ລິ້ງ ສຳຫລັບເຂົ້າຫາ

ຄວາມຮຸນແຮງໃນອັຟກາ ນິສຖານ

  • ສິງ ບູຣົມມະວົງ

ກຸ່ມ​ຕາ​ລີ​ບັນ ​ໄດ້​ອ້າງ​ເອົາ​ຄວາມ​ຮັບຜິດຊອບ​ໃນ​ການ​ເຂັ່ນຂ້າ ປະຊາຊົນ 10 ຄົນ ທີ່​ຮວມທັງ​ຊາວ​ຕ່າງ​ຊາດນໍາ ຫລັງ​ຈາກພົບເຫັນ​ສົບ​ຂອງ​ພວກ​ເຈົ້າ ​ຢູ່​ໃນ​ປ່າດົງ​ຕຶບ​ແຫ່ງ​ນຶ່ງ​ໃນ​ພາກ​ເໜືອຂອງ​ອັ​ຟກາ​ນິສຖານ.

ອົງການ​ຊ່ອຍ​ເຫລືອ​ລະຫວ່າງ​ຊາດ ຫລື International Assistance Mission ຊຶ່ງ​ເປັນ​ອົງການ​ກຸ​ສົນ​ຄຣິສຕຽນ ທີ່​ໃຫ້ການ​ບໍລິການ​ທາງ​ ດ້ານ​ສຸຂະພາບ​ແກ່​ປະຊາຊົນ​ອັ​ຟການິສຖານ ກ່າວ​ຢູ່​ໃນ website ຂອງ​ເຈົ້າ​ໃນ​ວັນ​ເສົາ​ມື້​ນີ້ ວ່າພວກ​ທີ່ເສຍ​ຊີວິດ​ໄປ​ນີ້ ​ເບິ່ງ​ຄື​ວ່າ​ເປັນ​ສະມາ​ຊິກ​ຢູ່​ໃນ​ທີມປິ່ນປົວ​ຕາ​ຂອງ​ຕົນ ທີ່​ກໍາລັງ​ກັບ​ຄືນ​ມາ​ຍັງ​ກຸງ​ຄາ​ບູລ ຫລັງ​ຈາກ​ໄປ​ເຮັດ​ ວຽກ​ຢູ່​ໃນ​ເຂດ Nuristan ​ເປັນ​ເວລາ 2 ມື້​ແລ້ວ.


ບັນດາ​ເຈົ້າ​ໜ້າ​ທີ່​ສະຫະລັດ​ໃນ​ອາ​ຟກາສຖານ ກ່າວ​ວ່າ ຢ່າງ​ນ້ອຍ​ມີຄົນ​ອະ​ເມຣິກັນ 2 ຄົນ​ຮວມ ຢູ່​ໃນ​ຊາວ​ຕ່າງປະ​ເທດ 8 ຄົນ​ແລະ​ຊາວ​ອັ​ຟກາ​ນິສຖານ 2 ຄົນ ທີ່​ເສຍ​ຊີວິດ​ໄປ​ນັ້ນ. ບັນດາ​ເຈົ້າ​ໜ້າ​ທີ່​ທ້ອງ​ຖິ່ນ​ກ່າວ​ວ່າ ຄົນ​ເຍຍລະ​ມັນ 6 ຄົນ​ຮວມຢູ່​ໃນຈໍານວນ​ພວກ​ທີ່ເສຍ​ຊີວິດ​ ໄປ​ໃນ​ແຂວງ Badakhshan ນັ້ນ.


ນາຍ Zabihullah Mujahed ​ໂຄສົກ​ປະ​ຈໍາ​ກຸ່ມ​ຕາ​ລີ​ບັນ ກ່າວ​ຕໍ່ອົງການ​ຂ່າວ​ຝຣັ່ງ
ວ່າໜ່ວຍ​ລາດ​ຕາ​ເວັນ​ຂອງ​ຕົນ​ໄດ້​ປະ​ເຊີນ​ໜ້າກັບ​ພວກ​ເຜີຍ​ແຜ່​ສາດສະ​ໜ້າ​ຄຣິສຕຽນ
ກຸ່ມ​ນຶ່ງ​ແລະ​ພວກ​ເຮົາ​ໄດ້ສັງຫານ​ພວກ​ເຂົາ​ເຈົ້າ​ທັງ​ໝົດ. ຜູ້​ຊາຍ​ອັ​ຟກາ​ນິສຖານ​ຄົນ​ນຶ່ງ​
ລອດ​ຊີວິດ​ມາ​ໄດ້​ຈາກ​ການ​ໂຈມ​ຕີ​ນັ້ນ. ພວກ​ສົບ​ທີ່ຖືກ​ປືນໃນ​ຮ່າງກາຍ​ຂອງພວກ​ເຂົາ​ເຈົ້າ​
ໄດ້​ຖືກ​ພົບ​ເຫັນ​ໃນ​ວັນ​ສຸກ​ວານ​ນີ້.

XS
SM
MD
LG