ກໍາລັງທະຫານເນໂຕ້ໄດ້ສັງຫານທະຫານອັຟການີສຖານຄົນນຶ່ງ ທີ່ພະຍາຍາມຍິງສັງຫານ ທະຫານກຳລັງປະສົມທີ່ຄ້າຍແຫ່ງນຶ່ງ ທາງພາກຕາເວັນອອກຂອງອັຟການີສຖານ.
ໂຄສົກເນໂຕ້ ກ່າວວ່າ ບໍ່ມີທະຫານຂອງກໍາລັງປະສົມເສຍຊີວິດ ໃນການ ໂຈມຕີໃນວັນພະຫັດມື້ນີ້ ທີ່ແຂວງ Laghman ແຕ່ເນໂຕ້ບໍ່ຍອມເປີດເຜີຍວ່າ ມີຜູ້ໄດ້ຣັບບາດເຈັບໃນເຫດການດັ່ງກ່າວຫຼືບໍ່.
ເຫດການຍິງກັນໃນຄັ້ງນີ້ ປະກົດວ່າເປັນເທື່ອທີ່ສອງທີ່ທະຫານອັຟການີສ ຖານໄດ້ໂຈມຕີກຳລັງທະຫານຕ່າງປະເທດໃນອາທິດນີ້. ອົງການເນໂຕ້ເວົ້າເມື່ອວັນອັງຄານຜ່ານມາວ່າ ມືປືນສອງຄົນທີ່ປອມຕົວ ໃສ່ເຄຶ່ອງແບບກອງ ທັບແຫ່ງຊາດອັຟການີສຖານ ໄດ້ຍິງສັງຫານທະຫານເນໂຕ້ຄົນນຶ່ງ.
ຕົກມາຮອດປັດຈຸບັນນີ້ ມີການໂຈມຕີຢ່າງໜ້ອຍ 25 ຄັ້ງທີ່ເອີ້ນວ່າ ສີຂຽວປະທະສີຟ້າ ເວົ້າເຖິງສີເຄຶ່ອງແບບທະຫານ ທີ່ທະຫານຕ່າງປະເທດໄດ້ຖືກ ສັງຫານໂດຍທະຫານຂອງອັຟການີສຖານເອງ ຫຼືໂດຍພວກກໍ່ການຮ້າຍທີ່ ປອມຕົວໃສ່ເຄຶ່ອງແບບຂອງພວກເຂົາເຈົ້ານັ້ນ.
