ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ອັຟການິສຖານ ແລະສະຫະລັດ ເສັດສິ້ນການຮ່າງ ຂໍ້ຕົກລົງຂັ້ນຕົ້ນ ກ່ຽວກັບການເປັນພາຄີກັນ


 ທ່ານ Ryan Crocker ເອກອັກຄະລັດຖະທູດສະຫະລັດ
ປະຈໍາອັຟການິສຖານ(ຊ້າຍ) ແລະ ປ. Hamid Karzai ແຫ່ງອັຟການິສຖານ(ຂວາ) ທີ່ທໍານຽບປະທານາທິບໍດີ
ທີ່ກຸງຄາບູລ.
ວັນທີ 23 ເມສາ 2012.
ທ່ານ Ryan Crocker ເອກອັກຄະລັດຖະທູດສະຫະລັດ ປະຈໍາອັຟການິສຖານ(ຊ້າຍ) ແລະ ປ. Hamid Karzai ແຫ່ງອັຟການິສຖານ(ຂວາ) ທີ່ທໍານຽບປະທານາທິບໍດີ ທີ່ກຸງຄາບູລ. ວັນທີ 23 ເມສາ 2012.

ອັຟກາ​ນິສຖານ​ແລະ​ສະຫະລັດໄດ້ເສັດ​ສິ້ນ​ການ​ຮ່າງ​ຂໍ້​ຕົກລົງ​ຂັ້ນ​ຕົ້ນ ​ໃນ​ການ​ເປັນ​ພາຄີ​ກັນດ້ານ​ຍຸດ​ທະ​ສາດ​ ​ທີ່ລະບຸ​ອອກ​ມາ​ໂດຍ​ສັງ​ເຂບ ​ກ່ຽວ​ກັບຄວາມ​ສໍາພັນ​ຂອງ​ປະ​ເທດ​ທັງ​ສອງ ​ຫຼັງ​ຈາກ​ການ​ຖອນໜ່ວຍ ​ລົບ​ຂອງ​ພວກ​ປະ​ເທດ​ຝ່າຍ​ຕາ​ເວັນ​ຕົກ​ອອກ​ຈາກ​ອັຟກາ​ນິສຖານ​ໄປ​ໝົດ​ແລ້ວ​ໃນ​ປີ 2014 ນັ້ນ.

ບໍ່​ໄດ້​ມີ​ການ​ເປີດ​ເຜີຍ​ລາຍ​ລະອຽດ​ໃຫ້​ຮູ້ກ່ຽວ​ກັບ​ເນື້ອ​ໄນ​ຂອງ​ຮ່າງ​ຂໍ້ຕົກລົງ​ດັ່ງກ່າວ ຊຶ່ງ​ຕໍ່​ໄປ
ນີ້​ ​ແມ່ນຈະ​ຖືກ​ທົບ​ທວນຄືນເບິ່ງໂດຍປະທານາທິບໍດີຂອງ​ສະຫະລັດ​ແລະອັຟກາ​ນິສຖານ
ລັດຖະສະພາ​ສະຫະລັດ​ແລະ​ສະພາ​ແຫ່ງ​ຊາດ​ອັຟກາ​ນິສຖານ.

ຖະ​ແຫຼ​ງການ​ສະບັບ​ນຶ່ງ​ຈາກ​ທໍານຽບປະທານາທິບໍດີ Hamid Karzaiແຫ່ງ​ອັຟກາ​ນິສຖານ
ກ່າວ​ວ່າ ​ໄດ້​ມີ​ການ​ລົງ​ນາມ​ໃນ​ຮ່າງ​ຂໍ້​ຕົກລົງດັ່ງກ່າວໃນ​ວັນ​ອາທິດ​ວານ​ນີ້ ​ໂດຍ​ທ່ານ
Rangin Dadfar Spanta ທີ່​ປຶກສາ​ດ້ານ​ຄວາມ​ປອດ​ໄພ​ແຫ່ງ​ຊາດ​ອັຟກາ​ນິສຖານ ​ແລະ​
ທ່ານ Ryan Crocker ​ເອກ​ອັກຄະ​ລັດຖະທູດ​ສະຫະລັດ​ປະ​ຈໍາ​ອັຟກາ​ນິສຖານໃນພິທີ​ນຶ່ງ
ທີ່ກຸງ​ຄາ​ບູລ.

ບັນດາ​ເຈົ້າ​ໜ້າ​ທີ່​ສະຫະລັດ​ກ່າວ​ວ່າ ຄາດ​ວ່າ ປະທາ​ນາ​ທິບໍດີ​ບາຣັກ ​ໂອ​ບາ​ມາ ຈະ​ລົງ​
ນາມໃນ​ຮ່າງ​ຂໍ້​ຕົກລົງ​ດັ່ງກ່າວ​ ກ່ອນ​ກອງ​ປະຊຸມ​ສຸດ​ຍອດຂອງກຸ່ມ​ເນ​ໂຕ້ ທີ່​ຈະ​ມີ​ຂຶ້ນ​ຢູ່​ນະ
ຄອນ Chicago ​ໃນ​ເດືອນ​ໜ້າ​ນີ້.

ການ​ເຈລະຈາ​ກັນ​ກ່ຽວ​ກັບ​ຂໍ້​ຕົກລົງ​ກັນ​ນີ້ ​ໄດ້​ມີ​ຄວາມ​ຄືບ​ໜ້າ​ໃນຫວ່າງ​ໄວໆ​ຜ່ານ​ມາ​ນີ້ ຫຼັງ
ຈາກ​ທີ່ສະຫະລັດ​ຕົກລົງ​ຮັບ​ເອົາ​ຄໍາ​ຮຽກຮ້ອງຂອງ​ອັຟກາ​ນິສຖານ ​ທີ່​ຢາກ​ມີ​ອໍານາດຄວບ
ຄຸມ​ໂດຍ​ເຕັມ​ກ່ຽວ​ກັບຄຸກ Bagram ຊຶ່ງ​ເວລາ​ນີ້​ສະຫະລັດ​ເປັນ​ຜູ້​ຄວບ​ຄຸມ​ທັງ​ໝົດນັ້ນ ແລະ
ໃຫ້​ຍຸດຕິການ​ບຸກໂຈມ​ຕີ​ພວກ​ກະບົດ​ກຸ່ມ​ຕາ​ລີ​ບັນໃນ​ຍາມ​ກາງຄືນ​ ​ໂດຍໜ່ວຍ​ລົບ​ພິ​ເສດ
ຂອງ​ສະຫະລັດ ທີ່​ເປັນ​ບັນຫາ​ໂຕ້​ແຍ່ງ​ກັນນັ້ນ.

ປະທານາທິບໍດີ Karzai ​ໄດ້​ກ່າວວ່າ ທ່ານ​ຢາກ​ເຫັນ​ຄໍາໝາຍໝັ້ນ​ເປັນລາຍ​ລັກ​ອັກສອນ
ຈາກ​ສະຫະລັດ ​ກ່ຽວ​ກັບ​ເງິນ​ຊ່ອຍ​ເຫຼືອ​ເປັນ​ມູນ​ຄ່າ 2 ພັນລ້ານ​ໂດ​ລາ​ຕໍ່​ປີ​ ຫຼັງ​ຈາກ​ການ
ຖອນ​ທະຫານ​ອອກ​ໝົດ​ແລ້ວ.

ບັນດາ​ເຈົ້າ​ໜ້າ​ທີ່​ສະຫະລັດໄດ້ກ່າວ​ວ່າ ພວກ​ຕົນ​ສາມາດ​ໃຊ້​ຈ່າຍ​ເງິນຈໍານວນ​ຫຼາຍ​ເຖິງ 4
ພັນ​ລ້ານ​ໂດ​ລາ​ຕໍ່​ປີ​ໄດ້ ສໍາ​ລັບກໍາລັງ​ຂອງ​ອັຟກາ​ນິສຖານ​ນັ້ນ ​ແຕ່​ພວກ​ເຈົ້າ​ໜ້າ​ທີ່​ເຫຼົ່າ​ນີ້
ເວົ້າ​ ວ່າ ສົນທິສັນຍາ​ຍຸດ​ທະ​ສາດ​ສະບັບ​ນີ້ ບໍ່​ໄດ້​ມີເປົ້າ​ໝາຍ​ທີ່​ຈະ​ໃຫ້​ເປັນ​ແຜນການ​ຊ່ອຍ
ເຫຼືອ​ຢ່າງ​ລະອຽດ ​ແຕ່ເປັນ​ໂຄງ​ຮ່າງອັນ​ກ້ວາງຂວາງກ່ຽວ​ກັບ​ຄວາມ​ໝາຍໝັ້ນ ​ຂອງ​ທັງ​
ສອງ​ຝ່າຍ ໃນ​ການສືບ​ຕໍ່​ດໍາ​ເນີນ​ງານ​ຮ່ວມ​ກັນ​ຕໍ່​ໄປອີກ​ຫຼາຍ​ປີ​ຂ້າງ​ໜ້າ​ນັ້ນ.

XS
SM
MD
LG