ລິ້ງ ສຳຫລັບເຂົ້າຫາ

ວັນພະຫັດ, ໒໙ ກຸມພາ ໒໐໒໔

ຫຼາຍພັນຄົນ ເຂົ້າຮ່ວມພິທີ ສົ່ງສະການທ່ານ Rabbani


ປະທານາທິບໍດີອັຟການິສຖານ ທ່ານ Hamid Karza (3 ຈາກຂວາ) ຮ່ວມໃນພິທີສົ່ງສະການອະດີດ ປະທານາທິບໍດິ Burhanuddin Rabbani ທີ່ຖືກຄາດຕະກໍາ ຢູ່ທໍານຽບປະທານາທິບໍດີ ໃນນະຄອນຫລວງກາບູລ, ວັນທີ 23 ກັນຍາ 2011.
ປະທານາທິບໍດີອັຟການິສຖານ ທ່ານ Hamid Karza (3 ຈາກຂວາ) ຮ່ວມໃນພິທີສົ່ງສະການອະດີດ ປະທານາທິບໍດິ Burhanuddin Rabbani ທີ່ຖືກຄາດຕະກໍາ ຢູ່ທໍານຽບປະທານາທິບໍດີ ໃນນະຄອນຫລວງກາບູລ, ວັນທີ 23 ກັນຍາ 2011.

ຊາວອັຟການິສຖານຈຳນວນຫຼາຍພັນຄົນໄດ້ໄປເຕົ້າໂຮມກັນທີ່ນະຄອນຫຼວງຄາບູລໃນວັນສຸກ
ມື້ນີ້ເພື່ອສົ່ງສະການໃຫ້ແກ່ອະດີດປະທານາທິບໍດີ Burhanuddin Rabbani ທີ່ໄດ້ເຖິງແກ່
ມໍລະນະກຳຍ້ອນການໂຈມຕີດ້ວຍລະເບີດສະລະຊີບທີ່ບ້ານພັກຂອງທ່ານ.

ຫີບສົບຂອງທ່ານ Rabbani ທີ່ຫໍ່ດ້ວຍທຸງຊາດອັຟການິສຖານ ໄດ້ຖືກນຳຂຶ້ນໄປຝັງໄວ້ທີ່
ຈອມພູນ້ອຍແຫ່ງນຶ່ງ ໃນນະຄອນຫຼວງຄາບູລ.

ໃນການຖະແຫຼງຕໍ່ພວກໄວ້ທຸກນັ້ນ ປະທານາທິບໍດີອັຟການິສຖານ ທ່ານ Hamid Karzai
ກ່າວວ່າ ມັນເປັນຄວາມຮັບຜິດຊອບຂອງພວກເຮົາທີ່ຈະຕ້ອງດຳເນີນການຕ້ານພວກທີ່ເປັນ
ສະຕູຂອງສັນຕິພາບ.

ທ່ານ Rabbani ໄດ້ເຖິງແກ່ມໍລະນະກຳຍ້ອນການໂຈມຕີດ້ວຍລະເບີດສະລະຊີບໃນມື້ວັນອັງ
ຄານຜ່ານມາ ໂດຍຜູ້ໂຈມຕີທີ່ອ້າງວ່າ ເປັນຜູ້ຖືສານສັນຕິພາບຂອງພວກຕາລີບານແລະໄດ້ ເຊື່ອງລະເບີດໄວ້ໃນຜ້າປົກຫົວຂອງລາວ.

ອະດີດປະທານາທິບໍດີ Rabbani ເປັນຫົວໜ້າສະພາສັນຕິພາບລະດັບສູງຂອງອັຟການິສ
ຖານແລະເປັນຜູ້ນຳໜ້າໃນການດຳເນີນຄວາມພະຍາຍາມເພື່ອສ້າງສັນຕິພາບກັບພວກຕາ
ລີບານ.

XS
SM
MD
LG