ຕຳຫຼວດ ອັຟການິສຖານ ແລະ ຊາວບ້ານ ປະທະກັນ ຢູ່ບ່ອນ ເກີດດິນເຈື່ອນ (ວີດີໂອ/ສະໄລດ໌)

ຕຳຫລວດ​ອັ​ຟກາ​ນິສຖານ ຍິງ​ປືນ​ຂື້ນ​ຟ້າໃນ​ວັນ​ອັງຄານ​ວານ​ນີ້ ​
ເພື່ອ​ຂັບໄລ່​ພວກຊາວ​ບ້ານທີ່​ພາກັນ​ຮ້ອງ​ຂໍ​ການ​ຊ່ວຍ​ເຫລືອ​ ຢູ່
​ໃນບ່ອນທີ່​ເກີດ​ດິນ​ເຈື່ອນ​ຮ້າຍ​ແຮງ ​ທາງ​ພາກ​ຕາ​ເວັນ​ອອກສຽງ
​ເໜືອຂອງອັຟກາ​ນິສຖານນັ້ນ.

ພວກ​ເຈົ້າ​ໜ້າ​ທີ່​ກ່າວ​ວ່າ ບໍ່​ມີໃຜ​ໄດ້​ຮັບ​ບາດ​ເຈັບ​ເວລາ​ຫລາຍໆ​
ຄົນ​ ພາກັນ​ແລ່ນໄປ​ຫາ​ລົດ​ຂົນ​ສົ່ງ ທີ່​ນຳ​ເອົາ​ການຊ່ວຍເຫຼືອສຸກ​
ເສີນໄປ​ໃຫ້​ແກ່ພວກ​ທີ່ໄດ້​ຮັບ​ເຄາະຮ້າຍຈາກ​ເຫດດິນເຈື່ອນ​ໃນ​
ອາທິດ​ແລ້ວ​ນີ້.

ຫລາຍ​ຮ້ອຍ​ຄົນ​ໃນບ້ານ Abi Barik ​ໃນ​ແຂວງ Badakhshan ​
ໄດ້​ຖືກດິນທີ່ ເຈື່ອນລົງມາ​ຖົມ​ ເວລາ​ເບື້ອງ​ນຶ່ງ​ຂອງ​ພູ​ໄດ້​ພັງ​ລົງ​ມາຫລັງ​ຈາກ​ມີ​ຝົນຕົກໜັກ​ ມາ​ໄດ້​ຫລາຍ​ມື້.

ຢ່າງ​ໜ້ອຍ 2,000 ຄົນ​ບໍ່​ມີ​ທີ່ຢູ່​ອາໄສ ຍ້ອນ​ໄພ​ທຳ​ມະ​ຊາດ​ທີ່ຮ້າຍ​ແຮງທີ່​ສຸດຄັ້ງນຶ່ງເທົ່າທີ່ເຄີຍ ມີມາ ຢູ່ໃນອັຟກາ​ນິສຖານ.

ບັນດາ​ເຈົ້າ​ໜ້າ​ທີ່ກຳລັງ​ດິ້ນລົນ ໃນການຈັດສົ່ງ​ການ​ຊ່ວຍ​ເຫຼືອ​ໄປ​ສູ່ເມືອງ Argo ທີ່
ສອກຫລີກຫ່າງໄກ. ສະພາບ​ການຄວາມ​ເຄັ່ງຕຶງແມ່ນມີ​ສູງ ​ໃນ​ຂະນະ​ທີ່​ຜູ້​ເຫັນ​ເຫ​ດ
ການ​ຈຳນວນ​ນຶ່ງກ່າວ​ວ່າ ພວກ​ຊາວບ້ານ​ທີ່ຢູ່​ໃກ້​ຄຽງ​ໄດ້​ພາກັນ​ເດີີນທາງ​ໄປ​ຍັງ
ເມືອງດັ່ງກ່າວ ເພື່ອຮັບເອົາການ​ແຈກ​ຢາຍ​ອາຫານ ​ແລະ​ເຄື່ອງຂອງ​ຕ່າງໆ.

ຮອງຜູ້ອຳນວຍການ ອົງການ​ຄຸ້ມຄອງໄພພິບັດ​ອັຟກາ​ນິສຖານ ທ່ານ Moham-
mad Aslam Syass ກ່າວ​ຕໍ່ວີ​ໂອ​ເອ ພະ​ແນ​ກພາສາອັຟກາ​ນິສຖານ​ວ່າ ​ເຖິງ​ແມ່ນ​
ວ່າ ບັນດາ​ທີມງານ​ຊ່ວຍ​ເຫຼືອໄດ້ໄປຮອດບ່ອນ​ເກີດ​ເຫດແລ້ວກໍຕາມ “ພວກ​ເຮົາ​ຍັງ
ປະ​ເຊີນ​ໜ້າ​ກັບ​ບັນຫາ​ຫລາຍ​ຢ່າງ ​ແລະ​ຄວາມ​ຍາກ​ລຳບາກ ​ໃນ​ການຄຸ້ມ​ຄອງ ​ແລະ​
ແຈກ​ຢາຍ​ການຊ່ວຍເຫຼືອ ​ໃນ​ເວລາ​ນີ້ ​ແລະ​ຈົນເທົ່າໂສກ​ນາດຕະກຳ ອັນ​ໃຫຍ່​ຄັ້ງ​ນີ້ ສິ້ນສຸດລົງ.”