\
ກໍາລັງຮັກສາຄວາມປອດໄພຂອງອັຟການິສຖານ ໄດ້ກັກຕົວພວກກະບົດຫ້າຄົນ
ເປັນຊາວປາກິສຖານ 3 ຄົນແລະຊາວອັຟການິສຖານ 2 ຄົນ ພ້ອມດ້ວຍລະເບີດ
10 ໂຕນ. ເຈົ້າໜ້າທີ່ກ່າວວ່າ ພວກຫົວຮຸນແຮງຈຸນີ້ມີຈຸດປະສົງທີ່ຈະນໍາໄຊ້ໃນການ
ໂຈມຕີນະຄອນຫຼວງ Kabul.
ໂຄສົກຂອງສຳນັກງານຮັກສາຄວາມປອດໄພແຫ່ງຊາດ ທ່ານ Shafiqullah
Tahiri ກ່າວວ່າ ຖ້າຫາກລະເບີດເຫຼົ່ານີ້ໄດ້ຖືກໃຊ້ ຜົນຂອງຄວາມເສຍຫາຍແມ່ນ
ຈະເຮັດໃຫ້ມີການ “ນອງເລືອດຢ່າງໃຫ່ຍຫລວງ.”
ທ່ານ Tihiri ກ່າວວ່າ ລະເບີດເຫຼົ່ານີ້ໄດ້ຖືກນໍາເຂົ້າມາໃນອັຟການິສຖານ ຈາກ
ປາກິສຖານ. ທ່ານກ່າວອີກວ່າ ມັນໄດ້ຖືກຄົ້ນພົບຢູ່ທີ່ນະຄອນຫລວງ Kabul
ໂດຍເຮັດເປັນ 400 ຖົງເຊື່ອງໄວ້ຢູ່ກ້ອງກອງມັນດ້າງ ຫລັງລົດແກ່ເຄື່ອງຄັນນຶ່ງ.
ເຈົ້າໜ້າທີ່ອັຟການິສຖານ ເຄີຍໄດ້ກ່າວຫາມາເປັນເວລານານແລ້ວວ່າ ປາກິສຖານ
ເປັນໃຫ້ບ່ອນຫຼົບລີ້ແກ່ພວກກໍ່ການຮ້າຍ ແຕ່ປາກິສຖານ ໄດ້ປະຕິເສດວ່າ ຕົນບໍ່ໄດ້
ໃຫ້ການສະໜັບສະໜຸນຫຼືບ່ອນພັກເຊົາແກ່ ບັນດາກຸ່ມກໍ່ການຮ້າຍຢູ່ໃນດີນແດນ
ຂອງຕົນ.
ຫົວເມືອງຕ່າງໆຂອງອັຟການິສຖານ ສະຖານທູດ ແລະໂຮງການລັດ ຖະບານໃນ
ນະຄອນຫຼວງ Kabul ໄດ້ໂຈມຕີຫຼາຍໆຄັ້ງຕໍ່ເນື່ອງກັນໃນວັນອາທິດແລ້ວ ໃນອັນ
ທີ່ພວກ Taliban ເອີ້ນວ່າ ເປັນການເລີ້ມຕົ້ນການບຸກໂຈມຕີໃນລະດູບານໃໝ່.
ເຈົ້າໜ້າທີ່ອັຟການິສຖານ ແລະສະຫະລັດ ໄດ້ຖິ້ມໂທດການໂຈມຕີເຫຼົ່ານີ້ໃສ່ຕາໜ່າງ
Haqqani ຊຶ່ງເປັນກຸ່ມກະບົດທີ່ເປັນພັນທະມິດກັບພວກ ຕາບີບານແລະກຸ່ມກໍ່ການ
ຮ້າຍ al-Qaida ແລະໄດ້ມີການເວົ້າເຖິງໂດຍເຈົ້າໜ້າທີ່ອາເມຣິກັນວ່າເປັນກຳລັງ
ຫົວຮຸນແຮງທີ່ເປັນອັນຕະ ລາຍທີ່ສຸດ ຢູ່ໃນສົງຄາມອັຟການິສຖານ.