ລິ້ງ ສຳຫລັບເຂົ້າຫາ

7 ຄົນ ເສຍຊີວິດ ຍ້ອນເຫດລະເບີດ ຢູ່ອັຟການີສຖານ (ເບິ່ງສະໄລດ໌)

  • ທອງປານ ເທບວົງສາ

ພາບເຫດການລະເບີດສະຫຼະຊີບ ທີ່ເມືອງຫລວງກາບູນ ອັຟການີສຖານ

ເຈົ້າໜ້າ​ທີ່ອັຟກາ​ນີສຖານ​ກ່າວ​ວ່າ ​ເຫດລະ​ເບີດ​ລົດໄດ້ສັງຫານ​ຢ່າງ​ໜ້ອຍ 7 ​ຄົນ ​ໃນ​ນະຄອນຫລວງ​ກາ​ບູລ ພຽງ​ບໍ່​ເທົ່າ​ໃດ​ຊົ່ວໂມງ​ຫລັງ​ຈາກ​ປະທາ ນາ​ທິບໍດີບາຣັກ ​ໂອ​ບາ​ມາ ​ໄດ້ເດີນທາງ​ຈາກມາ ​ລຸນ​ຫລັງການ​ຢ້ຽມຢາມ ​ທີ່​ບໍ່​ໄດ້​ມີ​ການ​ປະກາດ​ໃຫ້​ຊາບລ່ວງໜ້າ​ນັ້ນ.

ຕໍາຫລວດໃນ​ນະຄອນ​ຫລວງ​ກາ​ບູລກ່າວວ່າ ​ການ​ໂຈມ​ຕີ​ດ້ວຍ​ລະ​ເບີດລົດ​ສະຫລະ​ຊີບໃນວັນ​ພຸດ​ມື້​ນີ້ ແມ່ນ​ເກີດ​ຂຶ້ນ​ໃກ້​ຖະໜົນ Jalalabad ຊຶ່ງ​ເປັນ​ຖະໜົນໃຫຍ່ ທີ່ເໜັ່ງ​ຈາກນະຄອນຫຼວງ ​ໄປ​ທາງ​ທິດຕາ​ເວັນ​ອອກ​. ການ​ໂຈມ​ຕີ​ຄັ້ງ​ນີ້ ປະກົດ​ວ່າ​ໄດ້​ແນ​ເປົ້າໝາຍ​ໃສ່ບໍລິ​ເວນ ຕຶກ​ອາຄານ​ຂະໜາດໃຫຍ່​ທີ່​ມີ​ການ​ປ້ອງ​ກັນ​ຢ່າງ​ໜາ​ແໜ້ນ ທີ່ເອີ້ນ​ວ່າ ​ບ້ານ​ສີຂຽວ ຊຶ່ງ​ເປັນ​ບ່ອນ​ພັກ​ອາໄສ​ຂອງ​ພວກ​ຄົນ​ງານຕ່າ​ງປະ​ເທດ​ຈໍານວນ​ຫລາຍ​ຮ້ອຍ​ຄົນ​ນັ້ນ.

ພວກ​ເຈົ້າໜ້າ​ທີ່​ກ່າວ​ວ່າ ການ​ໂຈມ​ຕີ​ຄັ້ງ​ນີ້​ແມ່ນ​ໄດ້​ສັງຫານພົນລະ​ເຮືອນ ຫ້າ​ຄົນ ​ແລະ​ຍາມ​ຄົນ​ນຶ່ງ. ສ່ວນ​ຜູ້​ເຄາະ​ຮ້າຍ​ຄົນທີ 7 ນັ້ນ ຍັງ​ບໍ່​ຮູ້​ວ່າ​ແມ່ນ​ໃຜ. ອົງການ​ເນ​ໂຕ້​ກ່າວ​ວ່າ ກໍາລັງ​ຮັກສາ​ຄວາມປອດ​ໄພ​ອັຟກາ​ນີສຖານ ​ສາມາດ​ຄວບ​ຄຸມສະຖານະ​ການ​ໄດ້ ແລະ​ໄດ້​ສັງຫານ​ພວກ​ໂຈມຕີທັງ​ໝົດ.

ພວກ​ກະບົດ​ຕາ​ລິ​ບານ ​ໄດ້​ອ້າງ​ເອົາ​ຄວາມ​ຮັບຜິ​ດຊອບ​ຕໍ່​ການ​ໂຈມ​ຕີ​ຄັ້ງ​ນີ້ ​ແລະ​ເວົ້າ​ວ່າ ມັນ​ເປັນ​ການ​ໂຕ້​ຕອບ​ຄືນ ຕໍ່​ການ​ຢ້ຽມຢາມ​ຂອງ​ທ່ານ​ໂອ​ບາ​ມາ. ຄໍາ​ຖະ​ແຫລ​ງຈາກ​ກຸ່ມ​ຕາ​ລີ​ບານ ທີ່​ວີ​ໂອ​ເອ​ໄດ້​ມາ ​ປະກາດ​ວ່າ ພວກ​ເຂົາ​ຈະ​ເປີດ​ສາກ​ທໍາ​ການ​ບຸກ​ໂຈມ​ຕີ​ລະດູບານ​ໃໝ່ ​ໃນ​ທົ່ວ​ອັຟກາ​ນິສຖານ ​ໃນ​ວັນ​ພະຫັດ​ມື້​ອື່ນ​ນີ້.

ພວກ​ເຫັນ​ເຫດການ​ໄດ້​ຍິນ​ສຽງ​ລະ​ເບີດ​ຢ່າງ​ໜ້ອຍ​ອີກ​ບັ້ນ​ນຶ່ງ ໃນ​ເຂດ​ກໍ້າ​ຕາ​ເວັນ​ອອກ​ຂອງ​ນະຄອນ​ຫລວງ ​ແລະ​ໄດ້​ຍິນ​ສຽງ​ປືນ​ດັງ​ຂຶ້ນຕິດຕາ​ມມາ.

XS
SM
MD
LG