ລິ້ງ ສຳຫລັບເຂົ້າຫາ

logo-print

​ຜູ້​ນຳ ​ຂອງອັ​ຟ​ກາ​ນິ​ສ​ຖານ ທ່ານ​ອັບ​ດູ​ລ​ລາ ກ່າວ​ເຖິງ​ມູມມອງ ​ເຖິງ​ສັນ​ຕິ​ພາບ​ ໃນ​ຂົງ​ເຂດ


​​ຫົວ​ໜ້າ​ບໍ​ລິ​ຫານ​ຂອງອັ​ຟ​ກາ​ນິ​ສ​ຖານ ທ່ານ​ອັບ​ດູ​ລ​ລາ ອັບ​ດູ​ລ​ລາ ຖ່າຍ​ທີ່​ນະ​ຄອນ​ລອນດອນ, 7 ພຶດ​ສະ​ພາ 2018.

ຫົວ​ໜ້າ​ບໍ​ລິ​ຫານ​ຂອງອັ​ຟ​ກາ​ນິ​ສ​ຖານ ທ່ານ​ອັບ​ດູ​ລ​ລາ ອັບ​ດູ​ລ​ລາ ​ໃນ​ສັບ​ປະ​ດາ​ແລ້ວ​ນີ້
​ໄດ້ຮຽກ​ຮ້ອງ​ຕໍ່​ອົງ​ການ​ສະ​ຫະ​ປະ​ຊາ​ຊາດ ແລະ​ບັນ​ດາ​ປະ​ເທດ​ທັງ​ຫຼາຍ​ຂອງ​ໂລກ
ໃຫ້​ຊ່ອຍ​ປະ​ເທດ​ຂອງ​ເພິ່ນ​ຫລຸດ​ພົ້ນ​ຈາກ “ຄວາມ​ຮຸນ​ແຮງ​ຮອບໃໝ່” ຫຼັງ​ຈາກ​ທີ່​ໄດ້​ເກີດ​
ຄວາມ​ບໍ່​ສະ​ງົບ ​ນານກວ່າ 4 ທົດ​ສະ​ວັດ.

ໃນ​ການ​ກ່າວຄຳ​ປາ​ໄສ​ຕໍ່​ກອງ​ປະ​ຊຸມ​ສະ​ມັດ​ຊາ​ໃຫ​ຍ່ອົງ​ການ​ສະ​ຫະ​ປະ​ຊາ​ຊາດ
ໃນ​ນະ​ຄອນນິວ​ຢອກ ທ່ານ​ໄດ້​ກ່າວ​ວ່າ ໃນ​ຮອບ​ປີ​ທີ່​ຜ່ານ​ມາ ອັ​ຟ​ກາ​ນິ​ສ​ຖານ ໄດ້
“ເປີດ​ໜ້າ​ໃໝ່​ແລະ​ໄດ້​ສະ​ແດງ​ຕໍ່ກຸ່ມ​ຕາ​ລີ​ບານ ແບບ​ທີ່​ບໍ່​ເຄີຍ​ມີ​ມາ​ກ່ອນໃ​ຫ້ເຂົ້າ​ເປັນ​
ພາກ​ສ່ວນ​ທີ່​ໜ້າ​ເຊື່ອ​ຖື ​ຂອງ​ຂັ້ນ​ຕອນ​ສັນ​ຕິພາບ​ທີ່ອັ​ຟ​ນາ​ນິ​ສ​ຖານ​ເປັນ​ເຈົ້າ​ຂອງ
ແລະເປັ​ນ​ຜູ້ນຳ​ພາ​.”

ທ່ານ​ອັບ​ດູ​ລ​ລາ ໄດ້​ກ່າວ​ວ່າ ອັ​ຟ​ນາ​ນິ​ສ​ຖານ ແມ່ນ​ສະ​ແຫວງ​ຫາ​ການ​ພົວ​ພັນ​ກັບ​ປະ​ເທດ
​ເພື່ອນ​ບ້ານ ເພື່ອ​ໃຫ້​ບັນ​ລຸ​ສັນ​ຕິ​ພາບແລະ​ສະ​ຖ​ບຽນ​ລະ​ພາບຢູ່ໃນ​ຂົງ​ເຂດ.

“ປະ​ຊາ​ຊົນ​ຂອງ​ພວກ​ເຮົາ. ພວກ​ຊຶ່ງ​ບໍ່​ເປັນ​ໄພ​ອັນ​ຕະ​ລາຍ​ກັບ​ຜູ້​ໃດ, ແມ່ນ​ຮຽກ​ຮ້ອງ
ໃຫ້​ມີ​ການ​ປ່ຽນ​ແປ​ງ​ຂັ້ນ​ພື້ນ​ຖານ ບ່ອນ​ທີ່​ພວກ​ເຂົາ​ສາ​ມາດ​ທີ່​ຈະ​ຫຼິ້ນ​ບົດ​ບາດ​ໃນ​ທາງ
ບວກ​ແລະ​ການຮ່ວມມື​” ​
ຢູ່ໃນ​ຂົງ​ເຂດ ນັ້ນ​ຄື​ຄຳ​ເວົ້າ​ຂອງທ່ານ​ອັບ​ດູ​ລ​ລາ ​ທີ່ໄດ້​ກ່າວ​ໄວ້.

ທ່ານ​ໄດ້​ກ່າວ​ອະ​ທິ​ບາຍ​ເພີ້ມ​ຕື່​ມ ກ່ຽວ​ກັບບັນ​ຫາທັງ​ຫຼາຍ ໃນ​ການ​ໃຫ້​ສຳພາດ
ກັບ​ວີ​ໂອ​ເອ ພະ​ແນກ​ພາ​ສາອັ​ຟ​ນາ​ນິ​ສ​ຖານ.

“ສິ່ງ​ໃດ​ກໍ​ຕາມ ທີ່​ເປັນ​ຜົນ​ກະ​ທົບ​ໃນ​ທາງ​ລົບ ຕໍ່​ສະ​ຖຽນ​ລະ​ພາບ​ຂອງ​ຂົງ​ເຂດ, ມັນ​ຈະ
ມີ​ຜົນ​ກະ​ທົບຕໍ່ອັ​ຟ​ນາ​ນິ​ສ​ຖານ,”
ຊຶ່ງ​ທ່ານ​ອັບ​ດູ​ລ​ລາໄດ້​ກ່າວ​ກ່ຽວ​ກັບ​ການ ແກ້​ໄຂ
ຄວາມ​ຕຶງ​ຄຽດ​ລະ​ຫວ່າງ​ສະ​ຫະ​ລັດກັບ​ອີ​ຣ່ານ ທີ່​ເປັນ​ປະ​ເທດ​ເພື່ອນ​ບ້ານຂອງ​ອັ​ຟ​ກາ
​ນິ​ສ​ຖານ​ທາງ​ທິດ​ຕາ​ເວັນ​ຕົກ. ທ່ານ​ອັບ​ດູ​ລ​ລາ ໄດ້​ກ່າວ​ຕື່ມ​ວ່າ “ພວກ​ເຮົາ​ມີ​ພວກ​ອົບ
ພະ​ຍົບ​ຫຼາຍ​ລ້ານ​ຄົນ ໃນ​ອີ​ຣ່ານ, ພວກ​ເຮົາ​ມີ​ສາຍ​ພົວ​ພັນ​ທາງການ​ຄ້າ”
ພ້ອມດ​ຽວ​ກັນ
​ກັບສາຍ​ພົວ​ພັນ​ທາງ​ປະຫວັດ​ສາດ.

​ທ່ານ​ກ່າວ​ຕື່ມ​ວ່າ “ບາງ​ຂົງ​ເຂດ ທີ່ພວກ​ເຮົາມີ​ຄວາມ​ເປັນ​ຫ່ວງ​ເປັນ​ໃຍ​, ພວກ​ເຮົາໄດ້
ນຳ​ຂຶ້ນ​ມາ​ກັບ​ຄູ່​ພາ​ຄີ​ຂອງ​ພວກ​ເຮົາ ຊຶ່ງ​ຮວມ​ທັງ​ສະ​ຫະ​ລັດ​ອາ​ເມ​ຣິ​ກາກ”

ແຕ່​ວ່າ ທ່ານ​ອັບ​ດູ​ລ​ລາ ​ບໍ່ມີ​ຄວາມ​ໝັ້ນ​ໃຈປານ​ໃດ ​ເວ​ລາທ່ານ​ກ່າວ​ເຖິງ​ສາຍ​ພົວ​ພັນ
​ອັ​ຟ​ກາ​ນິ​ສ​ຖານ ກັບ​ປາ​ກິ​ສ​ຖານ ປະ​ເທດ​ເພື່ອນ​ບ້ານ​ທາງ​ພາກ​ຕາ​ເວັນ​ອອກ ນັ້ນ.

ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG