ບັນດາເຈົ້າໜ້າທີ່ອັຟການີສຖານກ່າວວ່າ ການໂຈມຕີສະລະຊີບດ້ວຍລະເບີດບັ້ນນຶ່ງໄດ້ສັງ
ຫານປະຊາຊົນຢ່າງໜ້ອຍ 4 ຄົນແລະເຮັດໃຫ້ບາດເຈັບຕື່ມອີກ 10 ຄົນ ໃນພາກເໜືອ
ຂອງປະເທດ.
ເຈົ້າໜ້າທີ່ເຫລົ່ານີ້ກ່າວວ່າ ຜູ້ວາງລະເບີດສະລະຊີບຄົນນຶ່ງໄດ້ບີບຂະນວນລະເບີດລົດທີ່
ຕົນຂັບມາໃຫ້ແຕກຂຶ້ນໃນເວລາກ່ອນແຈ້ງ ເຊົ້າວັນອັງຄານມື້ນີ້ ຢູ່ນອກບໍລິເວນນຶ່ງ ທີ່
ເປັນບ່ອນຕັ້ງຂອງບໍລິສັດຮັກສາຄວາມປອດໄພເອກກະຊົນ ສອງບໍລິສັດ ໃນເມືອງ
Kunduz.
ຕໍາຫລວດກ່າວວ່າ ຫລັງຈາກນັ້ນ ພວກຫົວຮຸນແຮງອີກ 2 ຄົນໄດ້ບຸກເຂົ້າໄປໃນລິເວນ
ເດີ່ນ ຍັງຜົນໃຫ້ມີການຍິງຕໍ່ສູ້ກັນກັບຕໍາຫລວດເປັນເວລາດົນເຖິງ 2 ຊົ່ວໂມງ. ການຕໍ່
ສູ້ກັນໄດ້ຍຸດຕິລົງເວລາພວກຫົວຮຸນແຮງທັງ 2 ຄົນ ທີ່ຢູ່ໃນຕຶກຫລັງນຶ່ງນັ້ນ ບີບຂະ
ນວນລະເບີດຂອງພວກເຂົາໃຫ້ແຕກຂຶ້ນ. ພວກຄົນຍາມຮັກສາຄວາມປອດໄພຂອງບໍ
ລີສັດເອກະຊົນ 4 ຄົນເສຍຊີວິດ ແລະຕໍາຫລວດອັຟການີສຖານຄົນນຶ່ງກໍຮວມຢູ່ໃນ
ພວກທີ່ໄດ້ຮັບບາດເຈັບນັ້ນ.
ກຸ່ມຕາລີບັນໄດ້ອ້າງເອົາຄວາມຮັບຜິດຊອບໃນການໂຈມຕີຄັ້ງນີ້.
