ບັນດາເຈົ້າໜ້າທີ່ກ່າວໃນວັນພຸດວານນີ້ວ່າ ເຫດຫິມະເຈື່ອນຢູ່ໃນ
ອັຟການິສຖານ ເຮັດໃຫ້ມີຜູ້ເສຍຊີວິດ ຢ່າງນ້ອຍ 100 ຄົນ ໂດຍ
ທີ່ຄາດກັນ ວ່າ ຈຳນວນຂອງຜູ້ເສຍຊີວິດ ຈະເພີ້ມຂຶ້ນຕື່ມ.
ພາຍຸລະດູໜາວຫຼາຍຫົວໄດ້ພັດຖະລົ່ມຢ່າງໜັກ ຕໍ່ແຂວງ
Panjshir ຊຶ່ງເປັນເຂດພູດອຍ ທາງພາກເໜືອຂອງນະຄອນ
ຫລວງ Kabul.
ໃນການໃຫ້ສຳພາດ ແກ່ອົງການຂ່າວ Reuters ທ່ານ Abdul
Rahman Kabiri ຜູ້ຮັກສາການ ເຈົ້າແຂວງໆ Panjshir ເວົ້າວ່າ
“ພວກເຮົາບໍ່ເຄີຍເຫັນຫິມະຫຼາຍປານນີ້ ຫຼືເຫດການຫິມະ
ເຈື່ອນຫຼາຍປານນີ້ມາກ່ອນ ໃນຮອບ 30 ປີທີ່ຜ່ານມາ ຖ້າລັດຖະບານກາງ ຫາກ
ບໍ່ສະໜອງການຊ່ວຍເຫຼືອ ທາງດ້ານມະນຸດສະທຳ ເຊັ່ນ ເຄື່ອງຈັກ ແລະ ອາຫານ
ໂດຍດ່ວນແລ້ວອັນນີ້ຈະກາຍເປັນໄພພິບັດ.”
ພາຍຸຫຼາຍຫົວ ມີຂຶ້ນຫຼັງຈາກ ທີ່ໄດ້ມີລະດູໜາວ ບໍ່ມີຫິມະຕົກເລີຍ ຢູ່ ໃນອັຟການິສຖານປີນີ້.
