ລິ້ງ ສຳຫລັບເຂົ້າຫາ

ປະທາ​ນາ​ທິບໍດີຝຣັ່ງ ທ່ານ Sarkozy ​​ຢ້ຽມຢາມ​ອັຟກາ​ນີສຖານ

  • ວັນນະສອນ ແກ້ວດາຣາ

ປະທາ​ນາ​ທິບໍດີຝຣັ່ງ ທ່ານ Sarkozy ​​ຢ້ຽມຢາມ​ອັຟກາ​ນີສຖານ

ຝຣັ່ງກ່າວ​ວ່າ​ ຕົນວາງ​ແຜນ​ທີ່ຈະ​ຖອນ 1/4 ຂອງ​ຈໍ​ານວນ​ທະຫານ​ຂອງ​ຕົນອອກໄປຈາກ
ອັຟກາ​ນີສຖານ ​ພາຍ​ໃນ​ທ້າຍ​ປີ 2012.

ປະທາ​ນາ​ທິບໍດີຝຣັ່ງ ທ່ານ Nicolas Sarkozy ​ໄດ້​ກ່າວ​ໃນ​ລະຫວ່າງ​ການ​ຢ້ຽມຢາມ​ອັຟ
ກາ​ນີສຖານ ​ທີ່​ບໍ່ໄດ້​ປະກາດ​ໃຫ້​ຊາບ​ລ່ວງ​ໜ້າ ໃນ​ວັນ​ອັງຄານມື້ນີ້ວ່າ ທະຫານຈໍ​ານວນ
1 ພັນ​ຄົນ ຈະອອກ​ຈາກ​ປະເທດ​ດັ່ງກ່າວໄປໃນ​ທ້າຍ​ປີໜ້າ​ນີ້. ທ່ານ​ຍັງ​ໄດ້​ກ່າວ​ວ່າ ສ່ວນ​
ທະຫານ​ທີ່​ຍັງເຫລືອຢູ່​ 3000 ຄົນ​ນັ້ນ ສ່ວນ​ໃຫຍ່ແມ່ນ​ຈະ​ປະ​ຈໍ​າການ​ຢູ່​ທີ່ແຂວງ
Kapisa ທາງພາກ​ຕາ​ເວັນ​ອອກ​ຂອງ​ປະ​ເທດ​.

ການ​ຢ້ຽມຢາມອັຟກາ​ນີສຖານຂອງປະທາ​ນາ​ທິບໍດີ Sarkozy ​ແມ່ນ​ມີ​ຂຶ້ນ​ນຶ່ງ​ມື້ ຫຼັງ​ຈາກ
ທະຫານ​ຝຣັ່ງຄົນນຶ່ງໄດ້​ເສຍ​ຊີວິດ ຫລັງຈາກອຸບັດຕິ​ເຫດ​ຖືກ​ຍິງໂດຍທະ ຫານ​ອີກ​ຄົນນຶ່ງ.
ການ​ສອບ​ສວນໄດ້ໄຂ​ຂຶ້ນ​ແລ້ວ ​ເພື່​ອໃຫ້​ຮູ້​ເຖິງສາ​ເຫດ​ຂອງ​ອຸບັດ​ຕິເຫດທີ່ເກີດ​ຂຶ້ນ​ນັ້ນ.

ໄດ້​ມີ​ທະຫານ​ຝຣັ່ງທັງ​ໝົດ​ 64 ຄົນ​ເສຍ​ຊີວິດ​ໃນ​ສົງຄາມ​ທີ່ອັຟກາ​ນີສຖານ​ນັບ​ຕັ້ງ​ແຕ່​ປີ
2001 ​ເປັນ​ຕົ້ນມາ​.

ຄາດ​ວ່າ ພວກ​ທະຫານ​ນາໆ​ຊາດທັງ​ໝົດຈະ​ເດີນ​ທາງ​ອອກ​ຈາກອັຟກາ​ນີສຖານ​ພາຍ​ໃນ
ທ້າ​ຍປີ 2014 ​ໂດຍຈະ​ມອບ​ໂອນ​ການ​ຮັກສາ​ຄວາມ​ປອດ​ໄພ​ໃຫ້​ແກ່​ກອງ​ກໍາລັງ​ທ້ອງ​ຖິ່ນ
ເປັນ​ຜູ້​ຮັບ​ພາລະ​ເອງ.

XS
SM
MD
LG