ລິ້ງ ສຳຫລັບເຂົ້າຫາ

logo-print

ປະ​ຊາ​ຊົນ ອັ​ຟ​ກາ​ນິ​ສ​ຖານ ຫຼາຍ​ລ້ານ​ຄົນ ພາ​ກັນ​ອອກ​ໄປ ​ປ່ອ​ນ​ບັດລົງຄະ​ແນນ​ສຽງ


ແມ່​ຍິງ ອັ​ຟ​ກາ​ນິ​ສ​ຖານ ປ່ອນ​ບັດ​ລົງຄະ​ແນນ​ສຽງ​ຂອງ​ລາວ ໃນ​ລະ​ຫວ່າງ ການ​ເລືອກ​ຕັ້ງ​ສະ​ພາ​ແຫ່ງ​ຊາດ ຢູ່​ສະ​ຖານ​ທີ່​ປ່ອນ​ບັດ, ນະ​ຄອນຫຼວງ ກາ​ບູ​ລ, ອັ​ຟ​ກາ​ນິ​ສ​ຖານ. 20 ຕຸ​ລາ, 2018.

ປະ​ຊາ​ຊົນ​ 15 ຄົນ ໄດ້​ເສຍ​ຊີ​ວິດ ແລະ 60 ຄົນ​ ໄດ້​ຮັບ​ບາດ​ໃນ​ວັນ​ເສົາ​ວານນີ້ ເມື່ອ​ມື​
ລະເບີດສະຫຼະຊີບ ໄດ້ພະຍາຍາມເຂົ້າໄປໃນສະຖານທີ່ປ່ອນບັດເລືອກຕັ້ງໃນພາກ
ເໜືອຂອງນະຄອນຫຼວງ ກາບູລ.

8 ຄົນ​ທີ່​ໄດ້​ເສຍ​ຊີ​ວິດ​ນັ້ນ ​ແມ່ນ​ຕຳຫຼວດ ຜູ້​ທີ່​ໄດ້​ຢຸດ​ຜູ້ໂຈມ​ຕີ ​ຢູ່​ດ່ານກວດ​ຄວາມ​ປອດ​
ໄພ ບ່ອນທຳອິດ ບໍ່ດົນກ່ອນຄົນຮ້າຍໄດ້ກົດປຸ່ມລະເບີດ, ອີງຕາມທ່ານ

ນັ​ສ​ຣາ​ທູ​ລ​ລາ ຣາ​ຮີ​ມີ, ໂຄ​ສົກ​ຊ່ວຍ​ວ່າ​ການ ສຳ​ລັບ​ກະ​ຊວງ​ພາຍ​ໃນ ອັ​ຟ​ກາ​ນິ​ສ​ຖານ.

ການ​ເລືອກ​ຕັ້ງ​ສະ​ພາ​ແຫ່ງ​ຊາດ​ໃນວັນ​ເສົາ​ວານນີ້ ​ໃນ ອັ​ຟ​ກາ​ນິ​ສ​ຖານ ມີ​ລາຍ​ງານ​ວ່າ​
ໄດ້ຖືກລົບກວນ ໂດຍການໂຈມຕີຢ່າງກະແຈກກະຈາຍ ຕະຫຼອດວັນດັ່ງກ່າວ, ພ້ອມ
ກັບມີລາຍງານ ກ່ຽວກັບ ປະຊາຊົນຫຼາຍລ້ານຄົນທີ່ລຽນແຖວກັນຍາວຢຽດ ເພື່ອປ່ອນ
ບັດຄະແນນສຽງຂອງເຂົາເຈົ້າ.

ພວກ​ຕາ​ລີ​ບານ ໄດ້​ປະ​ກາດ​ເຕືອນ​ຢ້ຳ​ຫຼາຍ​ຄັ້ງ ກ່ຽວ​ກັບ ການ​ໂຈມ​ຕີ​ຢູ່​ສະ​ຖານ​ທີ່​ປ່ອນ​
ບັດ ແລະ ທຸກໆກິດຈະກຳ ທີ່ກ່ຽວຂ້ອງກັບການເລືອກຕັ້ງ, ແຕ່ແນວໃດກໍຕາມ, ການ
ຂົ່ມຂູ່ຕ່າງໆນັ້ນ ແມ່ນບໍ່ເປັນຕາຢ້ານພໍ ທີ່ຈະເຮັດໃຫ້ຜູ້ມີສິດປ່ອນບັດຫຼາຍຄົນ ບໍ່ກ້າ
ອອກຈາກບ້ານ.

ນາງ ຟາ​ຣີ​ບາ, ຜູ້​ລົງ​ຄະ​ແນນ​ສຽງ​ໃນ​ນະ​ຄອນຫຼວງ ກາ​ບູ​ລ ກ່າວ​ວ່າ “ພວກ​ເຮົາ​ບໍ່​ຢ້ານ​
ການຂົ່ມຂູ່ທັງຫຼາຍນັ້ນ ຍ້ອນວ່າ ພວກເຮົາຢາກສ້າງສາປະເທດຊາດຂອງເຮົາ. ທຸກມື້
ນີ້ ພວກເຮົາຖືກຂົ່ມຂູ່ຫຼາຍຢ່າງ, ແຕ່ພວກເຮົາຍັງມາທີ່ນີ້ ເພື່ອລົງຄະແນນສຽງ.”

ທີມ​ນັກ​ຂ່າວ ວີ​ໂອ​ເອ ໃນ​ທົ່ວ​ປະ​ເທດ​ໄດ້​ລາຍ​ງານ​ວ່າ ​ມີ​ຜູ້​ອອກ​ໄປ​ລົງ​ຄະ​ແນນ​ສຽງ​ຈຳ​
ນວນຫຼາຍ, ຈາກການຕັດສິນຕົວເລກຂອງຜູ້ທີ່ໄປລົງຄະແນນສຽງ ໃນສະຖານທີ່ປ່ອນ
ບັດທັງຫຼາຍນັ້ນ.

ປະ​ທານ​ຂອງ​ຄະ​ນະ​ກຳ​ມາ​ທິ​ການ​ເລືອກ​ຕັ້ງ​ອິດ​ສະຫຼະ ແຫ່ງ ອັ​ຟ​ກາ​ນິ​ສ​ຖານ ທ່ານ
ກູລາຈານ ບາເດ ຊາຢາດ, ກ່າວວ່າ ຮອດຕອນບ່າຍສອງໂມງ ຕາມເວລາໃນທ້ອງຖິ່ນ
ມີຊາວ ອັຟການິສຖານ ຫຼາຍກວ່າ 2 ລ້ານຄົນ ລົງຄະແນນສຽງຢູ່ໃນ 27 ແຂວງ, ຈຳ
ນວນຄົນທີ່ໄປລົງຄະແນນສຽງຫຼາຍສຸດ, ເຊິ່ງແມ່ນ 638,000 ຄະແນນສຽງນັ້ນ, ແມ່ນ
ໃນນະຄອນຫຼວງ ກາບູລ. ເມືອງ ຟາຢັບ ແມ່ນເມືອງທີ່ມີບັດຄະແນນສຽງທີ່ຖືກປ່ອນ
ໜ້ອຍທີ່ສຸດ.

ທ່ານ​ໄດ້​ເວົ້າ​ວ່າ ລາຍ​ງານຈາກ​ຫ້າ​ແຂວງ​ອື່ນໆ, ແມ່ນ​ຍັງ​ບໍ່​ທັນ​ອອກ​ມາ​ເທື່ອ ແລະ ໄດ້​
ສັນຍາວ່າ ຈະໃຫ້ຂໍ້ມູນຕື່ມອີກ ໃນຕອນແລງຂອງວັນເສົາວານນີ້.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG