ພວກຕາລີບັນໄດ້ອ້າງເອົາຄວາມຮັບຜິດຊອບກ່ຽວກັບການໂຈມຕີຫຼາຍບັ້ນໃນນະຄອນຫຼວງຄາ
ບູລຂອງອັຟການິສຖານໃນວັນອັງຄານມື້ນີ້ຊຶ່ງປາກົດວ່າໄດ້ແນເປົ້າໝາຍໃສ່ກອງບັນຊາການ
ກຳລັງປະສົມແລະໂຮງການຕ່າງໆຂອງລັດຖຸະບານໃນເຂດທ້ອງຖິ່ນ.
ເກີດເຫດລະເບີດຢ່າງແຮງຫຼາຍຄັ້ງແລະສຽງປືນດັງຂຶ້ນຕິດຕໍ່ກັນໃກ້ໆກອງບັນຊາການໃຫຍ່
ກຳລັງຊ່ອຍເຫຼືອຮັກສາຄວາມປອດໄພນາໆຊາດໃນກຸງຄາບູລ.
ນອກນັ້ນຜູ້ສື່ຂ່າວຂອງວີໂອເອຍັງໃຫ້ການຢືນຢັນວ່າມີເຫດລະເບີດເກີດ ຂຶ້ນຢ່າງນ້ອຍ 2 ຄັ້ງ
ໃກ້ໆສະຖານທູດສະຫະລັດ.
ລາຍງານສື່ມວນຊົນກ່າວວ່າ ຄວາມຮຸນແຮງດັ່ງກ່າວມີຈຸດໃຈກາງຢູ່ໃນຄຸ້ມກາງເມືອງຂອງກຸງ
ຄາບູລ ໃກ້ໆກັບຄຸ້ມສະຖານທູດຕ່າງປະເທດຕັ້ງຢູ່ນັ້ນ.
ກຸ່ມຕາລີບັນກ່າວວ່າ ຕົນໄດ້ເປີດສາກໂຈມຕີສະລະຊີບຄັ້ງໃຫຍ່ຕໍ່ຕຶກໂຮງການຂອງລັດຖະ
ບານຫລັງນຶ່ງແລະພະແນກສືບລັບຂອງປະເທດນັ້ນ.
ຍັງບໍ່ມີລາຍງານແຈ້ງໃຫ້ຊາບກ່ຽວກັບການບາດເຈັບລົ້ມຕາຍເທື່ອໃນເວລານີ້.
ການໂຈມຕີທີ່ວ່ານີ້ມີຂຶ້ນບໍ່ເທົ່າໃດມື້ ຫຼັງຈາກພວກກະບົດໄດ້ໂຈມຕີຄ້າຍທະຫານແຫ່ງນຶ່ງຂອງ
ອົງການເນໂຕ້ຢູ່ໃນເຂດພາກກາງຂອງອັຟການິສຖານ ທີ່ເຮັດໃຫ້ພົນລະເຮືອນອັຟການິສຖານ
4 ຄົນເສຍຊີວິດແລະອີກຫຼາຍກວ່າ 100 ຄົນໄດ້ຮັບບາດເຈັບ ຮວມທັງທະຫານອະເມຣິກັນ
77 ຄົນນຳດ້ວຍ.
