ລິ້ງ ສຳຫລັບເຂົ້າຫາ

ວັນພຸດ, ໑໗ ກໍລະກົດ ໒໐໒໔

ພວກກະບົດທາລິບານ ຕັດຫົວ ພົນລະເຮືອນ 17 ຄົນ


ແຂວງ Helmand ບ່ອນທີ່ພວກທາລີບານໄດ້ຕັດຫົວ ພົນລະເຮືອນອັຟການິສຖານ 15 ຄົນ, ວັນທີ 2ຼ ສິງຫາ 2012.
ແຂວງ Helmand ບ່ອນທີ່ພວກທາລີບານໄດ້ຕັດຫົວ ພົນລະເຮືອນອັຟການິສຖານ 15 ຄົນ, ວັນທີ 2ຼ ສິງຫາ 2012.
ເຈົ້າ​ໜ້າ​ທີ່ ຢູ່​ທາງ​ພາກໃຕ້​ຂອງອັຟກາ​ນິສຖານ ກ່າວ​ວ່າ ພວກກະບົດທາລີບານ ​ໄດ້​ຕັດ​ຫົວ ພົນລະ​ເຮືອນອັຟກາ​ນິສຖານ 17 ຄົນ.

ບັນດາ​ເຈົ້າ​ໜ້າ​ທີ່ ​ໃນ​ແຂວງ Helmand ກ່າວ​ວ່າ ພວກ​ກະບົດໄດ້​
ສັງຫານ ​ຜູ້ຊາຍ 15 ຄົນ​ ແລະ​ຜູ້ຍິງ 2 ຄົນ ​ໃນ​ເຂດ​ເມືອງ​ Musa
Qala ​ໃນ​ຕອນ​ແລງວັນ​ອາທິດວານ​ນີ້ ເ​ພາະວ່າ​ກຸ່ມຄົນດັ່ງກ່າວໄດ້
ພາກັນ​ຈັດການສັງ​ສັນຊຸມ​ແຊວ ທີ່​ມີທັງ​ຍິງ​ແລະຊາຍມາຮ່ວມນໍາ ​
ແລະມີ​ທັງດົນຕີແລະເຕ້ນ​ລໍາ ຊຶ່ງ​ເປັນ​ກິດຈະກໍາ​ທີ່ພວກທາ​ລິ​ບານ
ບໍ່ມັກ​ນັ້ນ.

ຫລາຍ​ຊົ່ວ​ໂມງ​ຫລັງ​ຈາ​ກການ​ຕັດ​ຫົວພວກ​ຄົນ​ເຫລົ່າ​ນັ້ນ ພວກທາ​ລິ​ບານ​ໄດ້​ເຂົ້າ​ຍຶດ​ເອົາ ຄ້າຍທະຫານອັຟກາ​ນິສຖານແຫ່ງ​ນຶ່ງ ​ໃນ​ເຂດ​ເມືອງ Washir ຂອງ​ແຂວງ Helmand ​ໃນ​ການ​ບຸກ​ໂຈມ​ຕີໃນຕອນກ່ອນ​ແຈ້ງ​ວັນ​ອາທິດ​ວານ​ນີ້ ໂດຍໄດ້​ສັງຫານ ທະຫານ​ອັຟກາ​ນິສຖານ 10 ຄົນ.

​ໂຄສົກ​ລັດຖະບານທ້ອງຖິ່ນ ກ່າວ​ວ່າ ມີທະຫານ ສີ່​ຄົນ​ໄດ້​ຮັບ​ບາດ​ເຈັ​ບ ​ໃນການ​ໂຈມ​ຕີ
ດັ່ງກ່າວ ​ແລະ​ວ່າ ທະຫານຫ້າ​ຄົນ​ໄດ້​ໜີ​ໄປ​ກັບພວກທາ​ລິ​ບານ. ​ຍັງ​ບໍ່​ເປັນ​ທີ່​ແຈ້ງຂາວ​ໃນ​ເວລາ​ນີ້​ເທື່ອ​ວ່າ ພວກ​ທີ່​ໜີ​ໄປ​ກັບກຸ່ມທາ​ລິ​ບານນັ້ນ​ ໄດ້​ຖືກ​ລັກພາ​ໂຕ​ໄປ ຫລືວ່າ ​ໜີໄປ​ດ້ວຍ​ຄວາມສະໝັກ​ໃຈ.

ໃນ​ຂະນະ​ດຽວ​ກັນ ຢູ່​ທາງ​ພາກ​ຕາ​ເວັນ​ອອກ​ຂອງອັ​ຟກາ​ນິສຖານ ເຈົ້າ​ໜ້າ​ທີ່​ NATO ກ່າວ​ວ່າ ທະຫານກອງ​ຫັບ​ແຫ່ງ​ຊາດອັຟກາ​ນິສຖານຄົນ​ນຶ່ງ ​ໄດ້​ຍິງ ສັງຫານ ທະຫານ​ນາໆ​ຊາດ​ສອງ​ຄົນ. NATO ກ່າວ​ວ່າ ທະ​ຫານ​ຂອງ​ຕົນ​ໄດ້​ຍິງຕອບ​ໂຕ້ ​ແລະ​ກກໍ​ໄດ້ສັງຫານ​ທະຫານ​ຄົນ​ດັ່ງກ່າວ.

|ການ​ໂຈມ​ຕີດັ່ງກ່າວ ທີ່​ມີ​ຂຶ້ນ​ຢູ່ແຂວງ Laghman ​ແມ່ນເປັນ​ເທື່ອ​ຫລ້າ​ສຸດ​ໃນ​ການ​ໂຈມ​ຕີ​ໂດຍ​ບຸກຄົນພາຍ​ໃນ​ ຢ່າງ​ຕໍ່ເນື່ອງກັນມາ​ໃນ​ປີ​ນີ້ ​ທີ່ໄດ້ສ້າງ​ຄວາມ​ເສຍ​ຫາຍ​ ​ໃຫ້​ແກ່​ຄວາມ
ໄວ້​ເນື້ອເຊື່ອໃຈກັນ​ລະຫວ່າງ​ພັນ​ທະ​ມິດ ທັງສອງ​.
XS
SM
MD
LG