ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຊາວອາຟການິສຖານ ພາກັນປະທ້ວງ ເປັນມື້ທີ່ຫ້າ ຍ້ອນມີການຈູດເຜົາ ປື້ມຄໍາພີ Quran (ເບິ່ງວີດີໂອ)


ຊາວອາຟການິສຖານ ພາກັນຈູດຕີນລົດປະທ້ວງຕໍ່ຕ້ານສະຫະລັດອາເມຣິກາ ທີ່ Muhammad Agha, ແຂວງ Logar ທາງໃຕ້ຂອງ Kabul, Afghanistan, ເດືອນກຸມພາ ທີ 25, 2012. ຍ້ອນວ່າມີການຈູດຄໍາພີ Quran ທີ່ຖານທັບ NATO.
ຊາວອາຟການິສຖານ ພາກັນຈູດຕີນລົດປະທ້ວງຕໍ່ຕ້ານສະຫະລັດອາເມຣິກາ ທີ່ Muhammad Agha, ແຂວງ Logar ທາງໃຕ້ຂອງ Kabul, Afghanistan, ເດືອນກຸມພາ ທີ 25, 2012. ຍ້ອນວ່າມີການຈູດຄໍາພີ Quran ທີ່ຖານທັບ NATO.

ໃນ​ວັນ​ເສົາ​ນີ້ ຊາວ​ອາຟກາ​ນິສຖານຈໍານວນ​ຫລາຍ​ຮ້ອຍ​ຄົນຍັງ​ພາກັນທຳ​ການ​ປະ​ທ້ວງ​
ເປັນ​ມື້​ທີ່​ຫ້າລຽນຕິດ ຕໍ່​ການ​ຈູດ​ຄໍາ​ພີ Quran.

ເຈົ້າ​ໜ້າ​ທີ່​ກ່າວ​ວ່າ​ ຢ່າງ​ໜ້ອຍ 24 ຄົນທົ່ວ​ປະ​ເທດ​ໄດ້​ເສຍ​ຊີວິດ ນັບ​ຕັ້ງ​ແຕ່​ວັນ​ພຸດ​ເປັນ​ຕົ້ນ
ມາຮວມ​ທັງ​ທະຫານ​ອາ​ເມ​ຣິກັນສອງ​ຄົນ.

ການ​ຂໍ​ຂະ​ມາ​ໂທດ ​ຂອງສະຫະລັດ ​ກ່ຽວ​ກັບ​ການບໍ່​ໃຫ້​ຄວາມ​ເຄົາລົບປື້​ມຄໍາ​ພີ Quran
ຂອງ​ສາສະໜາ​ອິສລາມ ທີ່​ຖື​ກ​ເຜົາ​ຖີ້ມ ຢູ່ຖານ​ທັບ​ອາກາດ Bagram ຂອງ​ອົງການ​ເນ​ໂຕ້
ນັ້ນ ບໍ່​ສາມາດ​ຊັກ​ຊວນ​ໃຫ້​ປະ ຊາ​ຊົນ​ຈຳນວນ​ນຶ່ງ​ໃນ​ອັຟກາ​ນິສຖານ​ແລະ​ປາ​ກິ​ສຖານ ທີ່
ເປັນ​ເ​ພື່ອນ ບ້ານ ຫງຽບ​ສະ​ງົບ​ລົງ​ໄດ້.

ພວກ​ປະ​ທ້ວງທີ່​ພາກັນ​ຮ້ອງ​ໂຮ​ຕໍ່ຕ້ານອາ​ເມ​ຣິກາ ໄດ້ເດີນ​ຂະ​ບວນໃນ​ວັນ​ສຸກວານ​ນີ້ ທີ່​
ນະຄອນຫລວງ​ Islamabad ຂອງ​ປາ​ກິ​ສຖານ ​ແລະ​ທີ່ເມືອງ Peshawa ​ໃນ​ພາກ​ຕາ​ເວັນ​
ຕົກ​ສຽງ​ເໜືອ​ຂອງ​ປະ​ເທດ​ດັ່ງ ກ່າວ.

ການ​ເດີນ​ຂ​ະບວນປະ​ທ້ວງ​ຢູ່ໃນອາ​ຟກາ​ນິສຖານ ຍັງ​ດໍາ​ເນີນ​ຕໍ່​ໄປເຖິງ​ແມ່ນ​ວ່າໄດ້ມີ​ການ​
ຮ້ອງຂໍ​ໃຫ້​ຢັບ​ຍັ້ງຈາກ NATO ​ແລະ​ເຈົ້າ​ໜ້າ​ທີ່​ຂອງ ອາຟກາ​ນິສຖານ. ​ໃນ​ວັນພ​ະຫັດ​ຜ່ານ​
ມາ ກຸ່​ມ Taliban ​ໄດ້ອອກ​ຖະແຫຼງການ​ສະບັບ​ນຶ່ງຮຽກຮ້ອງໃຫ້​ຊາວ​ອາ​ຟກາ​ນິສຖານ
ພາກັນ​ໂຈມ​ຕີ​ເປົ້າ​ໝາຍ​ຕ່າງໆ​ຂອງ​ຊາວ​ຕ່າງ​ດ້າວ ​ເພື່ອ​ເປັນ​ການ​ຕອບ​ໂຕ້​ຕໍ່​ການຈູດ​ເຜົາ
ຄໍາ​ພີ Quran.

ໃນ​ວັນ​ສຸກວານ​ນີ້ ຜູ້ບັນຊາ​ການ​ກອງທັບ​ສະຫະລັດ ​ແລະກໍາລັງ NATO ທີ່​ອາ​ຟກາ​ນິສ
ຖານ ນາຍ​ພົນ John Allen ​ກ່າວ​ວ່າຄະນະ​ສືບສວນ​ຮ່ວມ​ຂອງ​ກຳລັງ​ປະສົມ ແລະ​ອັຟກາ
ນິສຖານ ຍັງ​ສືບ​ຕໍ່​ດຳ​ເນີນ​ການສືບສວນ​ເບິ່ງ “ຄວາມ​ພິດ​ພາດກ່ຽວ​ກັບ​ການ​ຈູດ​ເຜົາເອກ​
ກະສາ​ນສາສະໜາ” ທີ່​ຖານ​ທັບ Bagram​ ​ໂດຍ​ມີ​ການ​ສໍາພາດ​ຜູ້​ເຫັນ​ເຫດການ​ໃນ​ມື້​ວັນ​
ອາທິດທີ່​ຜ່ານ​ມາ.

ປະທານາທິບໍດີ ສະຫະລັດ​ ທ່ານ ບາຣັກ ​ໂອ​ບາ​ມາ ​ໄດ້​ຂໍ​ຂະ​ມາໂທດຢ່າງ​ເປັນ​ລາຍ​ລັກ​ອັກ
ສອນໄປ​ຍັງປະທານາທິບໍດີ ອັຟກາ​ນິສຖານ ທ່ານ Hamid Karzai. ​ໃນ​ວັນ​ພຸດຜ່ານ​ມາ
ປະທານາທິບໍດີ Kazai ​ໄດ້​ຂໍ​ຮ້ອງ​ໃຫ້​ຢູ່​ໃນຄວາມສ​ະຫງົບ ຊຶ່ງທ່ານ​ກ່າວ​ວ່າປະ​ຊາ​ຊົນ​ມີສິດ
ທິ​ໃນ​ການ​ປະ​ທ້ວງ ​ແຕ່​ວ່າ​ບໍ່​ຄວນໃຊ້​ວິທີ​ການ​ທີ່​ຮຸນ​ແຮງ.

ຄະນະຜູ້ຕາງໜ້າ​ພິ​ເສດ​ທີ່​ຖືກ​ແຕ່ງ​ຕັ້ງ ຂອງອາຟກາ​ນິສຖານ ​ເພື່ອສືບ​ສວນເບິ່ງເຫດການ​
ດັ່ງກ່າວໄດ້​ພາກັນ​ຂໍ​ຮ້ອງ​ໃຫ້​ຊາວ​ອາ​ຟກາ​ນິສຖານ ​ເຊ່​ນດຽວ​ກັນ​ ​ໃນ​ການ​ຫລີກ​ລ້ຽງ​ການ
ປະ​ທ້ວງ.

XS
SM
MD
LG