ຄະນະເຈລະຈາຂອງກຸ່ມຕາລິບານ ໄດ້ໄປຮອດໄປເຖິງ ປາກິສຖານ ຈາກສຳນັກງານທາງ ການເມືອງກຸ່ມຫົວຮຸນແຮງດັ່ງກ່າວໃນ Qatar ເພື່ອພົບປະແບບ “ເປັນການສຳຫຼວດ” ກັບບັນດາເຈົ້າໜ້າທີ່ ໃນນະຄອນ Islamabad ອີງຕາມແຫຼ່ງຂ່າວທາງການທູດ ທີ່ໃຫ້ການຢືນ ຢັນແກ່ VOA ໃນວັນຈັນວານນີ້.
ແຫຼ່ງຂ່າວລະບຸວ່າ ການຢ້ຽມຢາມຂອງຄະນະເຈລະຈາທັງ 3 ຄົນ ຂອງກຸ່ມຕາລິບານ ແມ່ນສ່ວນນຶ່ງຂອງຄວາມພະຍາຍາມ ທີ່ປາກິສຖານໄດ້ດຳເນີນດ້ວຍຄວາມ “ລະມັດລະວັງ” ເພື່ອ ໃຫ້ມີການຟື້ນຟູການເຈລະຈາສັນຕິພາບແລະການສ້າງຄວາມປອງດອງຊາດ.
ການເຄື່ອນໄຫວດັ່ງກ່າວ ໄດ້ມີຂຶ້ນໃນມື້ດຽວກັນ ກັບທີ່ປະທານາທິບໍດີອັຟການິສຖານ ທ່ານ Ashraf Ghani ໄດ້ກ່າວໃນຄຳປາໄສຕໍ່ສະພາແຫ່ງຊາດ ຖິ້ມໂທດໃສ່ປາກິສຖານ ທີ່ບໍ່ກີດ ກັນ ພວກຜູ້ນຳກຸ່ມຕາລິບານ ທີ່ຖືກຕາມລ່າຢູ່ນັ້ນ ໃຊ້ແຜ່ນດິນຂອງຕົນ ໃນການສ້າງຄວາມຮຸນແຮງໃນອັຟການິສຖານ ນັ້ນ.
ຄະນະຜູ້ແທນຂອງກຸ່ມຕາລິບານ ແມ່ນຮວມມີທ່ານ Shahabuddin Dilawar ທ່ານ Jan Muhammad Madni ແລະ Mullah Abbas Akhund. ແຕ່ວ່າເມື່ອ VOA ຕິດຕໍ່ເຂົ້າໄປນັ້ນ ໂຄສົກຂອງກຸ່ມຕາລິບານໄດ້ກ່າວວ່າ ທ່ານບໍ່ໄດ້ຮູ້ເລື້ອງທີ່ວ່າ ຄະນະຜູ້ແທນດັ່ງກ່າວນີ້ໄດ້ເດີນທາງໄປຍັງປາກິສຖານ.
ແຫຼ່ງຂ່າວໄດ້ອະທິບາຍວ່າ ການຢ້ຽມຢາມຂອງຄະນະເຈລະຈາຂອງກຸ່ມຕາລິບານ ນີ້ແມ່ນ “ບາດກ້າວທຳອິດຂອງການທົດລອງ” ຫລັງຈາກປະສົບການທີ່ຜ່ານມາ ເວລາຄວາມພະຍາຍາມຂອງການເລີ້ມຕົ້ນຂັ້ນຕອນການສ້າງຄວາມສັນຕິພາບ ໃນອັຟການິສຖານ ກ່ອນການເຈລະຈາທີ່ຈະມີຂຶ້ນນັ້ນ.
ກຸ່ມຕາລິບານ ຢືນຢັດວ່າ ສຳນັກງານຂອງຕົນໃນນະຄອນ Doha ເມືອງຫຼວງຂອງ Qatar ແລະມັນເປັນອຳນາດຂອງ Mullah Akhtar Mansoor ຜູ້ຕາງໜ້າຂອງຕົນພຽງຜູ້ດຽວເທົ່າ ນັ້ນ ທີ່ຈະສາມາດທຳການເຈລະຈາທາງການເມືອງ ແລະຕິດຕໍ່ກັບບັນດາປະເທດອື່ນໆໄດ້.
ການໄປຮອດໄປເຖິງນະຄອນ Islammabad ໃນວັນຈັນວານນີ້ ຮອງຜູ້ຕາງໜ້າພິ ເສດ ຂອງ ສະຫະລັດ ທີ່ກຳກັບເລື້ອງອັຟການິສຖານແລະປາກິສຖານ ທ່ານ Jonathan Car- penter ໄດ້ຍອມຮັບກ່ຽວກັບລາຍງານຂ່າວວ່າ ບັນດາປະເທດທີ່ກ່ຽວຂ້ອງທີ່ສຳຄັນໄດ້ເພີ້ມ ການດຳເນີນຄວາມພະຍາຍາມ ເພື່ອໃຫ້ມີການຮື້ຟືນການເຈລະຈາສັນຕິພາບຄືນໃໝ່ ເຖິງແມ່ນວ່າ ການໂກດແຄ້ນຢ່າງກວ້າງຂວາງກໍຕາມ ແລະການຮຽກຮ້ອງໃຫ້ປະທາ ນາທິ ບໍດີ Ghani ປະຖິ້ມນະໂຍບາຍ ທີ່ພົວພັນກັບກຸ່ມຕາລິບານ ໃນການເຈລະຈາສັນຕິພາບນັ້ນ.
ກະລຸນາອ່ານຂ່າວນີ້ເພີ້ມຕື່ມເປັນພາສາອັງກິດ
