ປະທານາທິບໍດີອັຟການີສຖານທ່ານ Hamid Karzai ກ່າວວ່າ ທະຫານສະຫະລັດ
31 ຄົນແລະທະຫານອັຟການີສຖານ 7 ຄົນເສຍຊີວິດ ໃນເຫດເຮືອບິນເຮລີຄອບເຕີ
ຂອງເນໂຕ້ລໍານຶ່ງ ຕົກລົງໃນແຂວງ Wardak ໃນພາກຕາເວັນອອກຂອງອັຟການີສ
ຖານ.
ບັນດາເຈົ້າໜ້າທີ່ກ່າວວ່າ ເຮືອບິນຕົກໃນເຊົ້າວັນເສົາມື້ນີ້ ນັບວ່າເປັນການເສຍຊີວິດ
ຈໍານວນຫລາຍທີ່ສຸດ ໃນເຫດການຄັ້ງນຶ່ງສໍາລັບພວກກໍາລັງນາໆຊາດໃນອັຟການີສ
ຖານ ນັບແຕ່ສົງຄາມໄດ້ເລີ້ມຂຶ້ນໃນປີ 2001 ເປັນຕົ້ນມາ.
ກຸ່ມຕາລີບັນໄດ້ອ້າງເອົາຄວາມຮັບຜິດຊອບໃນການຍິງເຮືອບິນລໍານີ້ຕົກ ແລະກ່າວວ່າ
ພວກກໍາລັງຂອງຝ່າຍຕົນ ກໍໄດ້ເສຍຊີວິດໄປ 8 ຄົນເຊ່ນກັນໃນການຍິງຕໍ່ສູ້ກັນນັ້ນ.
ກຸ່ມເນໂຕ້ໄດ້ຢືນຢັນກ່ຽວກັບເຫດການເຮືອບິນຕົກນີ້ມາກ່ອນ ແຕ່ບໍ່ໃຫ້ລາຍລະອຽດ
ກ່ຽວກັບຈໍານວນຜູ້ບາດເຈັບແລະເສຍຊີວິດນັ້ນ.
ປະທານາທິບໍດີ Karzai ໄດ້ສະແດງຄວາມໂສກເສົ້າເສຍໃຈຂອງທ່ານໄປຍັງປະທານາ
ທິບໍດີບາຣັກໂອບາມາແຫ່ງສະຫະລັດແລະໄປຍັງພວກຄອບຄົວພວກທະຫານທີ່ໄດ້ເສຍ
ຊີວິດໄປນີ້.
