ລິ້ງ ສຳຫລັບເຂົ້າຫາ

ວັນອາທິດ, 25 ກັນຍາ 2022

NY Times ເວົ້າວ່າ ເຈົ້າໜ້າທີ່ຂັ້ນສູງ ຂອງອັຟການິສຖານຮັບເງິນ ຈາກອີຣ່ານ


ທ່ານ Mahmoud Ahmadinejad (ເບື້ອງຂວາ) ປະທານາທິບໍດີອີ ຣານ ພົບກັບທ່ານ Hamid Karzai ປະທານາທິບໍດີອັຟການິສຖານ ທີ່ເມືອງ Dushanbe, Tajikistan, ໃນປີ 2006 ເພື່ອພະຍາຍາມ ຜູກສຳພັນທະໄມຕີຢ່າງໃກ້ສິດກັບອັຟການິສຖານ (AP Photo/Misha Japaridze)

ໜັງສືພິມທີ່ມີຊື່ສຽງຂອງສະຫະລັດສະບັບນຶ່ງກ່າວວ່າ ທ່ານ Umar Daudzai ຫົວໜ້າ ກອງເລຂາປະຈໍາປະທານາທິບໍດີ Hamid Karzai ໄດ້ຮັບເງິນເປັນຈໍານວນຫລາຍລ້ານ ໂດລາ ຈາກອີຣ່ານ.

ໜັງສືພິມ New York Times ກ່າວວ່າ ການຈ່າຍເງິນທີ່ວ່ານີ້ ມີເປົ້າ ໝາຍເພື່ອ​ໃຫ້​ໄດ້​ຮັບຄວາມຈົງຮັກພັກດີ ຈາກທ່ານ Daudzai ແລະ ເພື່ອສົ່ງເສີມຜົນປະໂຫຍດຂອງອີຣ່ານ ໃນທໍານຽບປະທານາທິບໍດີຂອງອັຟການິສຖານນັ້ນ.

ໜັງສືພິມ New York Times ອ້າງແຫລ່ງຂ່າວທີ່ບໍ່ບອກຊື່ໃຫ້ຊາບວ່າ ອິຣ່ານໃຊ້ອິດທິ ພົນ ເພື່ອສ້າງຄວາມ​ແຕກ​ແຍກ ລະຫວ່າງປະຊາຊົນອັຟການິສຖານກັບພວກຊ່ວຍ​ເຫລືອ​ເຂົາ​ເຈົ້າ ຄືກອງ​ທະຫານອາເມຣິກັນແລະກຸ່ມ NATO ນັ້ນ.

ໜັງສືພິມສະບັບນີ້​ເວົ້າ​ອີກວ່າ ບັນດາເຈົ້າໜ້າທີ່ອີຣ່ານສາມາດເຂົ້າອອກທໍານຽບປະທານາ ທິບໍດີອັຟການິສຖານໄດ້ ເກືອບວ່າຢ່າງເສລີ ​ໂດຍ​ບໍ່​ຕ້ອງຜ່ານລະບຽບການທາງການທູດ.

ໜັງສືພິມ New York Times ກ່າວວ່າ ປະທານາທິບໍດີ Hamid Karzai ພ້ອມດ້ວຍຫົວໜ້າກອງເລຂາຂອງທ່ານໄດ້ໃຊ້ເງິນທີ່ວ່ານີ້

ເພື່ອຈ່າຍໃຫ້ພວກສະມາຊິກສະພາ ພວກຊົນເຜົ່າອາວຸໂສຂອງອັຟການິສຖານ ແລະພວກ ຜູ້ບັນຊາການກຸ່ມຕາລີບານ ເພື່ອຮັບປະກັນຄວາມຈົງຮັກພັກດີຂອງເຂົາເຈົ້າ.

XS
SM
MD
LG