ອັຟການີສຖານກໍາລັງເຄຶ່ອນໄຫວໄປໜ້າ ກັບແຜນການທີ່ຈະພົວພັນກັບກຸ່ມຕາລິບານ ໃນ ການເຈລະຈາສັນຕິພາບ ຜ່ານການສ້າງຕັ້ງອັນທີ່ເອິ້ນວ່າ “ສະພາສັນຕິພາບທີ່ສູງສົ່ງ” ຂຶ້ນ ມາ ເຖິງແມ່ນໄດ້ເກີດຄວາມຮຸນແຮງເພິ່ມຂຶ້ນ ທີ່ໄດ້ເອົາຊີວິດພວກທະຫານຕ່າງປະເທດ ຫລາຍຂື້ນນັບມື້ ຢູ່ກໍຕາມ.
ທ່ານ ຮາມິດ ກາໄຊ ປະທານາທິບໍດີອັຟການີສຖານ ກ່າວວ່າ ການສ້າງຕັ້ງສະພາດັ່ງກ່າວ ຂຶ້ນມານັ້ນ ເປັນບາດກ້າວທີ່ສໍາຄັນ ແລະສະພາທີ່ວ່ານີ້ຈະລວມເອົາພວກຜູ້ນໍາຈີຮາດ ພວກ ທີ່ມີອິດທິພົນ ແລະແມ່ຍິງ ທີ່ຍັງບໍ່ໄດ້ປະກາດຊື່ເທື່ອ.
ພວກຜູ້ນໍາອັຟການີສຖານ ແລະຜູ້ນໍາບັນດາຊົນເຜົ່າ ໄດ້ຮັບຮອງເອົາແນວຄິດໃນການຈັດ ຕັ້ງສະພາທີ່ວ່ານີ້ ເມື່ອເດືອນມິຖຸນາຜ່ານມາ ໃນຖານະເປັນພາກສ່ວນນຶ່ງຂອງແຜນການທີ່ ຈະໃຫ້ສິນນໍ້າໃຈເປັນເງິນ ແລະວຽກເຮັດງານທໍາ ແກ່ພວກກະບົດທີ່ເຕັມໃຈແລະສະມັກໃຈ ຈະປະລະການກໍ່ຄວາມຮຸນແຮງ ແລະຕັດຂາດຈາກເຄືອຂ່າຍຂອງພວກກໍ່ການຮ້າຍນັ້ນ.
ເທົ່າເຖິງປັດຈຸບັນນີ້ ກຸ່ມຕາລິບານ ບໍ່ໄດ້ສະແດງຄວາມສົນໃຈປານໃດກັບແຜນການ ເຈລະຈາດັ່ງກ່າວ.
