ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ທະຫານ ສະຫະລັດ ທີ່ຖືກກ່າວຫາວ່າ ສັງຫານ ຄົນອັຟການີສຖານ ຖືກສົ່ງໜີ (ເບິ່ງສະໄລດ໌ກັບວີດີໂອ)


ປະທານາທິບໍດີ Hamid Karzai ແຫ່ງອັຟການິສຖານພົບປະກັບທ່ານປາແນັດຕາ ລັດຖະມົນຕີປ້ອງກັນປະເທດ ສະຫະລັດ ທີ່ກຸງຄາບູລ (15 ມີນາ 2012)
ວັນທີ 15 ມີນາ 2012.
ປະທານາທິບໍດີ Hamid Karzai ແຫ່ງອັຟການິສຖານພົບປະກັບທ່ານປາແນັດຕາ ລັດຖະມົນຕີປ້ອງກັນປະເທດ ສະຫະລັດ ທີ່ກຸງຄາບູລ (15 ມີນາ 2012) ວັນທີ 15 ມີນາ 2012.

ທະຫານ​ສະຫະລັດ​ຄົນ​ທີ່​ຖືກ​ກ່າວ​ຫາ​ວ່າ​ເປັນ​ຜູ້ຍິງ​ຄົນ​ຕາຍ​ຢ່າງ​ບໍ່ເລືອກ​ໜ້າ​ໃນ​ອັ​ຟກາ​ນິສ
ຖານ ​ໄດ້​ຖືກ​ສົ່ງ​ອອກ​ຈາກ​ອັຟການິສຖານ ​ໂດຍ​ທາງ​ເຮືອບິນ​ແລ້ວ.

ເຈົ້າ​ໜ້າ​ທີ່​ຂັ້ນ​ອາວຸ​ໂສ​ຂອງ​ສະຫະລັດ​ທ່ານ​ນຶ່ງ​ທີ່​ບໍ່ແຈ້ງ​ຊື່​ໃຫ້​ຊາບກ່າວ​ວ່າ ທະຫານ​ຄົນ​ນີ້​
ໄດ້​ຖືກ​ສົ່ງ​ໂຕໂດຍ​ທາງ​ເຮືອບິນ​ໃນ​ຕອນ​ແລງ​ວັນພຸດ​ວານ​ນີ້​ໄປ​ຍັງ​ຄູ​ເວດ ບ່ອນ​ທີ່ກອງທັບ
ສະຫະລັດມີ​ສູນ​ກັກ​ຂັງ​ຫຼາຍແຫ່ງ​ນັ້ນ.

ໂຄສົກ​ປະ​ຈໍາ​ທໍານຽບຫ້າ​ແຈກ່າວ​ວ່າ ທະຫານ​ຄົນ​ນີ້​ຖືກ​ສົ່ງ​ອອກ​ຈາກອັຟ ການິສຖານ​ກໍ​
ແມ່ນ​ເພື່ອເຫັນ​ແກ່ຄວາມ​ປອດ​ໄພ​ຂອງ​ຜູ້ກ່ຽວ​ແລະ​ເພື່ອ​ໃຫ້ຄວາມ​ສະດວກ​ແກ່​ພວກ​ເຈົ້າ
ໜ້າ​ທີ່​ສືບສວນ​ສອບ​ສວນ​ເຂົ້າ​ຫາ​ຜູ້ກ່ຽວ​ໄດ້ ຫລາຍ​ຂຶ້ນ​ແລະ​ໂຄ​ສົກ​ທ່ານ​ນີ້​ກ່າວ​ຕໍ່​ໄປ​ວ່າ
ການ​ສົ່ງ​ທະຫານ​ຄົນ​ນີ້ອອກຈາກ​ອັຟກາ​ນິສຖານ​ກໍ​ບໍ່​ຈໍາ​ເປັນ​ໝາຍ​ຄວາມ​ວ່າການ​ດໍາ​ເນີນ​
ຄະດີ​ຜູ້ກ່ຽວຈະ​ບໍ່​ມີ​ຂຶ້ນໃນ​ປະ​ເທດ​ດັ່ງກ່າວ ​ໃນ​ຂະນະ​ທີ່​ຊາວ​ອັຟກາ​ນິສຖານ​ຫຼາຍ​ຄົນໄດ້
ຮຽກຮ້ອງ​ມາ​ນັ້ນ.

ສິບ​ເອກ​ທະຫານ​ບົກ​ຄົນ​ນີ້ທີ່​ຍັງ​ບໍ່​ໄດ້​ເປີດ​ເຜີຍ​ຊື່​ໃຫ້​ຊາບຫລື​ຍັງ​ບໍ່ທັນຖືກ ​ຕັ້ງ​ຂໍ້​ຫາ​ຢ່າງ​
ເປັນ​ທາງ​ການເທື່ອ​ນັ້ນ ຖືກ​ກ່າວຫາ​ວ່າເປັນຜູ້​ສັງຫານ​ພວກ​ ຊາວບ້ານ​ທີ່​ເປັນພົນລະ​ເຮືອນ​
16 ຄົນຢູ່​ນອກ​ແຂວງ​ກັນດາ​ຮາ​ໃນ​ວັນ​ອາທິດ​ຜ່ານ​ມາ​ນີ້.

ລັດຖະມົນຕີ​ປ້ອງ​ກັນ​ປະ​ເທດ​ສະຫະລັດ ທ່ານ Leon Panetta ທີ່ທໍາ​ການ​ຢ້ຽມຢາມ
ພາກ​ໃຕ້​ຂອງ​ອັຟກາ​ນິສຖານ​ໃນ​ວັນ​ພຸດ​ວານ​ນີ້ ກ່າວ​ວ່າ ຄວາມ​ຮຸນ​ແຮງ​ຫວ່າງ​ໄວໆ​ມາ​ນີ້
ໃນ​ອັຟກາ​ນິສຖານ ຮວມທັງເລື້ອງ​ທະຫານ​ສະຫະລັດ​ທໍາ​ການ​ເຂັ່ນຂ້າ​ພວກ​ພົນລະ​ເຮືອ​ນ
ນັ້ນ ຈະ​ບໍ່​ເປັນ​ອຸບປະສັກຂັດຂວາງ​ສະຫະລັດ​ໃນ​ການ​ປະກອບ​ພາລະກິດ​ຂອງ​ຕົນ. ຂະ
ນະ​ທີ່​ທ່ານປາ​ແນັດຕາ​ກ່າວ​ວ່າ​ເຫດການ​ດັ່ງກ່າວ​ໄດ້​ສ້າງ​ຄວາມ​ຫຍຸ້ງຍາກຂຶ້ນຢ່າງເລິກ​ເຊິ່ງ
ແຕ່​ທ່ານ​ກໍ​ເວົ້າວ່າ ມັນ​ບໍ່​ສະທ້ອນ​ເຖິງ​ຄວາມ​ປະພຶດ​ຂອງ​ພວກ​ກໍາລັງ​ກຸ່ມ​ເນ​ໂຕ້​ໃນ​ທາງ​ລົບ
ແຕ່​ປະການ​ໃດ​ຖ້າ​ເວົ້າ​ໂດຍ​ຮວມ​ແລ້ວ.

ປະມານ​ໃນ​ເວລາ​ດຽວ​ກັນ ​ທີ່​ທ່ານ​ປາ​ແນັດຕາ​ເດີນທາງ​ໄປ​ຮອດ​ອັຟການິສຖານ​ນັ້ນ ພວກ
ເຈົ້າ​ໜ້າ​ທີ່​ກ່າວ​ວ່າ ຄົນ​ອັຟກາ​ນິສຖານ​ຜູ້​ນຶ່ງ​ໄດ້ລັກເອົາ​ລົດ​ ​ແລ້ວ​ຂັບເຂົ້າ​ຫາ​ທາງ​ທີ່ຢູ່​ນອກ
ທາງແລ່ນຂອງ​ສະໜາມບິນ ​ແລະ​ຕົກລົງ​ໄປ​ໃນ​ຮ່ອງ​ນໍ້າ​ກ່ອນ​ໂຜ່​ໂຕ​ອອກ​ມາ​ຈາກລົດ​ທີ່​ລຸກ​
ໄໝ້​ເປັນ​ໄຟຄັນ​ນັ້ນ ​ແລະ​ຜູ້ຕ້ອງ​ສົງ​ໄສ​ຄົນ​ນີ້​ໄດ້​ເສຍ​ຊີວິດ​ຍ້ອນ​ທົນ​ຕໍ່​ພິດ​ບາດ​ແຜ​ບໍ່​ໄດ້ ໃນ
ເວລາ​ຕໍ່​ມາ. ກໍາລັງ​ປະສົມ​ກ່າວ​ວ່າ ທະຫານ​ຂອງ​ກຸ່ມ​ເນ​ໂຕ້​ຄົນ​ນຶ່ງ​ໄດ້​ຮັບ​ບາດ​ເຈັບໃນ​ເຫດ
ລັກ​ລົດ​ຄັນ​ດັ່ງກ່າວນັ້ນ. ກຸ່ມ​ເນ​ໂຕ້​ກ່າວ​ວ່າທ່ານ ​ປາ​ແນັດຕາ​ບໍ່ໄດ້ຕົກ​ຢູ່​ໃນ​ສະພາບ​ອັນຕະ
ລາຍ​ໃດໆ​ເລີຍ.

XS
SM
MD
LG