ຕຳຫຼວດອັຟການິສຖານກ່າວວ່າ ຄົນຍາມອັຟການິສຖານທີ່ໂລເລຄົນນຶ່ງໄດ້ຍິງທະຫານອົງ
ການເນໂຕ້ 2 ຄົນເສຍຊີວິດແລະຄົນທີ 3 ໄດ້ຮັບບາດເຈັບ ຢູ່ທີ່ແຂວງໆນຶ່ງໃນພາກເໜືອ
ຂອງປະເທດ.
ຜູ້ບັນຊາການຕຳຫຼວດ ໃນແຂວງ Panjshir ນາຍພົນ Qasim Jangalbagh ກ່າວວ່າ
ຍາມໄດ້ຍິງປືນໃສ່ທະຫານເນໂຕ້ ໃນວັນເສົາມື້ນີ້ ຂະນະທີ່ພວກທະຫານເດີນທາງໄປນຳຂະ
ບວນລົດບູລະນະສ້າງສາປະເທດຢູ່ໃນແຂວງດັ່ງກ່າວ. ທະຫານເນໂຕ້ຄົນນຶ່ງໄດ້ຍິງຕອບໂຕ້
ແລະໄດ້ສັງຫານຍາມຄົນນີ້.
ອົງການເນໂຕ້ກ່າວວ່າ ມີທະຫານຂອງຕົນຫຼາຍກວ່າ 280 ຄົນ ໄດ້ເສຍຊີວິດຢູ່ອັຟການິສ
ຖານໃນປີນີ້.
ການຍິງທະຫານອົງການເນໂຕ້ເທື່ອຫຼ້າສຸດໂດຍກຳລັງອັຟການິສຖານແມ່ນນຶ່ງໃນຫຼາຍໆ
ບັນຫາທີ່ເປັນອຸບປະສັກຂັດຂວາງຕໍ່ການດຳເນີນຄວາມພະຍາຍາມໃນການເຮັດສົງຄາມຢູ່
ໃນປະເທດດັ່ງກ່າວ. ໃນທ້າຍເດືອນພຶດສະພາຜ່ານມາ ກໍມີທະຫານອັຟການິສຖານ ທີ່ໂລ ເລຄົນນຶ່ງໄດ້ສັງຫານທະຫານອອສເຕຣເລຍຄົນນຶ່ງ.
