ລິ້ງ ສຳຫລັບເຂົ້າຫາ

ວັນຈັນ, ໑໕ ເມສາ ໒໐໒໔

ອັຟການິສຖານ ແລະ ປາກິສຖານ ຈັດການເຈລະຈາທີ່ສໍາຄັນ ໃນຂະນະການກໍ່ການຮ້າຍຂ້າມຊາຍແດນ ສ້າງ​ຄວາມ​ເຄັ່ງ​ຕຶງ​ຕໍ່​ສາຍ​ສຳ​ພັນ


ເຈົ້າໜ້າທີ່ຕໍາຫຼວດຊາຍແດນຂອງປາກິສຖານ ກວດເບິ່ງເຈ້ຍຂອງປະຊາຊົນຊາວອັຟການິສຖານ ກ່ອນຂ້າມເຂົ້າໄປໃນປາກິສຖານ ຢູ່ຈຸດເລີ້ມຕົ້ນ Torkham ບໍລິເວນເສັ້ນຂ້າມຊາຍແດນລະຫວ່າງ ອັຟການິສຖານ ແລະ ປາກິສຖານ, ໃນແຂວງ Nangarhar, ວັນທີ 25 ກຸມພາ 2023.
ເຈົ້າໜ້າທີ່ຕໍາຫຼວດຊາຍແດນຂອງປາກິສຖານ ກວດເບິ່ງເຈ້ຍຂອງປະຊາຊົນຊາວອັຟການິສຖານ ກ່ອນຂ້າມເຂົ້າໄປໃນປາກິສຖານ ຢູ່ຈຸດເລີ້ມຕົ້ນ Torkham ບໍລິເວນເສັ້ນຂ້າມຊາຍແດນລະຫວ່າງ ອັຟການິສຖານ ແລະ ປາກິສຖານ, ໃນແຂວງ Nangarhar, ວັນທີ 25 ກຸມພາ 2023.

ນັກການທູດຂັ້ນສູງຂອງປາກິສຖານ ຈະເດີນທາງໄປອັຟການິສຖານ ໃນວັນພຸດມື້ນີ້ ເພື່ອເຈລະຈາສອງຝ່າຍກັບບັນດາຜູ້ນໍາຂອງກຸ່ມຕາລິບານ ທ່າມກາງຂໍ້ກ່າວຫາເພີ້ມຂຶ້ນ ກ່ຽວກັບກຸ່ມຫົວຮຸນແຮງທີ່ລີ້ໄພຢູ່ໃນອັຟການິສຖານ ທຳການໂຈມຕີ ກໍ່​ການ​ຮ້າຍຂ້​າມຊາຍແດນ ເຂົ້າ​ໄປໃນປາກິສຖານ.

ທ່ານອາຊີຟ ເດີຣານີ (Asif Durrani), ຜູ້​ຕາງໜ້າພິເສດ ທີ່ຫາ​ກໍໄດ້ຮັບການແຕ່ງຕັ້ງໃໝ່ຂອງລັດຖະບານອິສລາມາບັດ ຮັບ​ຜິດ​ຊອບ​ເລື້ອງອັຟການິສຖານ, ຈະຈັດການປະຊຸມໃນນະຄອນຫຼວງກາບູລ, ໂດຍມີເປົ້າໝາຍແນໃສ່ການດໍາເນີນງານທາງດ້ານການຄ້າ, ເສດຖະກິດ ແລະຄວາມໝັ້ນຄົງຮ່ວມກັນ, ອີງ​ຕາມເຈົ້າໜ້າທີ່ຂອງປາກິສຖານ ກ່າວໃນວັນອັງຄານວານນີ້. ທ່ານກ່າວກັບ VOA ໂດຍບໍ່ໄດ້ເປີດເຜີຍຂໍ້ມູນສ່ວນຕົວ ເນື່ອງຈາກທ່ານຍັງບໍ່ໄດ້ຮັບອະນຸຍາດໃຫ້ພົວພັນກັບສື່ທາງສັງຄົມເທື່ອ.

ທ່ານເດີຣານີ ບອກ VOA ໃນລະຫວ່າງການເດີນທາງໄປຢ້ຽມຢາມນະຄອນຫຼວງກາບູລໃນທັນທີຂອງທ່ານວ່າ ການຄ້າຂອງປາກິສຖານ ກັບແລະຜ່ານ​ອັ​ຟ​ກາ​ນິ​ສ​ຖານ ທີ່​ເປັນ​ປະ​ເທດ​ບໍ່​ມີ​ທາງ​ອອກ​ສູ່​ທະ​ເລ ໄດ້ເພີ້ມຂຶ້ນ ນັບຕັ້ງແຕ່ກຸ່ມຕາລິບານເຂົ້າມາ​ກຳອໍານາດຄືນ ເມື່ອສອງປີກ່ອນ. ປັດຈຸບັນນີ້, ການຄ້າສອງຝ່າຍ ມີມູນຄ່າຫຼາຍກວ່າ 2 ຕື້ໂດລາ, ອີງຕາມລາຍງານຈາກຂໍ້ມູນຂອງທາງການ.

ແຟ້ມຮູບ-ລັດຖະມົນຕີກະຊວງພາຍໃນຂງອປາກິສຖານ ທ່ານເຊອິກ ຣາຊີດ ອາເມດ (Sheikh Rashid Ahmed), ຜູ້ທີສອງຈາກຊ້າຍ, ສະແດງຄວາມເຄົາລົບຕໍ່ເຈົ້າໜ້າທີ່ຕໍາຫຼວດ ທີ່ຖືກສັງການໃນການໂຈມຕີຂອງຕອນເດິກ, ຢູ່ພິທີອະທິຖານໃນງານສົບ, ນະຄອນຫຼວງອິສລາມາບັດ, ວັນທີ 18 ມັງກອນ 2022.
ແຟ້ມຮູບ-ລັດຖະມົນຕີກະຊວງພາຍໃນຂງອປາກິສຖານ ທ່ານເຊອິກ ຣາຊີດ ອາເມດ (Sheikh Rashid Ahmed), ຜູ້ທີສອງຈາກຊ້າຍ, ສະແດງຄວາມເຄົາລົບຕໍ່ເຈົ້າໜ້າທີ່ຕໍາຫຼວດ ທີ່ຖືກສັງການໃນການໂຈມຕີຂອງຕອນເດິກ, ຢູ່ພິທີອະທິຖານໃນງານສົບ, ນະຄອນຫຼວງອິສລາມາບັດ, ວັນທີ 18 ມັງກອນ 2022.

ນັກການທູດຂອງປາກິສຖານ ຍັງໄດ້ຍິນດີກັບການເພີ້ມຂຶ້ນທາງການຄ້າຂອງ ອັຟການິສຖານ ກັບບັນດາປະເທດເພື່ອນບ້ານນໍາອີກດ້ວຍ, ເຊິ່ງລວມມີ ຈີນ ແລະ ອີຣ່ານ. ທ່ານເດີຣານີ ກ່າວວ່າ “ອັຟການິສຖານ​ທີ່​ຂ້ອນ​ຂ້າງ​ມີ​ຄວາມ​ສະ​ຫງົບ” ເຮັດໃຫ້ປາກິສຖານ ເພີ້ມການຄ້າຂອງພວກເຂົາເຈົ້າ ກັບບັນດາປະເທດທີ່​ບໍ່​ມີ​ທາງ​ອອກ​ສູ່​ທະ​ເລ ຢູ່ໃນເອເຊຍກາງ ຜ່ານເສັ້ນທາງການຂົນສົ່ງ ຂອງອັຟການິສຖານ ໃນມູນຄ່າ​ເກືອບ 200 ລ້ານໂດລາ ຈາກ 55 ລ້ານໂດລາໃນ 2 ປີ​ກ່ອນ.

ອ່ານຂ່າວນີ້ເປັນພາສາອັງກິດ

XS
SM
MD
LG