ປະທານາທິບໍດີ ຮາມິດ ກາຊາຍ ໄດ້ຂໍຮ້ອງຕໍ່ບັນດາຫົວໜ້າພວກຊົນເຜົ່າ ແລະພວກຜູ້ນຳສາສະໜາຫລາຍ ຮ້ອຍຄົນໃນເມືອງກັນດາຮາ ໃຫ້ສະໜັບ ສະໜຸນການປະຕິບັດງານທະຫານຄັ້ງໃຫຍ່ໃນເຂດຂອງພວກເຂົາ ເຈົ້າ ເພື່ອເສີມສ້າງຄວາມປອດໄພໃນເຂດດັ່ງກ່າວ ຊຶ່ງເປັນທີ່ໝັ້ນຂອງກຸ່ມຫົວຮຸນແຮງ ຕາລິບານນັ້ນ.
ຄຳຮຽກຮ້ອງຂອງປະທານາທິບໍດີ ຮາມິດ ກາຊາຍ ໃນມື້ວັນອາທິດມື້ນີ້ ຂໍການຊ່ວຍເຫລືອຈາກພວກຜູ້ນຳ ຫລາຍຮ້ອຍຄົນທີ່ກ່າວມານັ້ນ ໂດຍສ່ວນໃຫຍ່ແລ້ວແມ່ນໄດ້ຮັບກາຕ້ອນຮັບເປັນຢ່າງດີ. ພວກທີ່ເຂົ້າຮ່ວມ ປະຊຸມສ່ວນໃຫຍ່ໄດ້ພາກັນຢືນຂື້ນແລະຍົກມື ເວລາທ່ານ ກາຊາຍ ຮ້ອງຂໍຄວາມສະໜັບ ສະໜຸນຈາກພວກເຂົາເຈົ້າ ເພື່ອຍຸຕິສົງຄາມທີ່ຍືດເຍື້ອມາໄດ້ເກືອບເກົ້າປີນັ້ນ.
ປະທານາທິບໍດີ ກາຊາຍ ພະຍາຍາມຈະຫລຸດຜ່ອນຄວາມລະແວງແຄງໃຈຂອງພວກຜູ້ນຳທ້ອງຖິ່ນທັງ ຫລາຍ ກ່ຽວກັບການເສີມກຳລັງທະຫານໃນ ເຂດກັນດາຮາ ຊຶ່ງເປັນສູນກາງການປະຕິບັດການກໍ່ກະບົດ ຂອງກຸ່ມຕາລິບານ.
ຕິດຕາມໄປໃນການຢ້ຽມຢາມກັບປະທານາທິບໍດີ ກາຊາຍ ຄັ້ງນີ້ ກໍມີຜູ້ບັນຊາການອົງການເນໂຕ້ ນາຍພົນ Stanley McChrystal ຂອງສະຫະລັດ ທີ່ອົງການຂ່າວເອພີ ລາຍງານວ່າ ຫລັງຈາກການ ພົບປະກັນ ທ່ານສະແດງຄວາມຊົມເຊີຍທີ່ ປະທານາທິບໍດີ ກາຊາຍ ໄດ້ທຳການຮຽກຮ້ອງເພື່ອ ຄວາມເປັນນຶ່ງດຽວກັນ ຢ່າງແຂງແຮງ ແລະແຈ້ງຂາວ.