ລິ້ງ ສຳຫລັບເຂົ້າຫາ

ເຈົ້າໜ້າ​ທີ່​ທະຫານ​ຂອງ​ສະຫະລັດ​ແລະ​ອັຟກາ​ນິສຖານ​ກ່າວ​ວ່າ ທະ​ຫານ​ອາ​ເມຣິກັນ 6 ຄົນ​ໄດ້
​ຖືກ​ສັງຫານ ​ໂດຍ​ພະນັກງານ​ຂອງ​ລັດຖະບານ​ອັຟກາ​ນິສຖານ.

​ໃນ​ເຫດ​ຮ້າຍ​ທຳ​ອິດ​ໃນ​ຕອນ​ເຊົ້າວັນ​ສຸກ​ວານ​ນີ້ ​ເຈົ້າໜ້າ​ທີ່​ເວົ້າວ່າ ຜູ້​ບັນຊາ​ການ​ຕຳຫຼວດອັຟກາ
​ນິສຖານ​ຄົນ​ນຶ່ງ​ ໄດ້​ຍິງ​ສັງຫານ​ໜ່ວຍ​ປະຕິບັດ​ງານ​ພິ​ເສດ ​ຂອງ​ທະຫານ​ມາຣີນ 3 ຄົນ ທີ່​ເມືອງ
Sangin ​ໃນ​ແຂວງ Helmand. ​ເຈົ້າໜ້າ​ທີ່​ອັຟກາ​ນິສຖານ​ກ່າວ​ວ່າ ຜູ້​ບັນຊາ​ການ​ຕຳຫຼວດຄົນ
​ນີ້ ​ໄດ້​ເຊີນ​ພວກ​ທະຫານ​ມາຣີນ ​ໄປ​ກິນ​ເຂົ້າ ທີ່​ດ່ານ​ກວດ​ຂອງ​ລາວ ​ໃນ​ພາກ​ໃຕ້​ອັຟກາ​ນິສຖານ
​ແລະ​ຜູ້ກ່ຽວ​ໄດ້​ຫຼົບໜີ​ໄປ​ຫຼັງຈາກ​ຍິງ​ສັງຫານ​ທະຫານ​ມາຣີນ​ແລ້ວ.

​ໂຄສົກ​ຄົນ​ນຶ່ງ​ຂອງ​ກຸ່ມ​ຕາ​ລີ​ບານ​ກ່າວ​ວ່າ ມື​ປືນ​ທີ່​ເປັນ​ຕຳຫຼວດຄົນ​ນີ້​ໄດ້​ໂຕນ​ໄປຮ່ວມ​ກັບ​ພວກ​
ກະບົດ​ຫຼັງຈາກ​ໄດ້​ຍິງ​ທະຫານ​ສະຫະລັດ.

​ໃນ​ການ​ໂຈມ​ຕີ​ບ່ອນ​ທີ​ສອງ​ນັ້ນ ​ເຈົ້າໜ້າ​ທີ່​ເວົ້າວ່າ ​ໃນ​ຄືນ​ວາ​ນນີ້ ພົນລະ​ເຮືອນອັຟກາ​ນິສຖານ
ຄົນ​ນຶ່ງທີ່​ເຮັດ​ວຽກ​ຢູ່​ຖານ​ທັບ​ຂອງອົງການ​ເນ​ໂຕ້ບໍ່​ໄກ​ປານ​ໃດ​ຈາກ​ບ່ອນທີ່​ມີ​ການ​ຍິງ​ກັນ​ທຳ​ອິດ
​ໄດ້​ຫັນ​ປາຍ​ປືນ​ໃສ່​ທະຫານ​ອົງການ​ເນ​ໂຕ້ ​ເຮັດ​ໃຫ້​ທະຫານ​ອາ​ເມຣິກັນ 3 ຄົນ​ເສຍ​ຊີວິດ.

ການ​ຍິງ​ກັນ​ເທື່ອ​ຫຼ້າສຸດດັ່ງກ່າວ​ ​ແມ່ນ​ຄັ້ງທີ​ສີ່​ໃນ​ອາທິດ​ນີ້ ທີ່​ກຳລັງ​ນາໆ​ຊາດ​ໄດ້​ຕົກ​ເປັນ​ເປົ້າ
​ໃນ​ການ​ໂຈມ​ຕີຂອງ​ຄູ່​ປະຕິບັດ​ງານ​ຝ່າຍ​ອັຟການນິສຖານ.

XS
SM
MD
LG