ລັດຖະມົນຕີກະຊວງປ້ອງກັນປະເທດອອສເຕຣເລຍ
ກ່າວວ່າ ສະຫະລັດຈະເຂົ້າກຳການບັງຄັບບັນຊາທະຫານ
ຕ່າງປະເທດ ທີ່ແຂວງ URUZGAN ໃນ ພາກໃຕ້ອັຟກາ
ນິສຖານເວລາທະຫານເນເທີແລນຖອນກັບຄືນປະເທດ
ໃນເດືອນ ສິງຫາຈະມາ.
ທ່ານ JOHN FAULKNER ປະກາດກ່ຽວກັບເລື່ອງນີ້
ໃນລະຫວ່າງກອງ ປະຊຸມຖະແຫຼງຂ່າວ ໃນວັນພຸດມື້ນີ້
ແລະກ່າວວ່າ ອອສເຕຣເລຍຈະແຕ່ງຕັ້ງໃຫ້ ພົນລະເຮືອນ
ຄົນໃໝ່ ເປັນຫົວໜ້າໃນການບູລະນະສ້າງສາພັດທະນາ
ຢູ່ທີ່ແຂວງ URUZGAN.
ນອກນັ້ນ ທ່ານຍັງເວົ້າວ່າ ຄາດວ່າທະຫານອອສເຕຣເລຍຈະໂອນຄວາມຮັບຜິດຊອບ
ໃນການຮັກສາຄວາມສະຫງົບໃຫ້ແກ່ກອງທັບແຫ່ງຊາດຂອງອັຟການິສຖານ
ພາຍໃນເວລາ 2 ຫາ 4 ປີ.
ອອສເຕຣເລຍ ມີທະຫານປະມານ 1 ພັນ 500 ຄົນ ໃນອັຟການິສຖານ ສ່ວນໃຫຍ່ແລ້ວ
ແມ່ນປະຈຳການທີ່ແຂວງ URUZGAN. ມີທະຫານອອສເຕຣເລຍ ເສຍຊີວິດ 16 ຄົນ
ນັບແຕ່ອອສເຕຣເລຍໄດ້ເຂົ້າຮ່ວມ ການປະຕິບັດງານ ພາຍໃຕ້ການນຳພາຂອງສະຫະ
ລັດ ເພື່ອໂຄ່ນລົ້ມພວກທາລີບານ ໃນປີ 2001.
ເນເທີແລນມີທະຫານ 1 ພັນ 600 ຄົນທີ່ແຂວງ URUZGAN. ຂະນະດຽວກັນອົງການ
ເນໂຕ້ກ່າວໃນວັນພຸດມື້ນີ້ວ່າ ການປະຕິບັດງານຂອງກຳລັງນາໆຊາດແລະອັຟການິສຖານ
ໄດ້ສັງຫານພວກຜູ້ນຳຄົນສຳຄັນຂອງກະບົດຫລາຍໆ ຄົນ ທີ່ແຂວງ PAKTIYA ໃນຕົ້ນ
ອາທິດນີ້.
ອົງການເນໂຕ້ກ່າວວ່າ ການບຸກໂຈມຕີກວດລ້າງເປັນເວລາ 2 ມື້ໃນເຂດ ເມືອງ JANI
KHEL ຂອງແຂວງ PAKTIYA ແມ່ນໄດ້ຮັບການຊ່ອຍເຫລືອ ຂອງພວກຊາວບ້ານ
ທີ່ຂັດຂວາງບໍ່ໃຫ້ພວກນັກລົບຕ່າງດ້າວຫຼົບໜີໄປ.
