ພວກເຈົ້າໜ້າທີ່ໃນເຂດພາກກາງຂອງອັຟການີສຖານກ່າວວ່າ ຢ່າງໜ້ອຍມີ 16 ຄົນ
ຖືກຂ້າຕາຍ ແລະຫລາຍກວ່າ 20 ຄົນໄດ້ຮັບບາດເຈັບ ຫລັງຈາກຄົນວາງລະເບີດ
ສະລະຊີບ ຢ່າງໜ້ອຍ 6 ຄົນ ໄດ້ບຸກໂຈມຕີເຂດບໍລິເວນທີ່ທໍາການຂອງເຈົ້າແຂວງໆ
Parwan.
ທ່ານ Abdul Basir Salangi ເຈົ້າແຂວງໆ Parwan ໄດ້ຢືນຢັນການເສັຍຊີວິດ
ຂອງຄົນເຫລົ່ານັ້ນ ໃນຕອນຖະແຫລງຕໍ່ສະຖານີໂທລະພາບຂ່າວຊ່ອງນຶ່ງ ຈາກ
ພາຍໃນບໍລິເວນໂຮງການແຂວງ.
ພວກເຄາະຮ້າຍເສຍຊີວິດ ເປັນພວກພະນັກງານລັດຖະບານ ແລະຕໍາຫລວດ.
ພວກເຈົ້າໜ້າທີ່ກ່າວວ່າ ພວກເຂົາເຈົ້າໄດ້ຍິນສຽງລະເບີດຫລາຍໆຄັ້ງ ຫລັງຈາກ
ພວກກໍ່ການຮ້າຍເລິ່ມເປີດສາກໂຈມຕີ ໃນວັນອາທິດມື້ນີ້.
ແຂວງ Parwan ຕັ້ງຢູ່ທາງທິດເໜືອຂອງເມືອງຫລວງກາບູລ ຂອງອັຟການີສຖານ
ໄກອອກໄປປະມານ 50 ຫລັກກິໂລແມັດ.
