ກຸ່ມຕາລີບານໄດ້ກໍ່ສິ່ງທີ່ເອີ້ນວ່າ "ການໂຈມຕີໃນລະດູບານໃໝ່" ປະຈໍາປີໃນອັຟກາ
ນິສຖານຂຶ້ນ ໂດຍໄດ້ເວົ້າວ່າ ຕົ້ນຕໍແລ້ວຕົນຈະແນໃສ່ພື້ນທີ່ "ທີ່ມີການຍຶດຄອງ"
ໂດຍກໍາລັງທະຫານຕ່າງປະເທດທີ່ນໍາໜ້າໂດຍສະຫະລັດ ເພື່ອຂັບໄລ່ພວກທະ
ຫານເຫລົ່ານັ້ນໃຫ້ອອກຈາກປະເທດໄປ.
ຢູ່ໃນຄໍາປະກາດຢ່າງເປັນທາງການທີ່ເຜີຍແຜ່ໃຫ້ສື່ມວນຊົນຮູ້ໃນວັນສຸກມື້ນີ້ ກຸ່ມຫົວ
ຮຸນແຮງ ອິສລາມ ໄດ້ກ່າວອ້າງວ່າ "ການປະຕິບັດງານຂອງ Mansouri" ໄດ້ເກີດຂຶ້ນ
ແລ້ວ ໃນຕອນເຊົ້າໆ ຂອງວັນສຸກມື້ນີ້ ຢູ່ໃນທົ່ວ 34 ແຂວງຂອງອັຟການິສຖານ.
ກຸ່ມດັ່ງກ່າວອະທິບາຍວ່າ ການໂຈມຕີດັ່ງກ່າວ ໄດ້ຖືກຕັ້ງຊື່ຕາມທ່ານ Mullah
Akhtar Mansour ຫົວໜ້າກຸ່ມຕາລີບານ ທີ່ຖືກຍົນບໍ່ມີຄົນຂັບຂອງອາເມຣິກາສັງ
ຫານໃນປີກາຍນີ້.
ຄໍາຖະແຫລງການຂອງຊື່ທີ່ເອີ້ນວ່າ ສະພາເພື່ອນໍາພາການຕໍ່ສູ້ສົງຄາມຂອງກຸ່ມຕາ
ລີບານ ໄດ້ກ່າວວ່າ "ເພື່ອໃຫ້ບັນລຸຈຸດປະສົງຂອງຕົນນັ້ນ ການປະຕິບັດງານຕ່າງໆ
ຈະລວມທັງການໂຈມຕີແບບທໍາມະດາ, ການທໍາສົງຄາມແບບກອງໂຈນ, ການໂຈມ
ຕີແບບທຸກທໍລະມານທີ່ສົບສົນ ຫລືການໂຈມຕີແບບສະລະຊີບ, ການໂຈມຕີຢູ່ພາຍ
ໃນເອງ ແລະການໃຊ້ວັດຖຸລະເບີດແບບກະທັນຫັນ ຫລື IED".
ໂຄສົກປະຈໍາກະຊວງການຕ່າງປະເທດຂອງອັຟການິສຖານ ທ່ານ Mohammad Radmanesh ບໍ່ໄດ້ເອົາຫົວຊາຕໍ່ຄໍາປະກາດດັ່ງກ່າວຂອງກຸ່ມຫົວຮຸນແຮງດັ່ງກ່າວ
ໂດຍຖືວ່າ ນັ້ນເປັນພຽງຊື່ອີກອັນນຶ່ງ ທີ່ກຸ່ມກໍ່ການຮ້າຍໃຊ້ເພື່ອໂຄສະນາຊວຍເຊື່ອ
ແລະໂຈມຕີພົນ ລະເຮືອນທີ່ບໍ່ມີຄວາມຜິດຫຍັງ. ທ່ານໄດ້ກ່າວຕໍ່ VOA ວ່າ ກໍາລັງ
ທະຫານຂອງລັດຖະບານ ອັຟການິສຖານແມ່ນກຽມພ້ອມຢ່າງເຕັມສ່ວນ ແລະຈະ
ຕີອັນທີ່ເອີ້ນວ່າ "ການປະຕິບັດງານຂອງ Mansouri" ໃຫ້ໝົດໄປຄືກັນກັບປີກາຍນີ້.
ເຖິງແມ່ນວ່າ ບໍ່ມີປະຫວັດການໂຈມຕີຂອງກຸ່ມຫົວຮຸນແຮງໃນອັຟການິສຖານ ຢູ່ໃນ
ຫລາຍປີຜ່ານມານີ້ ແຕ່ກໍໄດ້ມີການເລີ້ມຕົ້ນຂອງການກະທໍາບຸກລຸກທີ່ມີຄວາມຮຸນ
ແຮງຂຶ້ນໃນໄລຍະລະດູບານໃໝ່ ຍ້ອນວ່າການທີ່ຫິມະຢູ່ເທິງຈອມພູຕ່າງໆ ເປື່ອຍ
ລົງມັນເຮັດໃຫ້ກຸ່ມຫົວຮຸນແຮງ ສາມາດທໍາການບຸກໂຈມຕີຄັ້ງໃຫຍ່ໆໄດ້.
ຄໍາປະກາດທີ່ອອກມາໃນວັນສຸກມື້ນີ້ ໄດ້ມີຂຶ້ນພາຍຫລັງ ນຶ່ງອາທິດ ທີ່ກຸ່ມຕາລີບານ ໄດ້ທໍາການບຸກລຸກທີ່ຮ້າຍແຮງທີ່ສຸດ ໃນປະຫວັດສາດຕໍ່ຖານທັບໃຫຍ່ແຫ່ງນຶ່ງ ຂອງ
ທະຫານອັຟການິສຖານ ຢູ່ໃນເມືອງ Mazar-i-Sharif ທາງພາກເໜືອຂອງປະເທດ.
ມີລາຍງານວ່າ ການບຸກໂຈມຕີດັ່ງກ່າວໄດ້ສັງຫານຊີວິດຂອງທະຫານອັຟການິສຖານ
ຫລາຍກວ່າ 250 ຄົນ ແລະໄດ້ເຮັດໃຫ້ອີກຫລາຍຄົນໄດ້ຮັບບາດເຈັບ. ຈໍານວນຄົນ
ທີ່ໄດ້ຮັບບາດເຈັບໃນການໂຈມຕີດັ່ງກ່າວແມ່ນຫລາຍກວ່າຈໍານວນການເສຍຊີວິດ
ຂອງກໍາລັງ ທະ ຫານອັຟການິສຖານໃນການສູ້ລົບໃນຫລາຍໆອາທິດ ທີ່ຜ່ານມາ
ຊຶ່ງໄດ້ເຮັດໃຫ້ລັດຖະມົນຕີກະຊວງປ້ອງກັນປະເທດ ແລະຫົວໜ້າບັນຊາການກອງ
ທັບລາອອກຈາກໜ້າທີ່.
ເຊີນອ່ານຂ່າວນີ້ເພີ້ມເປັນພາສາອັງກິດ