ລັດຖະມົນຕີປ້ອງກັນປະເທດສະຫະລັດທ່ານ ROBERT GATES ກ່າວ ວ່າ ການບາດເຈັບລົ້ມຕາຍເພີ້ມຂຶ້ນຂອງພວກທະຫານ ໃນ AFGHANISTAN ແລະຄວາມກ້າວໜ້າ ທີ່ໄດ້ມີຂຶ້ນຢ່າງຊ້າໆ ໃນການປະຕິບັດງານຕໍ່ຕ້ານພວກທາ ລີບານຢູ່ໃນເຂດພາກໃຕ້ນັ້ນ ເຮັດໃຫ້ເບິ່ງຄືວ່າສະຖານະການ ມີຄວາມ ຮ້າຍແຮງ ເກີນກວ່າໃນພາກໂຕຈິງ.
ທ່ານ GATES ທີ່ໄດ້ຖືກຊັກຖາມ ໂດຍບັນດາສະມາຊິກສະພາສູງສະຫະ ລັດໃນວັນພຸດວານນີ້ ກ່າວວ່າ ການບາດເຈັບລົ້ມຕາຍເພີ້ມຂຶ້ນ ແມ່ນຄາດໄວ້ແລ້ວ ຂະນະທີ່ມີການຈັດສົ່ງທະຫານສະຫະລັດຕື່ມອີກ 30 ພັນຄົນໄປຍັງປະເທດດັ່ງກ່າວ
ທ່ານຮຽກຮ້ອງໃຫ້ມີຄວາມອົດທົນ ໂດຍເວົ້າວ່າ ບໍ່ຄວນຄາດຫວັງທີ່ຈະໄດ້ ເຫັນຜົນທັນທີ ໃນຕອນຕົ້ນໆຂອງການຈັດຕັ້ງປະຕິບັດ ຍຸທະສາດ AFGHA-NISTAN ຊຶ່ງໄດ້ມີການເປີດເຜີຍໃຫ້ຊາບໃນຕົ້ນປີນີ້.
ໃນມື້ວານນີ້ເຊ່ນກັນ ຫົວໜ້າກອງບັນຊາການເຂດກາງຂອງສະຫະລັດ ນາຍພົນ DAVID PETRAEUS ກໍໄດ້ກ່າວວ່າ ວັນເວລາສຳລັບການຖອນ ທະຫານສະຫະລັດອອກຈາກ AFGHANISTAN ໃນປີໜ້າ ແມ່ນການເລີ້ມຕົ້ນ ໃນການຫຼຸດກຳລັງທະຫານສະຫະລັດລົງ ແລະໂອນຄວາມຮັບຜິດຊອບ ໄປໃຫ້ ກຳລັງ AFGHANISTAN ຢ່າງເປັນລະບຽບ ແລະບໍ່ແມ່ນການຟ້າວຟັ່ງຖອນ ທະຫານອອກໄປແຕ່ຢ່າງໃດ. ນາຍພົນ PETRAEUS ໄດ້ໃຫ້ການຕໍ່ຄະນະກຳ ມະການນຶ່ງຂອງສະພາສູງສະຫະລັດວ່າ ສະພາບການທາງພາກພື້ນດິນ ຈະເປັນສິ່ງກຳໜົດວ່າ ການຖອນທະຫານຊຶ່ງຈະເລີ້ມຂຶ້ນ ໃນເດືອນ ກໍລະກົດ ປີ 2011 ນັ້ນ ຈະດຳເນີນໄປໄວຫລືຊ້າ.
