ລິ້ງ ສຳຫລັບເຂົ້າຫາ

ອັຟການິສຖານ ຈະປ່ອຍ ນັກໂທດ 72 ຄົນ ທີ່ ສຫລ ວ່າ ເປັນໄພອັນຕະລາຍ (ວີດີໂອ)


ເຈົ້າໜ້າທີ່ອັຟການິສຖານກ່າວວ່າ ຕົນມີແຜນທີ່ຈະປ່ອຍນັກໂທດ
72 ຄົນ ທີ່ສະຫະລັດເວົ້າວ່າ ເປັນໄພຂົ່ມຂູ່ ຕໍ່ຄວາມໝັ້ນຄົງ ຂອງ
ປະເທດ.

ເປັນທີ່ຄາດກັນວ່າ ການຕັດສິນໃຈທີ່ວ່ານີ້ ຍິ່ງຈະເພີ້ມຄວາມເຄັ່ງ
ຕຶງໃນສາຍພົວພັນ ລະຫວ່າງສະຫະລັດ ກັບອັຟການິສຖານ ໃນ
ຂະນະທີ່ມີການກົດດັນຕື່ມຂຶ້ນກ່ຽວກັບການຊັກຊາຕໍ່ການລົງນາມ ໃນຂໍ້ຕົກລົງດ້ານຄວາມໝັ້ນຄົງ ທີ່ໄດ້ສະແດງໃຫ້ເຫັນເຖິງຈຸດສຳ ຄັນໃນການມີໜ້າທາງທະຫານ ຂອງສະຫະລັດ ຢູ່ໃນປະເທດດັ່ງ
ກ່າວຫລັງຈາກປີ 2014 ແລ້ວນັ້ນ.

ຖະແຫຼງການສະບັບນຶ່ງ ຈາກທຳນຽບຂອງປະທານາທິບໍດີອັຟການິສຖານ ທ່ານຮາມິດ ກາ
ໄຊກ່າວວ່າ ໃນການທົບທວນເບິ່ງຄະດີ ຂອງພວກນັກໂທດ 88 ຄົນ ທີ່ຖືວ່າ ເປັນໄພຂົ່ມຂູ່ ຮ້າຍແຮງນັ້ນ ພົບວ່າ ບໍ່ມີຫລັກຖານ ຕໍ່ພວກນັກໂທດ 45 ຄົນ ແລະມີຫລັກຖານທີ່ບໍ່ສຳຄັນ ຕໍ່ພວກນັກໂທດອີກ 27 ຄົນ ຊຶ່ງບໍ່ພຽງພໍທີ່ຈະດຳເນີນຄະດີພວກເຂົາໄດ້.

ພວກນັກໂທດອີກ 16 ຄົນ ຈະຖືກຄຸມຂັງຕໍ່ໄປ.

ໃນສັບປະດາແລ້ວນີ້ ສະມາຊິກສະພາສູງສະຫະລັດກຸ່ມນຶ່ງທີ່ເດີນທາງໄປຢ້ຽມຢາມອັຟກາ ນິສຖານກ່າວວ່າ ການປ່ອຍພວກນັກໂທດເຫລົ່ານີ້ຈາກຄຸກ ທີ່ຖານທັບອາກາດ Bagram ໂດຍບໍ່ດຳເນີນຄະດີພວກເຂົານັ້ນ ຈະມີຜົນກະທົບຢ່າງຮ້າຍແຮງຕໍ່ຄວາມສຳພັນລະຫວ່າງ ປະເທດທັງສອງ.

ເຈົ້າໜ້າທີ່ສະຫະລັດ ເວົ້າວ່າ ພວກນັກໂທດ 88 ຄົນດັ່ງກ່າວນີ້ ແມ່ນເປັນຜູ້ຮັບຜິດຊອບຕໍ່ ການເສຍຊີວິດຂອງກຳລັງປະສົມ 60 ກວ່າຄົນ ແລະຊາວອັຟການິສຖານອີກ 57 ຄົນ.

XS
SM
MD
LG