ລິ້ງ ສຳຫລັບເຂົ້າຫາ

ວັນເສົາ, ໑໓ ກໍລະກົດ ໒໐໒໔

10 ຄົນ ເສຍຊີວິດ ໃນການໂຈມຕີໂຮງແຮມ ທີ່ນະຄອນຫຼວງອັຟການິສຖານ (ເບິ່ງວີດີໂອ)


ຄວັນໄຟແລະແປວໄຟລຸກຂຶ້ນຈາກໂຮງແຮມ InterContinental
ໃນກຸງຄາບູລ ຫລັງຈາກກຸ່ມຕາລີບັນເຂົ້າຍຶດ ໃນຄືນວັນອັງຄານ
ວັນທີ 29 ມິຖຸນາ, 2011
ຄວັນໄຟແລະແປວໄຟລຸກຂຶ້ນຈາກໂຮງແຮມ InterContinental ໃນກຸງຄາບູລ ຫລັງຈາກກຸ່ມຕາລີບັນເຂົ້າຍຶດ ໃນຄືນວັນອັງຄານ ວັນທີ 29 ມິຖຸນາ, 2011

ບັນດາ​ເຈົ້າ​ໜ້າ​ທີ່​ອັຟກາ​ນີສຖານ​ກ່າວ​ວ່າ ພວກ​ພົນລະ​ເຮືອນ​ອັຟກາ​ນີສຖານ 10 ຄົນ​ເສຍ​ຊີວິດ​ໃນ​ຄືນ​ວັນ​ອັງຄານ​ວານ​ນີ້ ​ເວລາ​ພວກ​ຫົວຮຸນ​ແຮງ​ກຸ່ມ​ຕາ​ລີ​ບັນຈຸ​ນຶ່ງ​ທີ່​ປະກອບ​ອາວຸດ
ໜັກ​ບຸກລຸກ​ເຂົ້າ​ໄປ​ໃນ​ໂຮງ​ແຮມ​ທີ່​ຫລູຫລາ​ແຫ່ງ​ນຶ່ງ​ໃນ​ນະຄອນ​ກຸງ​ຄາ​ບູລນັ້ນ.

ບັນດາ​ເຈົ້າ​ໜ້າ​ທີ່​ກ່າວ​ວ່າ ​ການ​ບຸກ​ເຂົ້າ​ຍຶດ​ໂຮງ​ແຮມ InterContinen-tal Hotel ​ເປັນ
ເວລາ 5 ຊົ່ວ​ໂມງ​ຍຸດຕິ​ລົງຫລັງຈາກພວກໂຈມຕີດ້ວຍ ລະເບີດ​ສະລະ​ຊີບ​ທັງ​ໝົດ 8 ຄົນ
ໄດ້​ເສຍ​ຊີວິດ​ໄປ​ດ້ວຍການລະ​ເບີດ​ໂຕ​ເອງ​ຕາຍ​ຫລື​ບໍ່​ກໍ​ຖືກ​ກໍາລັງ​ຮັກສາ​ຄວາມ​ປອດ​ໄພ
ສັງຫານ.

ການ​ໂຈມ​ຕີຊຶ່ງ​ໄດ້​ເຮັດ​ໃຫ້​ຜູ້​ຄົນ 8 ຄົນ​ໄດ້​ຮັບ​ບາດ​ເຈັບ​ໄປ​ເຊ່ນ​ກັນ​ນັ້ນໄດ້​ເກີດ​ຂຶ້ນ​ນຶ່ງມື້
ກ່ອນ​ໄຂ​ກອງ​ປະຊຸມ​ເພື່ອ​ທໍາ​ການ​ໂອ້​ລົມ​ສົນທະນາ​ກັນ​ເລື້ອງ​ການ​ມອບ​ໂອນ​ຄວາມ​ຮັບ
ຜິດຊອບ​ດ້ານ​ຄວາມ​ປອດ​ໄພເທື່ອ​ລະ​ຂັ້ນໆ​ໃນ​ອັຟກາ​ນີສຖານໃຫ້​ແກ່​ກໍາລັງ​ອັຟກາ​ນີສ
ຖານ​ນັ້ນ.

ບັນດາ​ເຈົ້າ​ໜ້າ​ທີ່​ກ່າວ​ວ່າ ພວກ​ທີ່​ເສຍ​ຊີວິດ​ໄປ​ນັ້ນ​ສ່ວນ​ຫລາຍ​ເປັນ​ພະນັກງານ​ໃນ​ໂຮງ
ແຮມ ​ແຕ່​ຢ່າງ​ນ້ອຍ​ມີ​ຕໍາຫລວດ​ອັຟກາ​ນີສຖານ 2 ຄົນ​ຮວມຢູ່​ນໍາ.

ກຸ່ມ​ເນ​ໂຕ້​ກ່າວ​ວ່າ ​ໄດ້​ມີ​ການ​ເອີ້ນ​ຂໍ​ຄວາມ​ຊ່ອຍ​ເຫລືອ​ເຮືອບິນ​ເຮ​ລີກ​ອບ​ເຕີ 2 ລໍາ​ຂອງ
ຕົນໄປຊ່ອຍ ​ແລະ​ໄດ້​ສັງຫານ​ພວກ​ຫົວ​ຮຸນ​ແຮງ 3 ຄົນ​ໃນ​ຈໍານວນ​ພວກ​ຫົວ​ຮຸນ​ແຮງ​ທັງ
ໝົດທີ່​ໄດ້​ພາກັນ​ຂຶ້ນ​ຍຶດຢູ່​ເທິງ​ຫລັງຄາ​ໂຮງ​ແຮມ​ນັ້ນ.

ກຸ່ມ​ຕາ​ລິ​ບັນ​ໄດ້​ອ້າງ​ເອົາ​ຄວາມ​ຮັບຜິດຊອບ​ໃນ​ການ​ໂຈມ​ຕີ​ຄັ້ງ​ນີ້ ​ໂດຍກ່າວ​ວ່າ ພວກຕາ
ລິ​ບັນກຸ່ມ​ນີ້​ແມ່ນ​ແນ​ເປົ້າ​ໝາຍ​ໃສ່​ພວກແຂກຕ່າງປະ​ເທດ. ພວກ​ທີ່​ມາຮ່ວມກອງ​ປະຊຸມວ່າ
ດ້ວຍ​ຄວາມ​ປອດ​ໄພ​ຄັ້ງນີ້​ບາງ​ຄົນ​ໄດ້​ພັກ​ຢູ່​ໂຮງ​ແຮມ​ແຫ່ງ​ດັ່ງກ່າວ.

XS
SM
MD
LG