ປະທານາທິບໍດີຄົນໃໝ່ອັຟການິສຖານ ທ່ານ Ashraf Ghani
ເດີນທາງໄປຕ່າງປະເທດເປັນຄັ້ງທຳອິດນັບຕັ້ງແຕ່ໄດ້ເຂົ້າຮັບ
ຕຳແໜ່ງ ໂດຍປະຕິບັດຕາມຄໍາ ໝັ້ນສັນຍາທີ່ຈະໄປສະແຫວງ
ບຸນ ຢູ່ຊາອຸດີ ອາຣາເບຍ.
ທຳນຽບຂອງທ່ານ Ghani ກ່າວຢູ່ໃນຖະແຫລງການສະບັບນຶ່ງ
ໃນວັນເສົາມື້ນີ້ວ່າ ທ່ານຈະໄປສະແຫວງບຸນຢູ່ເມືອງ Mecca ທີ່
ສາມາດປະຕິບັດໄດ້ທຸກເວລາໃນຕະຫລອດປີ ທີ່ເອີ້ນກັນວ່າ
Umrah ນັ້ນ.
ປະທານາທິບໍດີອັຟການິສຖານ ຍັງຈະພົບປະກັບກະສັດ
Abdullah ແລະບັນ ດາເຈົ້າໜ້າທີ່ອື່ນໆ ໃນລະຫວ່າງການຢ້ຽມຢາມ ຊາອຸດີ ອາຣາເບຍ.
ທ່ານ Ghani ໄດ້ໃຫ້ຄຳໝັ້ນສັນຍາ ໃນລະຫວ່າງ ພິທີສາບານໂຕ ເຂົ້າຮັບຕຳແໜ່ງຂອງທ່ານວ່າ ການເດີນທາງໄປຢ້ຽມຢາມຕ່າງປະເທດເທື່ອທຳອິດໃນນາມຂອງທ່ານ ຈະແມ່ນ ການໄປສະແຫວງບຸນ ຢູ່ຊາອຸດີ ອາຣາເບຍ.
ການໄປສະແຫວງບຸນ Umrah ຊຶ່ງບາງຄັ້ງ ຮູ້ກັນໃນຖານະການ “ສະແຫວງບຸນທີ່ມີຄວາມ
ສຳຄັນຫລຸດລົງມາ” ເມື່ອປຽບທຽບໃສ່ການສະແຫວງບຸນ Hajj ຊຶ່ງ ເປັນການໄປສະແຫວງ
ບຸນປະຈຳ ປີຂອງສາສະໜາອິສລາມ.
ນີ້ເປັນການຢ້ຽມຢາມ ທີ່ແຕ່ລະຄົນຕ້ອງປະຕິບັດເທື່ອນຶ່ງໃນຊີວິດ ຢູ່ທີ່ວັດໃຫຍ່ ສາສະໜາ
ອິສລາມ ຢູ່ເມືອງ Mecca ນອກເໜືອກຳນົດເວລາ ໃນການໄປສະແຫວງບຸນໃຫຍ່ປະຈຳປີ
Hajj.
ຄຳວ່າ “Umrah” ໝາຍຄວາມວ່າ ການໄປຢ້ຽມຢາມສະຖານທີ່ໆສຳຄັນ.
