ລິ້ງ ສຳຫລັບເຂົ້າຫາ

ເສຍຊີວິດ 14 ຄົນ ຍ້ອນລະເບີດແຄມທາງ ທີ່ອັຟການີສຖານ

  • ທອງປານ ເທບວົງສາ

ນາຍແພດປາກິສຖານ ປົວເດັກຊາຍອັຟການິສຖານຜູ້ນຶ່ງ ທີ່ໄດ້ຮັບບາດເຈັບຍ້ອນ ເຫດລະເບີດແຕກຢູ່ແຄມທາງ ເສັ້ນນຶ່ງໃນອັຟການິສຖານ ທີ່ໂຮງໝໍໃນເມືອງ Chaman, ທີ່ຢູ່ຕິດກັບຊາຍແດນຂອງປາກິສຖານ ໃນວັນທີ 8 ກໍລະກົດ, 2012.

​ເຈົ້າໜ້າ​ທີ່​ອັຟກາ​ນີສຖານ​ກ່າວ​ວ່າ ລະ​ເບີດ​ແຄມທາງ​ສອງ​ບັ້ນ​ນັ້ນ ​ໄດ້​ສັງຫານ​ພົນລະ​ເຮືອນ 14 ຄົນ ​ໃນ​ພາກ​ໃຕ້​ຂອງ​ປະ​ເທດ.

​ເຈົ້າໜ້າ​ທີ່​ໃນ​ແຂວງ​ກັນດາ​ຮາ ​ເວົ້າວ່າ ລົດ​ຕູ້​ຂະໜາດ​ນ້ອຍ​ຄັນ​ນຶ່ງ ​ໄດ້​ແລ່ນ​ຢຽບ​ລະ​ເບີດ
​ແຄມ​ທາງ​ລູກ​ນຶ່ງ​ໃນ​ເຂດ​ເມືອງອາ​ກິ​ສຖານ(Arghistan). ບໍ່​ດົນ​ຕໍ່​ມາ ພວກ​ພົນລະ​ເຮືອນ
​ຂີ່​ລົດ​ແທຣກ​ເຕີ​ມາ​ຊ່ວຍພວກ​ຄົນ​ເຈັບ ​ໄດ້​ແລ່ນ​ຢຽບ​ລະ​ເບີດ​ລູກ​ທີ່​ສອງ​. ບໍ່ຮູ້​ວ່າ ​ມີ​ຈັກຄົນ
​ແທ້​ເສຍ​ຊີວິດ​ໃນ​ເຫດລະ​ເບີດ​ແຕ່​ລະ​ຄັ້ງ​ນັ້ນ.

ຕໍາຫຼວດຖິ້ມ​ໂທດ​ໃສ່​ກຸ່ມ​ຕາ​ລິ​ບານ ​ສໍາລັບເຫດການ​ລ​ະ​ເບີດ​ຄັ້ງ​ນີ້.

ອົງການ​ສະຫະ​ປະຊາ​ຊາດ​ກ່າວ​ວ່າ ພົນລະ​ເຮືອນ 3,012 ຄົນ​ຖືກ​ສັງຫານ ຢູ່​ໃນ​ອັຟກາ​ນີສ
ຖານ​ເມື່ອ​ປີຜ່ານມາ ສ່ວນ​ໃຫຍ່​ແມ່ນ​ໂດຍພວກ​ກໍ່​ການ​ຮ້າຍ​ອີສລາມ​ຫົວ​ຮຸນ​ແຮງ.

XS
SM
MD
LG