ບັນດາເຈົ້າໜ້າທີ່ສາທາລະນະສຸກປະຈຳແຂວງໃນອັຟການິສຖານ ກ່າວຫາພວກກະ
ບົດວ່າແຊກແຊງການປະຕິບັດງານສັກຢາປ້ອງກັນໃຫ້ແກ່ພວກເດັກນ້ອຍ ເພື່ອຕ້ານ
ໄວຣັສໂປລິໂອ ຫຼືໂຣກເປ້ຍລ່ອຍ ຢູ່ແຂວງຟາຣາ ທາງພວກຕາເວັນຕົກຂອງປະເທດ.
ທ່ານອັບດຸນ ຈາບາຣ ຊາເຢັກ ຫົວໜ້າກະຊວງສາທາລະນະສຸກປະຈຳແຂວງ ຟາຣາ
ໄດ້ມີຄວາມເປັນຫ່ວງວ່າ ພວກກໍ່ການຮ້າຍຕາລິບານ ກຳລັງຂັດຂວາງຄວາມພະຍາ
ຍາມສັກຢາປ້ອງກັນດັ່ງກ່າວ ຢູ່ໃນບັນດາເຂດທີ່ບໍ່ມີຄວາມປອດໄພຂອງແຂວງ ໂດຍ
ສັ່ງການວ່າ ການສັກຢາປ້ອງກັນນຳອອກປະຕິບັດໄດ້ ໂດຍພວກທີ່ເຂົາເຈົ້າແຕ່ງຕັ້ງ.
ທ່ານຊາເຢັກ ກ່າວຕໍ່ ວີໂອເອ ວ່າ “ພວກກໍ່ການຮ້າຍຕາລິບານຕິດອາວຸດ ບໍ່ຮັບເອົາ
ພື້ນຖານຂອງພວກເຮົາ ແລະຊຸກຍູ້ໃຫ້ຮັບເອົາສະພາບການຂອງເຂົາເຈົ້າ ໃນຄວາມ
ພະຍາຍາມທີ່ຈະຄວບຄຸມການດຳເນີນການສັກຢາປ້ອງກັນ. ເຂົາເຈົ້າບໍ່ອະນຸຍາດໃຫ້
ໂຄສະນາສັກຢາປ້ອງກັນເພື່ອນຳໃຊ້ຢ່າງເປັນອິດສະຫຼະ.”
ທ່ານກ່າວເພີ້ມອີກວ່າ “ເຂົາເຈົ້າແນະນຳຄົນເຂົາເຈົ້າເອງ ໃຫ້ເປັນຜູ້ສັກຢາປ້ອງກັນ
ແລະເວລາພວກເຮົາຮັບເອົາການຮຽກຮ້ອງຂອງເຂົາເຈົ້າ ມັນກໍເລີ້ມເປັນເລື່ອງບໍ່ພໍໃຈ
ແລະຫລຸດຄຸນນະພາບໃນການບໍລິຫານຂອງພວກເຮົາ.”
ທ່ານຊາເຢັກກ່າວວ່າ ພວກກໍ່ການຮ້າຍຕາລິບານບໍ່ເຫັນພ້ອມໂດຍກົງກັບການເຜີຍ
ແພ່ເລື້ອງສັກຢາປ້ອງກັນ ແລະໄດ້ເຮັດໃຫ້ຫຍຸ້ງຍາກແກ່ບັນດາຜູ້ສັກຢາປ້ອງກັນ ໃນ
ການປະຕິບັດງານຂອງເຂົາເຈົ້າໃຫ້ເໜາະສົມ ແລະອີງຕາມພື້ນຖານຂອງສາກົນ.
ອ່ານຂ່າວນີ້ເພີ້ມເປັນພາສາອັງກິດ
