ອົງການເນໂຕ້ກ່າວວ່າ ທະຫານກອງທັບແຫ່ງຊາດຄົນນຶ່ງຂອງອັຟການິສຖານໄດ້ສັງຫານ
ທະຫານກຳລັງປະສົມ 4 ຄົນ.
ເຈົ້າໜ້າທີ່ຮັກສາຄວາມສະຫງົບຂອງອັຟການິສຖານ ກ່າວວ່າ ພວກທະຫານທີ່ເສຍຊີວິດ
ແມ່ນເປັນຄົນຝຣັ່ງ. ເຈົ້າໜ້າທີ່ອັຟການິສຖານເວົ້າວ່າ ມີຢ່າງນ້ອຍ 16 ຄົນໄດ້ຮັບບາດເຈັບ
ໃນການໂຈມຕີທີ່ມີຂຶ້ນໃນພາກຕາເວັນອອກຂອງອັຟການິສຖານໃນວັນສຸກມື້ນີ້.
ອົງການເນໂຕ້ກ່າວວ່າ ຜູ້ຕ້ອງສົງໄສວ່າເປັນມືປືນໄດ້ຖືກເຈົ້າໜ້າທີ່ຈັບໂຕໄວ້ແລ້ວ.
ຂະນະດຽວກັນ ເຮືອບິນເຮຣີຄອບເຕີ້ລຳນຶ່ງຂອງກຳລັງທະຫານນາໆຊາດໃນອັຟການິສ
ຖານໄດ້ປະສົບອຸບປະຕິເຫດຕົກຢູ່ໃນພາກໃຕ້ຂອງປະເທດໃນວັນພະຫັດວານນີ້ ເຮັດໃຫ້
ທະຫານເນໂຕ້ 6 ຄົນເສຍຊີວິດ.
ໂຄສົກໄດ້ປະກາດໃຫ້ຊາບກ່ຽວກັບອຸບປະຕິເຫດດັ່ງກ່າວ ໃນຕອນເຊົ້າຂອງວັນສຸກມື້ນີ້
ແລະກ່າວວ່າ ບໍ່ມີລາຍງານຂ່າວກ່ຽວກັບການເຄື່ອນໄຫວຂອງພວກກະບົດແຕ່ຢ່າງໃດຢູ່
ໃນບໍລິເວນທີ່ເຮືອບິນເຮຣີຄອບເຕີ້ຕົກ.
ສາເຫດທີ່ພາໃຫ້ເຮືອບິນເຮຣີຄອບເຕີ້ລຳນີ້ຕົກພວມມີການສືບສວນກັນຢູ່.
