ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ການວາງລະເບີດສະຫຼະຊີບ ທີ່ຮ້າຍແຮງ ໂຈມຕີພະນັກງານ ຂອງກະຊວງນຶ່ງ ຂອງລັດຖະບານອັຟການິສຖານ.


ທະຫານອັຟການິສຖານ ຢືນຍາມຢູ່່ ໃກ້ໆກັບສະຖານທີລະເບີດ
ແຕກ ຫ່າງໄກຈາກນະຄອນຫຼວງກາບູລ ປະເທດອັຟການິສຖານ ວັນທີ 15 ກໍລະກົດ 2018.
ທະຫານອັຟການິສຖານ ຢືນຍາມຢູ່່ ໃກ້ໆກັບສະຖານທີລະເບີດ ແຕກ ຫ່າງໄກຈາກນະຄອນຫຼວງກາບູລ ປະເທດອັຟການິສຖານ ວັນທີ 15 ກໍລະກົດ 2018.

ການວາງ​ລະ​ເບີດ​ສະຫຼະ​ຊີບ​ໄດ້​ຖືກອ້າງ​ເອົາຄວາມຮັບຜິດຊອບ​ໂດຍ​ກຸ່ມ​ລັດ​ອິສລາມ ​
ເຮັດ​ໃຫ້​ມີຜູ້ເສຍ​ຊີວິດ​ຢ່າງ​ໜ້ອຍ​ເຈັດ​ຄົນ ​ແລະ​ໄດ້​ຮັບ​ບາດ​ເຈັບ​ຫຼາຍ​ຄົນ​ໃ​ນວັນ​ອາທິດ​
ວານ​ນີ້ ​ໃນ​ນະຄອນ​ຄາ​ບູລ ຫຼາຍ​ຊົ່ວ​ໂມງ​ ຫຼັງ​ຈາກ​ລາຍ​ງານ​ກາງ​ປີ​ຂອງ​ສະຫະ​ປະຊາ
​ຊາດ ທີ່​ໄດ້​ເຕືອນ​ເຖິງ​ອັ​ຟກາ​ນິສຖານ​ທີ່​ໄດ້​ຮັບ​ຄວາມ​ຊອກ​ຊໍ້າ​ໃນ​ລະດັບ​ບັນທຶກ​ການ
ເສຍຊີວິດ​ຂອງ​ພົນລະ​ເຮືອນ.

​ໂຄສົກ​ກະຊວງ​ກ່າວ​ວ່າ ຜູ້​ວາງ​ລະ​ເບີດ​ໄດ້​ລະ​ເບີດ​ຕົນ​ເອງ ​ຢູ່​ໃນ​ເຂດ​ບ່ອນຈອດ​ລົດ​
ຂອງ​ກະຊວງພັກ​ຟື້ນຊົນນະບົດ ​ແລະ​ພັດທະນາ ​ເວລາພວກ​ພະນັກງານ​ໄດ້ພາກັນ​ອອກ
​ຈາກ​ວຽກ​ປະຈຳ​ວັນໄປ. ທ່ານ​ຟາ​ຣິດ​ອນ ອັສຮານ ກ່າວ​ຕໍ່​ວີ​ໂອ​ເອວ່າ ທ່ານຄາດ​ວ່າ ​ຈຳ
ນວນ​ການ​ເສຍ​ຊີວິດ​ຈະ​ເພີ້​ມຂື້ນ ​ເພາະວ່າ​ລະ​ເບີດ​ແຕກ​ຂຶ້ນ​ຢູ່ບ່ອນ​ທີ່​ມີ​ຄົນ​ໜາ​ແໜ້ນ.

ສື່​ສັງຄົມໃ​ນ​ອັຟກາ​ນິສຖານ​ໄດ້​ອ້າງຄວາມເວົ້າ​ບັນດາ​ຜູ້​ເຫັນ​ເຫດການ​ວ່າ ການ​ໂຈມ​ຕີ​
ອາດ​ແນ​ໃສ່​ລົດ​ທີ່​ຈອດ​ຢູ່​ໃກ້​ກັບ “ລົດ​ຊາວ​ຕ່າງປະ​ເທດ” ​ແຕ່​ບໍ່​ໄດ້​ໃຫ້​ລາຍ​ລະ​ອຽດ
​ເພີ້ມ​ເຕີມ.

ຖະແຫຼ​ງການ​ສະບັບ​ນຶ່ງ​ຈາກ​ອົງການ​ຂ່າວ​ອາ​ມັກ​ຂອງກຸ່ມ​ຫົວ​ຮຸນ​ແຮງ ໄດ້​ອ້າງ​ເອົາ​ຄວາມ​ຮັບຜິດຊອບ ​ຕໍ່​ການ​ໂຈມ​ຕີ​ ຊຶ່ງ​ກ່າວ​ວ່າ​ ໄດ້​ສັງຫານ ຫຼື​ໄດ້ເຮັດໃຫ້ບາດ​ເຈັບ 60 ຄົນ
ຮວມທັງ​ຊາວ​ຕ່າງປະ​ເທດ​ສອງ​ຄົນ.

ການ​ວາງ​ລະ​ເບີດໃນ​ວັນ​ອາທິ​ດວານນີ້ ​ໄດ້​ເປັນ​ການ​ໂຈມ​ຕີເທື່ອ​ທີສອງ ​ແນ​ໃສ່​ກະ​ຊວງ
​ພຽງ​ແຕ່​ນຶ່ງ​ເດືອນ​ທີ່​ຜ່ານ​ມາ. ຜູ້​ວາງ​ລ​ະ​ເບີດ​ສະຫຼະ​ຊີບ​ໄດ້​ສັງຫານ 17 ຄົນ ​ແລະ​ໄດ້​ເຮັດ
ໃຫ້ບາດ​ເຈັບ 40 ຄົນ​ ໃນ​ວັນ​ທີ 11 ເດືອນມິຖຸນາ ​ໃນ​ຂະນະ​ທີ່​ພວກ​ເຄາະ​ຮ້າຍ​ກຳລັງ​ຂຶ້ນ
​ລົດ​ບັສ ອອກ​ຈາກ​ວຽກງານໄປ​ສຳລັບ​ມື້ນັ້ນ​.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG