ລັດຖະມົນຕີກະຊວງການຕ່າງປະເທດສະຫະລັດ ທ່ານນາງຮີລລາລີຄລີນຕັນຈະຢ້ຽມຢາມ
ສີ່ປະເທດໃນອາຟຣິກາຕາເວັນຕົກ ໃນຕົ້ນອາທິດໜ້ານີ້ ແນໃສ່ເພື່ອເນັ້ນໜັກໃຫ້ຄວາມສຳ
ຄັນກ່ຽວກັບການປົກຄອງທີດີແລະການພັດທະນາທາງດ້ານເສດຖະກິດ
ກະຊວງການຕ່າງປະເທດສະຫະລັດ ໄດ້ປະກາດກ່ຽວກັບການເດີນທາງດັ່ງກ່າວ ໃນມື້ວັນ
ສຸກວານນີ້
ທ່ານນາງວິກຕໍເຣຍ ນູແລ່ນໂຄສົກກະຊວງການຕ່າງປະເທດສະຫະລັດກ່າວວ່າ ການຢ້ຽມ
ຢາມຕ່າງປະເທດຂອງທ່ານນາງຄລີນຕັນ ຄັ້ງທໍາອິດໃນປີນີ້ຈະແມ່ນການໄປຢ້ຽມຢາມໄລບີ
ເລຍ ເພື່ອເຂົ້າຮ່ວມໃນພິທີຮັບຕໍາແໜ່ງຄັ້ງທີສອງຂອງປະທານາທິບໍດີເອເລ່ນຈອນສັນ-ເຊີ
ລິຟ. ຫລັງຈາກນັ້ນ ທ່ານນາງຈະໄປແວ່ຢ້ຽມຢາມໄອວໍຣີໂຄສ ໂຕໂກ ແລະ ເຄບເວີຣ໌ດ.
ຢູ່ທີ່ໄອວໍຣີໂຄສ ທ່ານນາງມີໝາຍກຳນົດຈະໄດ້ພົບກັບປະທານາທທິບໍດີອາລາສຊານ ອຸດ
ຕາຣາ. ພັກລັດຖະບານປະສົມຂອງທ່ານໄດ້ຮັບໄຊຊະນະຢ່າງຖ້ວມລົ້ນ ໃນການເລືອກຕັ້ງ
ສະພາແຫ່ງຊາດໃນວັນທີ 11 ທັນວາປີກ່ອນ.
ທ່ານນາງຄລີນຕັນຈະມ້ວນທ້າຍການເດີນທາງຢ້ຽມຢາມທີ່ເຄບເວີຣ໌ດ ຊຶ່ງເປັນເກາະນ້ອຍໆ
ໃນມະຫາສະມຸດອັດລັງຕິກ ບ່ອນທີທ່ານຈະພົບກັບນາຍົກລັດຖະມົນຕີ ໂຮເຊ ມາຣີອາ ເນີ
ເວສ ເພື່ອໂອ້ລົມກ່ຽວກັບບັນຫາການຮ່ວມມືໃນຂົງເຂດເຊັ່ນວ່າ ການຄ້າຢາເສບຕິດເຖື່ອນ
ເປັນຕົ້ນ.
