ປະທານາທິບໍດີຮາມິດ ກາໄຊ ພວມກະກຽມ ທີ່ຈະເປັນ
ເຈົ້າພາບຈັດກອງ ປະຊຸມເປັນເວລາ 3 ມື້ທີ່ນະຄອນຫຼວງ
ກາບູລໃນຄວາມຫວັງເພື່ອຈະສ້າງຄວາມ ເປັນເອກກະສັນ
ແຫ່ງຊາດ ໃນການຢຸດຕິສົງຄາມ ທີ່ດຳເນີນມາເປັນເວລາ
ເກືອບ 9 ປີແລ້ວນັ້ນ.
ສະພາໃຫຍ່ JIRGA ຈະເປີດໃນວັນພຸດມື້ອື່ນນີ້ໂດຍມີຜູ້
ຕາງໜ້າປະມານ 1 ພັນ 600 ຄົນ ໄປປະຊຸມກັນ
ໃນຕູບຜ້າຕັ້ງຂະໜາດໃຫຍ່ ທີ່ຕິດເຄື່ອງປັບອາ ກາດ.
ພວກຜູ້ແທນເຫຼົ່ານີ້ຈະມາຈາກທຸກໆພາກສ່ວນຂອງສັງຄົມ
ອັບການິດສະ ຖານ ຮວມທັງພວກຜູ້ນຳຊົນເຜົ່າ ແຂວງ ແລະສາສະໜາຕ່າງໆ.
ມີກຸ່ມນຶ່ງ ທີ່ບໍໄດ້ຖືກເຊີນໄປຮ່ວມສະພາ JIRGA ກໍແມ່ນພວກທາລີບານ ກຸ່ມຫົວຮຸນແຮງ
ສາສະໜາອິສະລາມທີ່ຖືກໂຄ່ນລົ້ມລົງຈາກອຳນາດໂດຍການບຸກ ໂຈມຕີຂອງກຳລັງພາຍໃຕ້
ການນຳພາຂອງສະຫະລັດໃນປີ 2001 ບໍ່ດົນຫຼັງຈາກ ພວກກໍ່ການຮ້າຍໄດ້ໂຈມຕີນະຄອນ
ນິວຢອກແລະວໍຊິງຕັນ. ແຕ່ແນວໃດກໍຕາມ ພວກຜູ້ແທນບາງຄົນອາດgເປັນພວກທີ່ເປັນ
ໃຈກັບພວກກະບົດທາລີບານ.
ກຸ່ມທາລີບານກ່າວວ່າ ຕົນຈະບໍ່ເປີດການເຈລະຈາກັບລັດຖະບານຈົນກວ່າ ທະຫານຕ່າງ
ປະເທດທັງໝົດ ຖອນອອກໄປຈາກອັບການິດສະຖານ. ຈະມີການ ສົ່ງກຳລັງຮັກສາຄວາມ
ສະຫງົບ ຈຳນວນຫຼາຍພັນຄົນ ໄປປະຕິບັດງານທັງຢູ່ໃນ ແລະອ້ອມແອ້ມນະຄອນຫຼວງ
ກາບູລໃນລະຫວ່າງກອງປະຊຸມສະພາ JIRGA.
