ລິ້ງ ສຳຫລັບເຂົ້າຫາ

ລ່າມ​ແປ​ພາສາ​ ຊາວອັຟກາ​ນິສຖານ ຈະ​ໄດ້​ຮັບ​ ວີຊ່າ ໄປຢູ່ ອັງກິດ


ນາຍົກລັດຖະມົນຕີອັງກິດ David Cameron
ລັດ​ຖະບານ​ຂອງ​ອັງກິດ ກ່າວ​ວ່າ ລ່າມ​ແປ​ພາສາ​ຊາວອັຟກາ​ນີສຖານ ປະມານ 600 ຄົນ ທີ່​ໄດ້​ເຮັດ​ວຽກ​ກັບ​ກອງ​ທະຫານ​ອັງກິດ ​ໃນອັຟກາ​ນີສຖານນັ້ນ ຈະ​ໄດ້​ຮັບ​ອະນຸ​ຍາດ​ໃຫ້ໄປ​ຕັ້ງ​ຖິ່ນຖານ​ໃນ​ອັງກິດ​ໄດ້.

ພາຍ​ໃຕ້​ຂໍ້​ສະ​ເໜີ​ດັ່ງກ່າວ​ນີ້ ບັນດາລ່າມ​ທີ່​ເຮັດ​ວຽກ ແປ​ພາສາ​ໃຫ້​ທະຫານ​ອັງກິດ ​ຢູ່ແນວ​ໜ້າ​ຢ່າງ​ນ້ອຍ 1 ປີ ​ແລະ​ຄອບຄົວ​ຂອງ​ພວກ​ເຂົາ​ເຈົ້າ​ ຈະ​ໄດ້​ຮັບ​ວິຊ່າ 5 ປີ ພ້ອມ​ທັງ​ການຊ່ອຍ​ເຫຼືອ​ໃນ​ການ​ຍົກຍ້າຍ ຕັ້ງ​ບ້ານ​ເຮືອນ​ໃໝ່ ​ແລະ​ຊອກຫາເຮັດ​ວຽກ​ງານ​ທໍາ​ ຢູ່​ໃນ​ອັງກິດ.

ບັນດານາຍ​ພາສາ​ເວົ້າ​ວ່າ ພວກ​ເຂົາ​ເຈົ້າປະ​ເຊີນ​ກັບ​ໄພ​ຂົ່ມ​ຂູ່ຂອງ​ການ​ຖືກໂຈມ​ຕີ​ ​ໂດຍກຸ່ມ Taliban ​ໃນ​ບ້ານ​ເກີດ​ເມືອງ​ນອນ​ຂອງ​ພວກ​ເຂົາ​ເຈົ້າ ​ເພາະວຽກ​ງານ​ທີ່​ພວກ​ເຂົ້າ​ເຈົ້າເຮັດ ກັບກອງ​ກໍາລັງ​ຕ່າງ​ຊາດນັ້ນ.

ສ່ວນ​ພວກນາຍ​ພາສາ ​ທີ່​ມີ​ເງື່ອນ​ໄຂແຕ່​ປະສົງ​ຢາກ​ຈະ​ຢູ່​ທີ່ອັຟກາ​ນີສຖານນັ້ນ​ ກໍຈະ​ໄດ້​ຮັບ
ການ​ຊ່ວຍເຫລືອ​ດ້ານການ​ຝຶກ​ອົບຮົມ​ແລະ​ການ​ສຶກສາ ​ເປັນ​ເວລາ 5 ປີ ນອກຈາກ​ເງິນ​ເດືອນ​ປະ​ຈໍາ.

​ເຈົ້າໜ້າ​ທີ່ທ່ານ​ນຶ່ງ​ ທີ່​ຫ້ອງ​ວ່າການນາຍົກລັດຖະມົນຕີອັງກິດ ​ທີ່ເອີ້ນ​ກັນ​ວ່າ 10 Downing Street ​ຫລື​ບ້ານ​ເລກທີ 10 ຖະໜົນ​ດາວ​ນິງ ນັ້ນ ​ເວົ້າ​ວ່າ ນາຍົກລັດຖະ ມົນຕີ David Cameron ໄດ້ກ່າວ​ອອກ​ມາ​ຢ່າງ​ແຈ່ມແຈ້ງວ່າ “ພວກເຮົາ ບໍ່ຄວນ​ທີ່​ຈະຫັນຫຼັງໃຫ້ແກ່ ພວກທີ່ຮ່ວມເດີນທາງສ່ຽງ​ຊີວິດ ໄປກັບບັນດາເຫຼົ່າທະຫານ ຂອງ ພວກເຮົາ.”
XS
SM
MD
LG