ສະພາອັຟການິສຖານໄດ້ໃຫ້ການອະນຸມັດຕໍ່ຂໍ້ຕົກລົງຍຸດທະສາດລະຫວ່າງອັຟການິສຖານ
ແລະສະຫະລັດ.
ຂໍ້ຕົກລົງດັ່ງກ່າວ ໄດ້ຮັບການອະນຸມັດໃນວັນເສົາມື້ນີ້ ຢູ່ໃນສະພາຕໍ່າ ຊຶ່ງມີສະມາຊິກຫຼາຍ
ກວ່າ 150 ຄົນພາກັນໄປລົງຄະແນນສຽງ. ມີສະມາຊິກສະພາໃນຈຳນວນເລັກນ້ອຍທໍ່ນັ້ນ
ໄດ້ອອກສຽງຄັດຄ້ານ.
ຂໍ້ຕົກລົງທີ່ວ່ານີ້ ແມ່ນກວມລວມເລື່ອງຄວາມໝັ້ນຄົງ ເສດຖະກິດແລະການປົກຄອງພ້ອມ
ທັງເວົ້າເຖິງຄວາມສຳພັນລະຫວ່າງສະຫະລັດ ກັບອັຟການິສຖານຫຼັງຈາກປີ 2014 ເວລາ
ກອງກຳລັງທະຫານສ່ວນໃຫຍ່ ຂອງອົງການເນໂຕ້ ມີແຜນການທີ່ຈະຢຸດເຊົາ ການມີບົດ
ບາດໃນການສູ້ລົບ. ຂໍ້ຕົກລົງບໍ່ໄດ້ໃຫ້ຄວາມໝາຍໝັ້ນໃດໆກ່ຽວກັບການມີໜ້າແບບສະ
ເພາະເຈາະຈົງຂອງກຳລັງທະຫານສະຫະລັດຢູ່ໃນປະເທດດັ່ງກ່າວແຕ່ສະຫະລັດໄດ້ໃຫ້ຄຳ
ໝັ້ນສັນຍາທີ່ຈະໃຫ້ການຊ່ອຍເຫຼືອແກ່ອັຟການິສຖານເປັນເວລາຢ່າງນ້ອຍນຶ່ງທົດສະວັດ
ຫຼັງຈາກກຳລັງສູ້ລົບຂອງຕ່າງປະເທດສ່ວນໃຫຍ່ຖອນອອກໄປແລ້ວ.
ຂໍ້ຕົກລົງສະບັບນີ້ອຳນວຍໃຫ້ສະຫະລັດຮັກສາກຳລັງທະຫານໄວ້ໃນຈຳນວນທີ່ຫຼຸດລົງມາ
ຢູ່ໃນອັຟການິສຖານ ເພື່ອສືບຕໍ່ໃຫ້ການຝຶກແອບ ແກ່ກຳລັງຂອງອັຟການິສຖານ ແລະ
ການປະຕິບັດງານທີ່ແນໃສ່ກຸ່ມກໍ່ການຮ້າຍອາລກາຍດາ.
ປະທານາທິບໍດີີສະຫະລັດ ທ່ານບາຣັກ ໂອບາມາ ແລະ ປະທານາທິບໍດີອັຟການິສຖານ
ທ່ານຮາມິດ ກາໄຊ ໄດ້ລົງນາມໃນຂໍ້ຕົກລົງດັ່ງກ່າວທີ່ນະຄອນຫຼວງກາບູລ ໃນຕົ້ນເດືອນ
ນີ້.