ລິ້ງ ສຳຫລັບເຂົ້າຫາ

ປະທານາທິບໍດີ ອັບຟະການິດສະຖານ ຢ້ຽມຢາມ ສະຫະລັດ

  • ໄພສານ ວໍຣະຈັກ

ປະທານາທິບໍດີ ອັບຟະການິດສະຖານ ທ່ານຮາມິດ ກາໄຊ ພົບປະກັບ ລັດຖະມົນຕີ ການຕ່າງປະເທດ ສະຫະລັດ ທ່ານນາງ ຮິລລາຣີ ຄລິນຕັນ ທີ່ກຸງວໍຊິງຕັນ ໃນວັນອັງຄານມື້ນີ້ ເພື່ອເຈລະຈາຫາຣື ແນໃສ່ ຜ່ອນຄາຍຄວາມເຄັ່ງຕຶງ ກ່ຽວກັບ ການຕຳໜິຕິຕຽນ ນະໂຍບາຍ ຂອງປະເທດ ຕາເວັນຕົກ ຂອງທ່ານ. ໃນຕອນແລງ ຂອງມື້ວານນີ້ ທ່ານນາງຄລິນຕັນ ໄດ້ເປັນເຈົ້າພາບ ຈັດງານລ້ຽງອາຫານຄຳ ຕ້ອນຮັບ ປະທານາທິບໍດີ ອັບຟະການິດສະຖານ ໃນການເລີ້ມຕົ້ນ ການຢ້ຽມຢາມ ສະຫະລັດ ເປັນເວລາ 4 ມື້ ຂອງທ່ານ. ຕິດຕາມທ່ານກາໄຊ ໃນຄັ້ງນີ້ ກໍແມ່ນລັດຖະມົນຕີ ໃນຄະນະ ລັດຖະບານ ຂອງທ່ານ 10 ກວ່າທ່ານ.


ໃນວັນພຸດ ມື້ອື່ນນີ້ ທ່ານກາໄຊ ຈະໄດ້ພົບປະ ກັບປະທານາທິບໍດີ ສະຫະລັດ ທ່ານບາຣັກ ໂອບາມາ ແລະຮອງ ປະທານາທິບໍດີ ສະຫະລັດ ທ່ານໂຈ ໄບເດັນ.


ທຳນຽບຂາວກ່າວວ່າ ການສົນທະນາຫາລື ຈະເພັ່ງເລັງໃສ່ ເລື່ອງຄວາມປອດໄພ ແລະການປົກຄອງ ໃນອັບຟະການິດສະຖານ ຮວມທັງ ການດຳເນີນ ຄວາມພະຍາຍາມ ຂອງທ່ານກາໄຊ ໃນການປາບປາມ ການສໍ້ລາດບັງຫຼວງ ຕະຫຼອດທັງ ການເສີມຂະຫຍາຍ ສະຖາບັນ ຕຸລາການ ຢູ່ໃນ ອັບຟະການິດສະຖານ.

XS
SM
MD
LG