກ, ມີຊາວ ປາແລັສໄຕນ໌ເສຍຊີວິດແລ້ວຫຼາຍກວ່າ 38 ພັນຄົນ, ອີງຕາມລາຍງານຂອງກະ ຊວງສາທາລະນະສຸກຢູ່ໃນຂົງເຂດກາຊາ ທີ່ດໍາເນີນງານໂດຍກຸ່ມຮາມາສ.

ທັງ​ໝົດ​ນີ້​ເລີ້ມ​ຂຶ້ນ​ໃນ​ວັນ​ທີ 7 ຕຸ​ລາ ຂອງ​ປີ​ແລ້ວ​ນີ້ ເມື່ອ​ກຸ່ມ​ຮາ​ມາ​ສ ແລະ​ບັນ​ດາ​ພັນ​ທະ​ມິດຂອງພວກເຂົາ ​ໄດ້​ທໍາການຝ່າຝືນເຂົ້າໄປບໍລິເວນ​ຊາຍ​ແດນຂອງ​ອິ​ສ​ຣາ​ແອ​ລ ພ້ອມທັງສັງຫານ​ປະຊາຊົນຈໍານວນ 1,200 ​ຄົນ ເຊິ່ງເກືອບທັງໝົດ ແມ່ນພົນ​ລະ​ເຮືອນ, ແລະ​ລັກ​ພາໂ​ຕ​ອີກຈໍານວນ 250 ຄົນ.

ອິສຣາ​ແອ​ລ ​ໄດ້ອອກມາ​ປະຕິຍານ​ວ່າ ຈະ​ກຳຈັດ​ກຸ່ມຮາມາສ ​ແລະໄດ້ດໍາເນີນ​ເປີດ​ການ​ບຸກ​ໂຈມ​ຕີ​ແບບເຕັມ​ອັດຕາເຂົ້າ​ໃນ​ຂົງເຂດ​ກາຊາ.

ໃນຊ່ວງ​ເວລາ​ນັ້ນ, ຊາວ​ອິສຣາ​ແອລ ​ໄດ້​ອອກມາດໍາເນີນ​ການເດີນ​ຂະ​ບວນປະ​ທ້ວງ​ເປັນເວລາຫຼາຍອາທິດຢ່າງຕໍ່ເນື່ອງ ​ຕໍ່​ລັດຖະບານ​ຂອງ​ຕົນ, ໂດຍຮຽກຮ້ອງ​ໃຫ້ຂັບໄລ່​ປະທານາທິບໍດີ ທ່ານ ເບັນຈາມິນ ເນຕັນຢາຮູ ​ອອກ​ຈາກ​ຕຳ​ແໜ່​ງ ​ແລະໃຫ້ມີ​ການ​ເລືອກ​ຕັ້ງ​ໃໝ່ເພື່ອມາ​ແທນ​ທ່ານ.

ພວກ​ເຂົາ​ເຈົ້າ​ກ່າວ​ວ່າ ລັດ​ຖະ​ບານ​ຂອງ​ ທ່ານ ເນຕັນຢາຮູ ​ບໍ່​ໄດ້​ດໍາເນີນງານພຽງ​ພໍເພື່ອນໍາບັນດາຜູ້ທີ່ພວກເຂົາຮັກ ເຊິ່ງ​ຖືກ​ລັກ​ພາໂ​ຕນັ້ນ ກັບ​ຄືນ​ມາເຮືອນໄດ້.

ນາງ ຊາຣາ ເຮັວເປີ (Sara Helper), ນຶ່ງໃນຜູ້​ປະ​ທ້ວງກ່າວວ່າ:

“ສະນັ້ນ, ພວກເຮົາຈໍາເປັນຕ້ອງໄດ້ເອົາບັນດາໂຕປະກັນເຫຼົ່ານັ້ນກັບຄືນມາ. ຊີວິດຂອງມວນມະນຸດ ຢູ່ເໜືອສິ່ງອື່ນໃດ. ນີ້ແມ່ນສິ່ງທີ່ເປັນປະຊາທິປະໄຕຂອງ ອິສຣາແອລ. ຄວາມຮ້ອງຕ້ອງການ​ດຽວໃນທັນທີ​ຂອງ​ຂ້ອຍກໍ​ແມ່ນ​ວ່າ, ທັນ​ທີລຸນ​ຫຼັງ​ການ​ຕົກລົງກັນ, ອິສຣາ​ແອລ ຄວນກ້າວເຂົ້າສູ່​ການເລືອກ​ຕັ້ງ. ມັນເຖິງເວລາ ແລ້ວທີ່ຈະສ້າງຄວາມເຊື່ອໝັ້ນຄືນໃໝ່ລະຫວ່າງ ປະຊາຊົນ ແລະ ລັດຖະບານ.”

ສໍາລັບຂົງເຂດກາຊາ, ກອງເຄື່ອງການຊ່ວຍເຫຼືອທີ່ຕົກລົງຈາກທ້ອງຟ້າ ໃນສິ່ງທີ່ ເຈົ້າໜ້າທີ່ຍອມຮັບວ່າເປັນວິທີທາງທີ່ບໍ່ມີປະສິດທິພາບ ໃນການນໍາສົ່ງການ ສະໜັບສະໜູນ.

ອີງ​ຕາມລາຍ​ງານ​ຮ່ວມ​ໂດຍອົງການ​ສະ​ຫະ​ປະ​ຊາ​ຊາດ ​ແລະໜ່ວຍງານການ ລວບລວມດ້ານຄວາມໝັ້ນຄົງຂອງປະເທດສະບຽງອາຫານ ຫຼື IPC ນັ້ນ, ປະຊາກອນ 96 ເປີເຊັນໃນຂົງເຂດກາຊາ ກໍາລັງປະ​ເຊີນ​ກັບ​ຄວາມ​ບໍ່ໝັ້ນ​ຄົງທາງດ້ານ​ສະ​ບຽງ​ອາ​ຫານ​ທີ່​ຮ້າຍ​ແຮງ​ ໂດຍຢູ່ໃນ​ລະ​ດັບ “ວິ​ກິດ​ການ​” ຫຼື ​ສູງ​ກວ່ານັ້ນ​.

ອົງການສະຫະ​ປະຊາ​ຊາດ​ຄາດ​ຄະ​ເນ​ການຍົກຍ້າຍຖິ່ນຖານ​ຂອງປະຊາກອນໃນ ຂົງເຂດກາຊາວ່າ ມີຮອດ 90 ​ເປີ​ເຊັນ​, ໂດຍ​ມີປະມານ 2.1 ລ້ານ​ຄົນ ນັບ​ຕັ້ງ​ແຕ່​ສົງຄາມ​ໄດ້​ເລີ້​ມຕົ້ນຂຶ້ນ.

​ແລະ​ໃນ​ຂະນະ​ທີ່​ກອງກຳລັງ​ປ້ອງ​ກັນ​ປະ​ເທດຂອງ​ອິສຣາ​ແອລ​ສືບ​ຕໍ່​ປະຕິບັດ​ງານຂອງພວກເຂົາເຈົ້າ​ຢູ່​ໃນຂົງເຂດ​ກາຊາ, ​ໂດຍ​ອ້າງ​ວ່າ ​ຍຶດ​ເອົາ​ອາວຸດ​ຈາກ​ກຸ່ມຮາມາສ ​ໃນ​ເນື້ອ​ໃນທີ່ VOA (ມາຈາກອົງການຂ່າວ AP) ບໍ່​ສາມາດ​ຢືນຢັນ​ໄດ້​ຢ່າງ​ເປັນ​ອິດສະຫຼະນັ້ນ, ບັນດາຜູ້​ປະ​ທ້ວງ ​ໄດ້ອອກມາ​ເຕົ້າ​ໂຮມ​ກັນ​ຢູ່ບໍລິເວນ​ພາກ​ໃຕ້​ຂອງ​ອິສຣາ​ແອ​ລ​ໃນ​ວັນ​ອາທິດ​ແລ້ວ​ນີ້ ພ້ອມດ້ວຍໝາກ​ບາລລູນ​ປະມານ 1,500 ​ໜ່ວຍ. ພວກ​ເຂົາ​ເຈົ້າ​ກ່າວ​ວ່າ ສີ​ດຳ​ ໝາຍເຖິງຜູ້ທີ່ເສຍຊີວິດ​ໃນ​ວັນ​ທີ 7 ຕຸ​ລາ, ​ສີ​ເຫຼືອງ ໝາຍເຖິງໂຕປະກັນທີ່​ຍັງ​ຖືກ​ຈັບ​ຢູ່​ໃນ​ຂົງເຂດກາຊາ.

ອ່ານບົດລາຍງານດ້ານລຸ່ມນີ້ເປັນະາສາອັງກິດ

As the Israel-Hamas conflict in Gaza entered its ninth month Sunday, the Palestinian militant group said it is waiting for an Israeli response after dropping a key demand in its response to a U.S.-backed cease-fire proposal. VOA’s Arash Arabasadi has the story.

A man shouts in Arabic, “Protect people. Protect us.” As another day of the Israel-Hamas war wages on in the Gaza Strip.

His pleas for help come as hospital staff say an Israeli airstrike killed at least six people, including two children and two women.

But for now, efforts to secure a cease-fire continue. Hamas says it has given its initial approval of a U.S.-backed cease-fire deal with Israel that stops short of Hamas’ long-standing demand for a total Israeli commitment to the war’s end.

Through nine months of conflict between Israel and the Western-identified terror group Hamas, more than 38-thousand Palestinians died, according to the Hamas-run Gaza Health Ministry.

It all started October seventh of last year when Hamas and its allies breached Israel’s border killing 12-hundred mostly civilians and kidnapping some 250 others.

Israel vowed the eradication of Hamas and launched a full-scale invasion of Gaza.

In that time, Israelis held ongoing weekly protests of their government, calling for the ouster of Prime Minister Benjamin Netanyahu and new elections to replace him.

They say his government hasn’t done enough to bring home their kidnapped loved ones.

Sara Helper, Protester

“So, we need to get those hostages back. Human life above everything else. This is what Israeli democracy is about. My only demands are that, immediately after the deal, Israel goes for elections. It’s time to reestablish trust between the people and the government.”

Back in Gaza, aid pallets fall from the sky in what officials admit is an inefficient way to deliver support.

According to a joint report by the U.N. and IPC (Integrated Food Security Phase Classification), 96 percent of Gaza’s population faces acute food insecurity at “crisis” levels or higher.

The United Nations estimates the displacement of 90 percent of Gaza’s population – some two-point-one million people – since the onset of the war.

And as the Israel Defense Forces continue their operations in Gaza, claiming to seize weapons from Hamas in content VOA ((AP)) cannot independently verify…protesters gathered in southern Israel Sunday with roughly 15-hundred balloons. They say black represents those killed on October seventh and yellow, the hostages still held in Gaza.

ຟໍຣັມສະແດງຄວາມຄິດເຫັນ

XS
SM
MD
LG