ພວກກໍາລັງຕ່າງຊາດໃນອັຟການີສຖານໄດ້ຂໍຂະມາໂທດສໍາລັບການຕາຍຂອງພວກພົນລະເຮືອນອັຟການີສຖານ ຍ້ອນການໂຈມຕີທາງອາກາດຂອງກຸ່ມເນໂຕ້ໃນວັນເສົາຜ່ານມາໃນພາກໃຕ້ຂອງອັຟການີສຖານນັ້ນ.
ກໍາລັງປະສົມນາໆຊາດໄດ້ຂໍຂະມາໂທດໃນຖະແຫລງການ
ສະບັບນຶ່ງໃນວັນຈັນມື້ນີ້ ສໍາລັບການເສຍຊີວິດຂອງພວກພົນລະເຮືອນ 9 ຄົນໃນການໂຈມຕີທາງອາກາດໃສ່ເມືອງ Nawzad ໃນແຂວງ Helmand.
ແຕ່ທາງການອັຟການີສຖານກ່າວວ່າ ການໂຈມຕີທາງອາກາດໃນແລງວັນເສົາຜ່ານມາ ໄດ້ຕົກຖືກເຮືອນ 2 ຫລັງແລະເຮັດໃຫ້ປະຊາຊົນເສຍ ຊີວິດໄປ 14 ຄົນຊຶ່ງຮວມທັງແມ່ຍິງ 2 ຄົນແລະເດັກນ້ອຍ 12 ຄົນ ແລະເຮັດໃຫ້ພົນ ລະເຮືອນ ຕື່ມອີກ 6 ຄົນໄດ້ຮັບບາດເຈັບ.
ໃນວັນອາທິດວານນີ້ ປະທານາທິບໍດີ Hamid Karzai ແຫ່ງອັຟການີສຖານ ໄດ້ກ່າວອອກ
ມາອັນທີ່ທ່ານເອີ້ນວ່າ ຄໍາເຕືອນເທື່ອສຸດທ້າຍຕໍ່ກໍາລັງຂອງສະຫະລັດແລະກຸ່ມເນໂຕ້ກ່ຽວກັບ
ການບາດເຈັບລົ້ມຕາຍຂອງພວກພົນລະເຮືອນນັ້ນ ແລະທ່ານໄດ້ຮຽກຮ້ອງໃຫ້ກໍາລັງຝ່າຍປະ
ສົມລົດຜ່ອນການໂຈມຕີຍາມກາງຄືນລົງ ແລະໃຫ້ແຈ້ງໃຫ້ຝ່າຍກໍາລັງຂອງອັຟການີສຖານ
ຊາບເສຍກ່ອນ ເພື່ອລົດຜ່ອນຈໍານວນການບາດເຈັບແລະລົ້ມຕາຍຂອງພົນລະເຮືອນລົງ.
ໃນວັນອາທິດວານນີ້ ໂຄສົກປະຈໍາທໍານຽບຂາວ ກ່າວວ່າ ທາງສະຫະລັດກໍມີຄວາມເປັນ
ຫ່ວງກ່ຽວກັບການບາດເຈັບແລະລົ້ມຕາຍຂອງພວກພົນລະເຮືອນນັ້ນ ເຊ່ນກັນ.
