ພວກຕາລິບານກ່າວວ່າ ຄະນະພັກການເມືອງຂອງຕົນພ້ອມແລ້ວ ທີ່ຈະເຂົ້າຮ່ວມການເຈ
ລະຈາສັນຕິພາບ ເພື່ອຍຸຕິສົງຄາມໃນອັຟການີສຖານ.
ໃນຖະແຫລງການທາງອີເມລສະບັບນຶ່ງເມື່ອວັນພະຫັດມື້ນີ້ ກຸ່ມຕາລິບານ ກ່າວວ່າ ຕົນ
ໄດ້ເພີ່ມຄວາມພະຍາຍາມຫລາຍຂຶ້ນເພື່ອນໍາເອົາສັນຕິພາບມາສູ່ປະເທດຊາດທີ່ບໍ່ມີຄວາມ
ສະຫງົບສຸຂນັ້ນ. ແຕ່ກໍໄດ້ເນັ້ນຍໍ້າເຖິງການຄັດຄ້ານຂອງຕົນ ຕໍ່ລັດຖະທໍາມະນູນສະບັບ
ປັດຈຸບັນຂອງອັຟການີສຖານ ແລະກໍໄດ້ກ່າວເຖິງລັດຖະບານທີ່ນໍາໂດຍປະທານາທິບໍດີ
ຮາມິດ ກາຊາຍ ນັ້ນ ວ່າເປັນລັດຖະບານລູກແຫຼ້ງຕີນມື.
ຖະແຫຼງການດັ່ງກ່າວນີ້ມີຂຶ້ນ ໃນຂະນະທີ່ທ່ານ Marc Grossman ນັກການທູດສະຫະ
ລັດ ຕຽມນໍາພາຜູ້ຕ່າງໜ້າຈຸນຶ່ງໄປຍັງອັຟການີສຖານ ໃນ ອາທິດໜ້ານີ້ ໃນຄວາມຫວັງ
ເພື່ອຈະໄດ້ຮັບການອະນຸມັດຈາກປະທານາທິ ບໍດີຮາມິດ ກາຊາຍ ສໍາລັບການເຈລະຈາ
ສັນຕິພາບກັບກຸ່ມຕາລິບານນັ້ນ.
ໃນຕົ້ນເດືອນນີ້ ກຸ່ມຕາລິບານອັຟການີສຖານກ່າວວ່າ ຕົນໄດ້ບັນລຸຂໍ້ຕົກລົງ ຂັ້ນຕົ້ນເພື່ອ
ເປີດສຳນັກງານການເມືອງຢູ່ທີ່ຄາຕ້າ ໃນການເຄຶ່ອນໄຫວເພື່ອອາດຈະຊ່ວຍອຳນວຍ
ຄວາມສະດວກໃຫ້ການເຈລະຈາກັນນັ້ນ.
ທ່ານ Zabihullah Mujahid ໂຄສົກກຸ່ມຕາລິບານກ່າວໃນຖະແຫລງການວ່າ ກຸ່ມຕາລິ
ບານກໍາລັງຂໍຮ້ອງໃຫ້ປ່ອຍຕົວພວກນັກໂທດ ທີ່ຖືກກັກຂັງຢູ່ສະຖານຄຸມຂັງຂອງສະຫະລັດ
ທີ່ອ່າວກວນຕານະໂມ ປະເທດຄິວບານັ້ນ.
ເມື່ອໝໍ່ໆມານີ້ໄດ້ມີການອ້າງເອົາຄໍາເວົ້າຂອງພວກເຈົ້າໜ້າທີ່ສະຫະລັດ ທີ່ວ່າວໍຊິງຕັນແມ່ນ
ເປີດກວ້າງສຳລັບການເຈລະຈາສັນຕິພາບກັນ ກັບກຸ່ມຕາລິບານ ແລະຂໍ້ຕົກລົງທີ່ອາດເປັນ
ໄປໄດ້ນັ້ນ ອາດຈະໂຮມທັງການມອບໂອນ ພວກນັກໂທດຕາລິບານນຳດ້ວຍ.
