ລິ້ງ ສຳຫລັບເຂົ້າຫາ

ໜຸ່ມລາວຄົນນຶ່ງ ຮວມຢູ່ນໍາ ທະຫານ Navy SEALs ທີ່ເສຍຊີວິດ

  • ສິງ ບູຣົມມະວົງ

ນາງແສງຈັນ ດວງດາຣາ ແຫ່ງເມືອງ ຊູ ຊິຕີ້ໃຕ້ ຖືຮູບລູກຊາຍ ທ້າວ ຈອນ ດວງດາຣາ, ອະດີດທະຫານໜ່ວຍພິເສດ Navy SEALs ຂອງສະຫະລັດ ທີ່ເສຍຊີວິດພ້ອມກັບເພື່ອນທະຫານສະຫະລັດອີກ 29 ຄົນ ເວລາເຮືອບິນເຮລີຄອບເຕີຂອງເຂົາເຈົ້າ ຖືກຍິງຕົກ ເມື່ອວັນເສົາ ທີ 6 ສິງຫາ 2011 ທີ່ອັຟການິສຖານ.

ຊາວລາວອົບ​ພະຍົບຄອບຄົວນຶ່ງໃນສະຫະລັດກ່າວວ່າ ສະມາຊິກຄົນນຶ່ງຂອງຄອບຄົວ
ພວກເຂົາເຈົ້າຮວມຢູໃນຈໍານວນທະຫານສະຫະລັດ 30 ຄົນ ທີ່ເສຍຊີວິດ​ໃນອາທິດ​
ແລ້ວນີ້ໃນເຫດຍົນເຮລິຄອບເຕີຕົກ ທີ່​ອັຟກາ​ນິສຖານ​ນັ້ນ.

ນາງ ແສງຈັນ ດວງດາຣາ ໄດ້ບອກພວກນັກຂ່າວທີ່ເມືອງ Sioux City ລັດ Nebraska
ວ່າ ນາງໄດ້ຮັບແຈ້ງກ່ຽວກັບການຕາຍຂອງລູກຊາຍຂອງນາງ ໂດຍເຈົ້າໜ້າທີ່ທະຫານ
ເມື່ອວັນເສົາຜ່ານມາ.

ທາວ ຈອນ ດວງດາຣາ
ທາວ ຈອນ ດວງດາຣາ

ນາຍ John ດວງດາຣາ ອາຍຸ 26 ປີ ລູກຊາຍ
ຂອງນາງແສງຈັນ ດວງດາຣາ ເປັນນາຍຈ່າ ສັງ
ກັດຢູ່ໃນໜ່ວຍລົບພິເສດ Navy SEALs ໃນຕໍາ
ແໜ່ງຜູ້ຄຸມໝາ. ນາງ​ແສງ​ຈັນເວົ້າວ່າ ລາວຮອດ
ບໍ່ໄດ້ຮູ້​ເລີຍວ່າ ນາຍຈອນ ລູກຊາຍຂອງນາງ
​ເປັນ​ທະຫານໜ່ວຍລົບພິເສດ SEAL ຂອງ​ກອງ
ທັບ​ເຮືອສະຫະລັດ ແຕ່ວ່າຈອນມັກວຽກທະຫານ
ຂອງລາຫລາຍ ແລະເສຍຊີວິດ​ໃນ​ການ​ປະຕິບັດ
ໜ້າທີ່ ທີ່ລາວໄດ້ເລືອກເອົາ.

ນາງແສງຈັນ ດວງດາຣາ ກ່າວວ່າ ນາງໄດ້ຍົກຍ້າຍເຂົ້າມາຕັ້ງຖິ່ນຖານໃນສະຫະລັດຈາກ
ປະ​ເທດລາວເມື່ອ 31 ປີຜ່ານມາ ແລະມີລູກສີ່ຄົນ ອາ​ໄສຢູ່ໃນສະຫະລັດ. ລູກສາວກົກ
ນາງ ຈັນ Follen ກ່າວວ່າ ຄອບຄົວຂອງລາວ ມີຄວາມພາກພູມໃຈ ກັບການເສຍຊີວິດ
ຂອງຈອນ ທີ່ໄດ້ຕໍ່ສູ້ເພື່ອປະເທດຊາດ ທີ່​ໄດ້​ອ້າ​ແຂນຮັບເອົາ ແລະໃຫ້ຄວາມອົບອຸ່ນແກ່
ຄອບຄົວຂອງ​ນາງ ແລະໄດ້ມອບໂອກາດອັນດີໃຫ້ພວກເຂົາເຈົ້າ ໄດ້ດໍາເນີນຕາມຄວາມ
ຝັນອາເມຣິກັນ ກໍ​ຄື​ສ້າງ​ຖານະ​ໃຫ້​ໝັ້ນຄົງ ມີ​ບ້ານ​ມີ​ເຮືອ​ນຢູ່​ ແລະ​ມີ​ວຽກ​ດີໆເຮັດນັ້ນ.

ພ້ອມ​ນີ້ ວີ​ໂອ​ເອກໍ​ຂໍ​ສະ​ແດງ​ຄວາມ​ເສຍ​ໃຈ ​ແລະ​ເສົ້າ​ສະ​ລົດ​ໃຈມາ​ຍັງ​ຄອບຄົວ​ຂອງ​ນາງ
ແສງ​ຈັນ ດວງ​ດາ​ຣາ ທີ່​ໄດ້ສູນ​ເສຍ​ລູກ​ຊາຍ ທີ່​ເປັນ​ທະຫານ​ຫານ​ຂອງ​ຊາດ​ໄປໃນ​ຄັ້ງ​ນີ້.

XS
SM
MD
LG