ລັດຖບານອັຟການິສຖານກຳລັງມ້ວນທ້າຍຂໍ້ຕົກລົງກັບ ສະມາຊິກປະເທດຢູໂຣບ ແລະ ສະຫະພາບຢູໂຣບ ເພື່ອຮັບມືກັບການກັບຄືນຂອງອົບພະຍົບອັຟການິສຖານ ຊຶ່ງປັດຈຸ
ບັນນີ້ຄ້າງຢູ່ກຣິສນັ້ນ.
ລາຍລະອຽດທັງໝົດຂອງເອກກະສານເຂົ້າໃນກັນ ຍັງບໍ່ທັນໄດ້ປະ ກາດ ແຕ່ບັນດາເຈົ້າ ໜ້າທີ່ອັຟການິສຖານ ໄດ້ກ່າວຕໍ່ ວີໂອເອ ວ່າ ລັດຖະບານອັຟການິສຖານ ຈະຊອກຫາ ການສະໜັບສະໜູນຈາກສະຫະພາບຢູໂຣບ ຮ່ວມທັງການສະໜັບສະໜູນດ້ານການເງິນ ເພື່ອຮັບມືກັບວິກິດການດັ່ງກ່າວ.
ໂຄສົກກະຊວງອົບພະຍົບ ແລະການສົ່ງຄົນກັບຄືນ ກ່າວວ່າ “ພວກເຮົາໄດ້ໂອ້ລົມກັບ ບັນດາຄູ່ຕຳແໜ່ງຢູໂຣບ ແລະໄດ້ຕັ້ງກຳມະການເທັກນິກຮ່ວມ ທີ່ປະກອບດ້ວຍອົງການ ຈັດຕັ້ງຕ່າງໆ ແລະຫຼາຍກະຊ່ວງເພື່ອຊອກຫາການແກ້ໄຂບັນຫາ.”
“ອັຟການິສຖານ ໄດ້ຕັ້ງເງື່ອນໄຂ ແລະຄຳຮຽກຮ້ອງໄວ້ ຮວມທັງການຊ່ວຍເຫລືອບັນດາຜຸ້ກັບຄືນ ການຊ່ວຍເຫລືອຈາກລັດຖະບານອັຟການິສຖານ ເພື່ອຈັດຫາຄວາມປອດໄພ ແລະໂອກາດວຽກງານຢູ່ໃນອັຟການິສຖານ ຜ່ານການຕ້້ງສະຖາບັນວິຊາອາຊີບຢູ່ໃນແຂວງຕ່າງໆ ເພື່ອໃຫ້ການຊ່ວຍເຫລືອແກ່ພວກທີ່ຖືກສົ່ງກັບຄືນ.
ອົບພະຍົບອັຟອາການິສຖານຫລາຍພັນຄົນປັດຈຸບັນນີ້ຢູ່ໃນກຣິສ ຈາກບ່ອນທີ່ເຂົາເຈົ້າໄດ້ມີຄວາມຫວັງທີ່ຈະເຂົ້າໄປຢູໂຣບ. ແຕ່ວ່າພາຍໃຕ້ຂໍ້ຕົກລົງລະຫວ່າງເທີກີ ກັບຢູໂຣບແລ້ວແມ່ນວ່າ ຄົນເຂົ້າເມືອງທັງໝົດທີ່ຫາກໍ່ໄປເຖິງຫວ່າງມໍໆມານີ້ຢູ່ກຣິສ ຈະຕ້ອງກັບຄືນສູ່ເທີກີ. ສຳລັບຜູ້ກັບຄືນແຕ່ລະຄົນ ເທີກີຈະສົ່ງອົບພະຍົບຊີເຣຍຄົນນຶ່ງໄປຕັ້ງຖິ່ນຖານໃນຢູໂຣບ.
ແຕ່ວ່າຊາຕາກຳຂອງອົບພະຍົບອັຟການິສຖານບໍ່ເປັນທີ່ແຈ້ງຂາວ. ບັນດາລັດຖະບານຢູໂຣບໄດ້ແຕ່ງຕັ້ງໃໝ່ວ່າ ຊາວອັຟການິສຖານເປັນຄົນເຂົ້າເມືອງດ້ານເສດຖະກິດໃນເດືອນກຸມພາ ຫລຸດໂອກາດຂອງເຂົາເຈົ້າທີ່ຈະສາມາດໃຫ້ຢູ່ໃນຢູໂຣບຢ່າງຖືກຕ້ອງ ແລະເທີກີຍັງບໍ່ທັນໄດ້ກ່າວວ່າ ຕົນຈະເນລະເທດເຂົາເຈົ້າກັບຄືນບ້ານເຂົາເຈົ້າຫຼືບໍ່.
