ລິ້ງ ສຳຫລັບເຂົ້າຫາ

ວັນສຸກ, 12 ສິງຫາ 2022

ພວກກະບົດໂຈມຕີຫ້ອງການ ສປຊ ໃນອັຟການິສຖານ


ກຳລັງຮັກສາຄວາມສະຫງົບອັຟການິສຖານ ຢືນຢູ່ປະຕູທາງເຂົ້າ ສຳນັກງານ ສປຊ ທີ່ເມືອງ Herat ໃກ້ໆກັບຊາກລົດລະເບີດສະລະຊີບ (23 ຕຸລາ 2010)

ເຈົ້າໜ້າທີ່ອົງການສະຫະປະຊາຊາດກ່າວວ່າບໍ່ມີພະນັກງານ
ຂອງສະຫະປະຊາຊາດຄົນໃດ ໄດ້ຮັບອັນຕະລາຍ ໃນການ
ໂຈມຕີດ້ວຍລະເບີດສະລະຊີບ ທີ່ສຳນັກງານອົງການສະຫະ
ປະຊາຊາດໃນພາກຕາເວັນຕົກຂອງອັຟການິສຖານ.

ກຸ່ມທາລີບານໄດ້ອ້າງເອົາຄວາມຮັບຜິດຊອບໃນການໂຈມຕີ
ສຳນັກງານອົງການສະຫະປະຊາຊາດ ທີ່ເມືອງ Herat ໃນ
ວັນເສົາມື້ນີ້ ໂດຍພວກຫົວຮຸນແຮງຢ່າງນ້ອຍ 4 ຄົນ.

ເຈົ້າໜ້າທີ່ສະຫະປະຊາຊາດກ່າວວ່າ ພວກໂຈມຕີດ້ວຍລະ
ເບີດສະລະຊີບຈຳນວນນຶ່ງໄດ້ບີບຄະນວນລະເບີດໃຫ້ແຕກຂຶ້ນ ຊຶ່ງອຳນວຍໃຫ້ພວກກະບົດ
ຄົນອື່ນໆ ໃນຊຸດເຄື່ອງແບບຕຳຫຼວດແລະຜ້າປົກໜ້າສາມາດເຂົ້າໄປຂ້າງໃນຂອງຕຶກສຳນັກ
ງານ. ເຈົ້າໜ້າທີ່ກ່າວວ່າ ພວກຫົວຮຸນແຮງໄດ້ຖືກຂ້າຕາຍໃນການໂຈມຕີຄັ້ງນີ້.

ກຳລັງຮັກສາຄວາມສະຫງົບຂອງອັຟການິສຖານໄດ້ອ້ອມຕຶກອາຄານດັ່ງກ່າວໄວ້.

ໃນປີກາຍນີ້ໄດ້ມີການໂຈມຕີຫຼາຍໆຄັ້ງ ທີ່ແນເປົ້າໝາຍໃສ່ການປະຕິບັດງານຂອງນາໆຊາດ
ທີ່ນະຄອນຫຼວງກາບູລ ຮວມທັງການໂຈມຕີບ້ານພັກ ຂອງອົງການສະຫະປະຊາຊາດ ແລະ
ສະຖານທູດອິນເດຍ.

XS
SM
MD
LG