ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ສະຫະລັດວ່າ ການປະຕິບັດງານທີ່ແຂວງການດາຮາ ຈະໃຊ້ເວລາດົນ


ພວຫທະຫານການາດາກຳລັງລາດຕະເວນທີ່ເມືອງ Kandahar
ພວຫທະຫານການາດາກຳລັງລາດຕະເວນທີ່ເມືອງ Kandahar

ຫົວໜ້າຜູ້ບັນຊາການກຳລັງສະຫະລັດໃນ AFGHANIS-
TAN ກ່າວວ່າ ການດຳເນີນຄວາມພະຍາຍາມ ເພື່ອກວດ
ລ້າງພວກທາລີບານ ອອກໄປຈາກ ແຂວງການດາຮາໃນ
ພາກໃຕ້ຂອງປະເທດດັ່ງກ່າວ ຈະໃຊ້ເວລາດົນກວ່າທີ່ໄດ້
ວາງແຜນກັນໄວ້ ໃນຂັ້ນຕົ້ນ.

ນາຍພົນ STANLEY McCHRYSTAL
ກ່າວໃນວັນພະຫັດມື້ນີ້ ທີ່ນະ ຄອນ BRUSSELS ວ່າ
ຕໍ່​ໄປ​ນີ້ ການປະຕິບັດງານທາງທະຫານຈະດຳເນີນໄປແບບ
ຊ້າໆກ່ວາ​ເກົ່າ ເພື່ອຊ່ອຍໃຫ້ການປະຕິບັດງານນີ້ໄດ້ຮັບການ
ສະໜັບສະໜຸນຈາກປະຊາຊົນໃນເຂດທ້ອງຖິ່ນ. ນາຍພົນ McCHRYSTAL ເວົ້າວ່າ
ບັດນີ້ການປະຕິບັດງານຈະໃຊ້ເວລາຫຼາຍໆເດືອນ ​ແລະວ່າ ມັນ​ສຳຄັນ​ຫລາຍ​ກ່ວາ
ທີ່​ເຮົາ​ຈະ​ເຮັດ​ໃຫ້​ຖືກຕ້ອງ ​ແທນ​ທີ່​ຈະເຮັດ​ຢ່າງ​ຮີບ​ຮ້ອນຟ້າວ​ຝັ່ງ.

ເມືອງການດາຮາ​ໄດ້​ເປັນກອງບັນຊາການໃຫຍ່ຂອງພວກທາລີບານ ເປັນ ເວລາຫຼາຍໆປີ
ໃນລະຫວ່າງທີ່ຂະບວນດັ່ງກ່າວປົກຄອງ AFGHANISTAN. ລັດຖະມົນຕີປ້ອງກັນປະເທດ
ສະຫະລັດ ທ່ານ ROBERT GATES ​ໄດ້ເຕືອນ ວ່າ ຈະເກີດຄວາມຮຸນແຮງເພີ້ມຂຶ້ນ
ໃນຂະນະທີ່ກຳລັງສະຫະລັດບຸກເລິກເຂົ້າ ໄປໃນແຂວງນີ້ ແຕ່ກໍເວົ້າວ່າ ທ່ານຄາດວ່າ
ຈະປະສົບກັບຄວາມກ້າວໜ້າ.

ນັບແຕ່ມື້ວັນຈັນເປັນຕົ້ນມາ ມີທະຫານເນໂຕ້ເສຍຊີວິດ​ໄປ​ແລ້ວ 18 ຄົນ ໃນການໂຈມຕີ
ຂອງພວກຫົວຮຸນແຮງ. ຂະນະດຽວກັນ ເຈົ້າໜ້າທີ່ AFGHANIS TAN ໄດ້ຖິ້ມໂທດໃສ່
ການ​ໂຈມ​ຕີ​ດ້ວຍລະເບີດສະລະຊີບ ວ່າເປັນເຫດໃຫ້ມີຄົນ ຕາຍ ຢ່າງນ້ອຍ 40 ຄົນ
ແລະບາດເຈັບຫຼາຍກວ່າ 70 ຄົນ ໃນພິທີແຕ່ງງານທີ່ ເມືອງ ARGHANDAB ໃນແຂວງ
ການດາຮາ ໃນຕອນແລງຂອງມື້ວານນີ້.

XS
SM
MD
LG