ເຈົ້າໜ້າທີ່ຂັ້ນສູງຂອງສະຫະລັດຮັບຜິດຊອບກ່ຽວກັບອັຟ
ການິສຖານ ກ່າວໃນມື້ວັນສຸກວານນີ້ວ່າ ບໍ່ໄດ້ມີການເຈ
ລະຈາຫາລືໃດໆລະຫວ່າງເຈົ້າໜ້າທີ່ອັຟການິສຖານແລະ
ພວກຜູ້ບັນຊາການຂັ້ນສູງ ຂອງກຸ່ມທາລີບານ.
ທ່ານ Richard Holbrooke ກ່າວວ່າ ເຖິງແມ່ນໄດ້ມີ
ລາຍງານຂອງສື່ມວນຊົນເມື່ອໄວໆມານີ້ ກ່ຽວກັບການເຈ
ລະຈາໃນລະດັບສູງກໍຈິງແຕ່ເວລານີ້ກໍບໍ່ມີຫຍັງຫຼາຍທີ່ປະ
ຈັກໃຫ້ເຫັນ.
ທ່ານ Holbrooke ເວົ້າວ່າ ຍັງບໍ່ທັນມີຮ່ອງຮອຍໃດໆ
ເທື່ອໃນເວລານີ້ທີ່ສະແດງໃຫ້ເຫັນວ່າ ພວກຜູ້ນຳຂອງທາລີບານມີຄວາມສົນໃຈທີ່ຈະເປີດ
ການເຈລະຈາສັນຕິພາບ.
ທ່ານກ່າວວ່າ ມີພວກນັກລົບ ທີ່ເປັນພັນທະມິດກັບກຸ່ມທາລີບານໃນຈຳນວນເພີ່ມຂຶ້ນທີ່ໄດ້
ທຳການຕິດຕໍ່ມາ ຍ້ອນວ່າພວກເຂົາໄດ້ເບື່ອໜ່າຍການສູ້ລົບ.
ຜູ້ບັນຊາການກຳລັງສະຫະລັດ ແລະອົງການເນໂຕ້ໃນອັຟການິສຖານ ນາຍພົນ David
Petraeus ກ່າວຕໍ່ VOA ໃນວັນສຸກວານນີ້ວ່າ ມີການຕິດຕໍ່ມາໃນຮູບຕ່າງໆຈາກຜູ້ນຳ
ຫຼາຍໆຄົນຂອງທາລີບານ.
ແລະໃນຕົ້ນເດືອນນີ້ ນາຍພົນ Petraeus ກ່າວວ່າ ກຳລັງປະສົມໄດ້ອຳນວຍຄວາມປອດໄພ
ໃຫ້ພວກຜູ້ນຳອະວຸໂສຈຳນວນນຶ່ງຂອງທາລີບານຜ່ານໄປເພື່ອເຈລະຈາກັບລັດຖະບານອັຟກາ
ນິສຖານ. ພວກທາລີບານໄດ້ປະຕິເສດວ່າ ບໍ່ມີຜູ້ຕາງໜ້າຂອງຕົນພົວພັນກັບການເຈລະຈາດັ່ງ
ກ່າວ. ພວກຫົວຮຸນແຮງໄດ້ທວງໃຫ້ຖອນທະຫານຕ່າງປະເທດທັງໝົດ ອອກໄປຈາກອັຟກາ
ນິສຖານກ່ອນ ທີ່ການເຈລະຈາຈະສາມາດເລີ້ມຂຶ້ນໄດ້.
