ລິ້ງ ສຳຫລັບເຂົ້າຫາ

ວັນອາທິດ, ໒໖ ພຶດສະພາ ໒໐໒໔

ພວກ​ຫົວຮຸນແຮງ ລັດ​ອິສລາມ ແນເປົ້າໝາຍ ໃສ່ປະຊາ​ຄົມ ​ສື່​ມວນຊົນ ອັຟກາ​ນິສຖາ​ນ


United States Defense Secretary Lloyd Austin views the military honor guard at Camp Aguinaldo military camp in Quezon City, Metro Manila, Philippines.
United States Defense Secretary Lloyd Austin views the military honor guard at Camp Aguinaldo military camp in Quezon City, Metro Manila, Philippines.

ໃນ​ຂະນະ​ທີ່​ວັນ​ອິດສະຫຼະພາບ ດ້ານການ​ຂ່າວຂອງ​ໂລກ​ພວມຍັບ​ໃກ້​ເຂົ້າ​ມາ​ນີ້ ປະຊາ​ຄົມ
​ສື່​ມວນຊົນອັຟກາ​ນິສຖາ​ນ ແມ່ນ​ໄດ້ຮັບ​ກະທົບ​ຢ່າງ​ຮ້າຍ​ແຮງ ​ໃນ​ການ​ສູນ​ເສຍສະມາຊິກ
​ຂອງຕົນ​ເຖິງ 9 ຄົນ ​ໃນພຽງມື້ດຽວ.

ພວກ​ຫົວຮຸນແຮງລັດ​ອິສລາມ ​ໄດ້​ສັງຫານ​ນັກ​ຂ່າວ​ອັຟກາ​ນິສຖານ 9 ຄົນ ແລະ​ເຮັດ​ໃຫ້
ອີກ ​5 ຄົນບາດ​ເຈັບ​ ​ໃນ​ວັນ​ຈັນ​ວານ​ນີ້ ​ໃນ​ການໂຈມຕີດ້ວຍລະ​ເບີດ​ສະຫຼະຊີບ ສອງ​ບັ້ນ​
ຕິດ​ກັນ ​ໃນເຂດໃຈກາງຂອງ​ນະຄອນ​ກາ​ບູລ ​ເມືອງ​ຫຼວງ​ຂອງ​ອັຟກາ​ນິສຖານ​.

ພວກນັກວິ​ເຄາະກ່າວ​ວ່າ ຄວາມ​ໂກດ​ແຄ້ນ ​ກ່ຽວກັບລາຍງານຂ່າວຂອງສື່ມວນຊົນ​ອັຟ
ການ ກຸ່ມລັດ​ອິສລາມ​ໄດ້ພະຍາຍາມທີ່​ກະຈາຍ​ຄວາມ​ຫວາດ​ກົວແລະ​ບັງຄັບ​ໃຫ້​ພວກ​
ນັກ​ຂ່າວ​ມິດ​ງຽບ.

​ທ່ານ ວອລ​ເຕີ ​ດອນ, ອາຈານ​ສອນ​ທີ່​ມະຫາວິທະຍາ​ໄລທະຫານແຫ່ງລາ​ຊະ​ອາ​ນາ​ຈັກ
​ແລະ​ມະຫາ​ວິທະຍາ​ໄລ​ກອງທັບການາດາ ​ໄດ້​ບອກ​ກັບ​ວີ​ໂອ​ເອ​ເຊັ່ນ​ວ່າ “​ກຸ່ມລັດ​ອິສລາ
ຕ້ອງການ ​ທີ່​ຈະ​ທັບ​ມ້າງອິດສະຫຼະພາບຂອງສື່ມວນຊົນ​ໃນ​ອັຟກາ​ນິສຖານ ​ໂດຍ​ການ
​ສ້າງ​ຄວາມ​ຫວາດກົວ​ໃນ​ປະຊາ​ຄົມສື່ມວນ​ຊົນອັຟການິສຖານ. ພວກ​ເຂົາບໍ່​ຕ້ອງການ
ໃຫ້ນຳເອົາ​ຄວາມ​ຈິງ​ອອກມາ​ເຜີຍ​ແຜ່ ພວກ​ເຂົາ​ຊອກ​ຫາ​ຊ່ອງ​ທາງ ​ທີ່ຈະ​ບັງຄັບບໍ່​ໃຫ້
ສື່ມວນຊົນ​ ລາຍ​ງານ​ຕໍ່ຕ້ານ​ຕົນແລະ​ຕົນຈຶ່ງຈະໄດ້ນຳສະ​ເໜີການ​ໂຄ​ສະ​ນາຊວນເຊື່ອ
ທີ່ບິດ​ເບືອນຄວາມຈິງ.”

Twin Suicide Attack Kills 26, Wounds More Than 50 in Kabul
please wait

No media source currently available

0:00 0:01:13 0:00

ທ່ານກ່າວຕື່ມວ່າ “ພວກ​ນັກ​ຂ່າວ​ທີ່​ກ້າຫານ​ຊານ​ໄຊຂອງອັຟການິສຖານ ທີ່​ຍັງສືບ​ຕໍ່​ຂຽນ​
ບົດ​ຄວາມ​ແລະ​ກ້າ​ປາກ​ເວົ້າ ​ກ່ຽວ​ກັບ​ເລື່ອງ​ສຳຄັນ​ຕ່າງ​ໆ ໃນ​ແຕ່ລະມື້ນີ້ ຄວນ​ຈະ​ໄດ້​ຮັບ​
ຄຳ​ສັນລະ​ເສີນ ​ແລະ​ຮູ້​ຄຸນຄ່າ, ບໍ່​ແມ່ນ​ເວົ້າ​ໃສ່​ຮ້າຍ ​ແລະ​ຖືກ​ສັງຫານ. ພວກ​ເຂົາ​ເຈົ້າ​ໄດ້
​ເປີດ​ເຜີຍ​ເລື່ອງ​ການ​ສໍ້​ລາດ​ບັງ​ຫຼວງ​ຂອງລັດ​ຖະບານ ກອງ​ກຳລັງ​ແລະ​ພວກ​ຄ້າ​ຢາ​ເສບ​
ຕິດ​ອື່ນໆແລະ ​ພວກ​ເຂົ້າ​ເຈົ້າຕ້ອງການ​ຄວາມ​ສະໜັບສະໜຸນ.”

​ນອກນັ້ນແລ້ວ ໃນວັນ​ຈັນ​ວານ​ນີ້ ​ມື​ປືນ​ທີ່ບໍ່ຊາບຝ່າຍ ​ໄດ້​ສັງຫານ​ນັກ​ຂ່າວ​ທ້ອງ​ຖິ່ນ​ຂອງ​
ອົງການ​ຂ່າວ BBC ​ໃນ​ແຂວງ ​ໂຄສຕ໌ ທາງ​ພາກ​ຕາ​ເວັນ​ອອກ​ຂອງ​ປະ​ເທດ. ​ໃນ​ເຫດການ
​ທີ່​ຄ້າຍຄື​ກັນ​ນີ້​ເມື່ອສັບປະດາ​ຜ່ານ​ມາ​ນີ້ ກໍ​ມີມື​ປືນທີ່​ບໍ່​ຊາບ​ຝ່າຍ ​ໄດ້​ຍິງ​ນັກ​ຂ່າວ​ອັຟກາ​ນິສ
ຖານ​ຄົນ​ນຶ່ງຕາຍ ​ໃນ​ແຂວງກັນດາ​ຮາ ທາງ​ພາກ​ໃຕ້ຂອງ​ປະ​ເທດ. ຍັງ​ບໍ່​ທັນ​ມີ​ກຸ່ມ​ໃດ​ອອກ​
ມາ​ອ້າງ​ເອົາ​ຄວາມ​ຮັບຜິດຊອບໃນ​ການ​ໂຈມ​ຕີ​ດັ່ງກ່າວ ເທື່ອ.

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

ຊາຍຊາວອັຟການິສຖານ ຍົກຊາຍບາດເຈັບເພື່ອຮັກສາພະຍາບານ ຫຼັງຈາກເຫດລະເບີດມນກາບູລ, ອັຟການິສຖານ, 30 ເມສາ 2018.
ຊາຍຊາວອັຟການິສຖານ ຍົກຊາຍບາດເຈັບເພື່ອຮັກສາພະຍາບານ ຫຼັງຈາກເຫດລະເບີດມນກາບູລ, ອັຟການິສຖານ, 30 ເມສາ 2018.

XS
SM
MD
LG